ដោយគង់ សូរិយា
ភ្នំពេញៈ ក្រុមហ៊ុនវិនិយោគបុរី JRP បានចុះកិច្ចព្រមព្រៀងសហការគ្នាជាមួយក្រុមហ៊ុន Viettel (Cambodia) Pte Ltd (ហៅកាត់ថា VTC) ដើម្បីអភិវឌ្ឍហេដ្ឋារចនាសម្ព័ន្ឋក្នុងបុរីនេះ។
ការចុះហត្ថលេខានេះបានធ្វើឡើងកាលពីថ្ងៃទី២៣ មករា២០២១កន្លងមកនេះ ដែលការចុះហត្ថលេខានេះ គឺផ្តោតលើអតិថិជន BOREY JRP អនុញ្ញាត្តឲ្យក្រុមហ៊ុនViettell ដែលកំពុងដំណើរការសេវាកម្មទូរស័ព្ទ Metphone តំឡើងហេដ្ឋារចនាសម្ព័ន្ធ (Internet) នៅក្នុងទីតាំងបុរី ដែលមានទីតាំងស្ថិតនៅភូមិផ្សារត្រាច ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំងមានផ្ទះល្វែងចំនួន៣០០ ។
ជាមួយគ្នានេះ ក្រុមហ៊ុន METPhONE ផ្តល់តែសេវាកម្ម Internet ទាំងអស់ដល់លំនៅដ្ឋាននៅបុរី។ក្រុមហ៊ុន METPhoNE យល់ព្រមតំឡើងហេដ្ឋារចនាសម្ព័ន្ធ (Internet) សម្រាប់ BOREY JRP ដោយមិនគិតថ្លៃ ពីផ្លូវអន្តរជាតិទៅទល់មុខ BOREY JRP ។ កិច្ចសនន្យានេះ ក៏បានអនុញ្ញាត្តឲ្យក្រុមហ៊ុន METFONE ដាក់គោលការណ៍តម្លៃរបស់ក្រុមហ៊ុនសម្រាប់អតិថិជនជ្រើសរើសផងដែរ។
យោងតាមសេចក្តីប្រកាសព៌តមានរបស់ក្រុមហ៊ុនទាំងពីរនេះ បានឲ្យដឹងផងដែរថា ក្រុមហ៊ុន MEFONE ឆ្លើយតបអំពីថ្លៃសេវាប្រចាំខែរបស់អតិថិជន ដោយផ្ទាល់ជាមួយអតិថិជន ដោយមិនមានការឆ្លើយតបពីបុរី។ ចំពោះការតភ្ជាប់ដែលអតិថិជន បានប្រើប្រព័ន្ធISPផ្សេងទៀតពីមុន យើងនៅតែរក្សាទុកសម្រាប់អតិថិជន។
ប៉ុន្តែប្រសិនបើបន្ទាប់ពី បានចុះហត្ថលេខាលើកិច្ចសន្យា អតិថិជនណាមួយប្រើសេវាវ៉ាយហ្វាយពីប្រព័ន្ធ ISP ផ្សេងទៀតដែលប្រើខ្សែ នោះ BOREY JRP ត្រូវតែជូនដំណឹងដល់ពួកគេ ឱ្យឈប់ហើយប្រើប្រាស់សេវាកម្មវ៉ាយហ្វាយ ពីក្រុមហ៊ុន METPHONE ផងដែរ។
អំពីព៌តមានទាក់ទងនឹងបុរី
បុរី JRP បានចាប់ផ្តើមសាងសង់ និងកំពុងផ្តល់ជូននូវលំនៅដ្ឋានដ៏ស្រស់ស្អាត ជាមួយតម្លៃសមរម្យ និងអាចប្រកបអាជីវកម្មបាន ពិសេសក៏ផ្តល់ជូននូវការបង់រំលស់ត្រឹម២៩០ដុល្លារប៉ុណ្ណោះក្នុងមួយខែ។
លោកស្រីដាលីនម្ចាស់បុរី JRP ស្ថិតនៅក្បែរផ្សារត្រាច និងមានរោងចក្រព័ទ្ឋជុំវិញបានមានប្រសាសន៍ឲ្យដឹងតាមទូរស័ព្ទ នារសៀលថ្ងៃទី២០ វិច្ឆិកាកន្លងមកថា សំរាប់គំរោងថ្មីនេះ ក្រុមហ៊ុនបានសំរិតសំរាំងម៉ូតផ្ទះបែបវីឡាដ៏ស្រស់ស្អាត ជាមួយទំហំដី៨គុណនឹង២១ម៉ែត្រ និងផ្ទះមានទំហំ៦គុណនឹង១៤ម៉ែត្រ មានបន្ទប់គេងចំនួនពីរ និងបន្ទប់ទឹកមួយ ដែលផ្តល់នូវការរស់នៅប្រកបដោយផាសុខភាព និងតម្លៃសមរម្យបំផុត។
លោកស្រីបន្តថា “ផ្ទះនេះបានបើកលក់ហើយ ជាមួយតម្លៃត្រឹម២៣៥០០ដុល្លារប៉ុណ្ណោះសំរាប់ការបង់ផ្តាច់ ប៉ុន្តែបើអតិថិជនបង់រំលស់មានតម្លៃកើនឡើងដល់៣៣៥០០ដុល្លារអាមេរិក ប៉ុន្តែអតិថិជនក៏អាចបង់រំលស់បានត្រឹម២៩០ដុល្លារក្នុងមួយខែ ជាមួយអត្រាការប្រាក់១ភាគរយ” ។
លោកស្រីបានបន្តថា អ្វីកាន់តែពិសេសនោះទីតាំងរបស់បុរីនេះ មានរោងចក្រ សហគ្រាសជាច្រើនព័ទ្ឋជុំវិញ ដែលមានកម្មករ និយោជិតរាប់ពាន់នាក់ធ្វើការ ហេតុនេះវាមានភាពអំណោយផលបំផុត ដល់អ្នកទិញផ្ទះក្នុងគម្រោងរបស់យើង ដែលអាចរស់នៅផង និងប្រកបអាជីវកម្មប្រចាំថ្ងៃផង។លោកស្រីបន្ថែមថា ការសាងសង់វីឡាលក់ក្នុងតម្លៃ ដ៏សមរម្យនេះ ធ្វើឡើងក្នុងចំនួនមានកំណត់ ហេតុនេះអតិថិជនមិនគួររង់ចាំយូរនោះទេ ដោយសារផ្ទះជាច្រើនត្រូវបានកក់ជាបន្តបន្ទាប់។
គម្រោងបុរី ជេ អរ ភីនេះ ស្ថិតនៅជិតផ្សារត្រាច ចម្ងាយពីរគីឡូម៉ែត្រប៉ុណ្ណោះពីទីប្រជុំជនស្រុកឧត្តុង។ បុរិនេះសាងសង់នៅជាប់ផ្លូវរដ្ឋទំហំ៣០ម៉ែត្រ តភ្ជាប់រវាងផ្លូវជាតិលេខ៥ និងផ្លូវជាតិ លេខ៥២១ ហ៊ុមព័ទ្ធជុំវិញទៅដោយរោងចក្រ សហគ្រាសតូចធំច្រើនជាង២០ទីតាំង ដែលកំពុងមានដំណើរការស្រាប់ មានមន្ទីរពេទ្យ វត្តអារាម សាលារៀនរដ្ឋ និងឯកជន រួមជាមួយនឹងផ្ទះស្នាក់របស់កម្មករ-កម្មការិនី រោងចក្រផងដែរ។
លោកស្រីដាលីនបានបន្តថា នៅក្នុងគម្រោងនេះ ក៏មានការរៀបចំហេដ្ឋារចនាស ម្ព័ន្ធយ៉ាងត្រឹមត្រូវមានបណ្តាញ ទឹកស្អាត អគ្គិសនី បណ្តាញបង្ហូរទឹក មានសួនច្បារសម្រាប់ហាត់ប្រាណ សួនកុមារ និងការបង្កើតតំបន់បៃតង ដែលជាការយកចិត្តទុកដាក់ខ្ពស់ក្នុងការចូលរួមចំណែកថែរក្សាបរិស្ថាន និងផ្តល់ភាពងាយស្រួលដល់ការរស់នៅផងដែរ។
អតិថិជនចាប់អារម្មណ៍សសូមទំនាក់ទំនង តាមរយៈលេខទូរស័ព្ទ០៨៥ ៦០០០ ៩១, 093 714 807, 087 7000 49 និងលេខ 077 7000 49 ៕
