ដោយៈ មុនី
បន្ទាយមានជ័យៈ តំបន់ព្រំដែនកម្ពុជា ថៃ (តំបន់ឡែម)បាននិងកំពុងបង្ហាញសក្តានុពលលើការវិនិយោគផ្នែកលំនៅដ្ឋាន បើទោះបីកូវីដ១៩ មិនទាន់មានវ៉ាក់សាំងចាក់ការពារយ៉ាងណាក៏ដោយ ប៉ុន្តែតំបន់នេះនៅតែទាក់ទាញការវិនិយោគពីអ្នកវិនិយោគក្នុងស្រុក និងអន្តរជាតិ។
ជាច្រកព្រំដែនអន្តរជាតិធំលំដាប់ទី២ឡែម ព្រំដែនអន្តរជាតិឡែមមានស្ថានភាពសេដ្ឋកិច្ចល្អប្រសើរ មិនចាញ់ក្រុងប៉ោយប៉ែតឡើយ ដោយបច្ចុប្បន្នេះនេះ សំណង់អគារថ្មីៗ សណ្ឋាគារ ធនាគារ និងក្រុមហ៊ុនធំៗមួយចំនួនបានតម្រៀមជួរគ្នា នៅតាមបណ្តោយផ្លូវជាតិ៥៩យ៉ាងច្រើន។
ការរីកចម្រើនលូតលាត់នៃវិស័យទាំងនេះជាសូចនាករបង្ហាញពីសេដ្ឋកិច្ច និងការវិនិយោគនៅព្រំដែនអន្តរជាតិដូង (ឡែម) មានភាពអំណោយផលច្រើនមិនចាញ់ក្រុងប៉ោយប៉ែតនោះឡើយ ពិសេសហេដ្ឋារចនាសម្ព័ន្ធផ្លូវកៅស៊ូថ្មីមានគុណភាពល្អ ជាច្រើនបានដាក់ឱ្យពលរដ្ឋប្រើប្រាស់។
អភិបាលស្រុកកំរៀង លោក សុក គឹមខុន មានប្រសាសន៍ថា ព្រំដែនឡែមមានលក្ខណៈពិសេសជាងព្រំដែនផ្សេងទៀតត្រង់ថានៅទីនេះមានឱកាសវិនិយោគច្រើន ហើយអាជ្ញាធរស្វាគមន៍ជានិច្ចចំពោះវិនិយោគិនថ្មីៗ។
លោកអភិបាលស្រុក “ស្រុកកំរៀងមានច្រកអន្តរជាតិឡែម ប្រៀបដូចមានដុំពេជ្រ និងមានដំណាំកសិឧស្សាហកម្មសម្រាប់កែច្នៃ ខណៈពលរដ្ឋ៧០ភាគរយជាកសិករ និង៣០ភាគរយជាអាជីវករ”។
ដោយសារមើលឃើញកាលានុវត្តន៍ភាពនេះ លោក ឈួន សិរីវិចិត្រ អគ្គនាយកក្រុមហ៊ុន បុរី រតនសម្បត្តិ លើកឡើងថា លោកបានសម្រេចចិត្តបោះទុនវិនិយោគវិស័យលំនៅដ្ឋាននៅឡែ មដោយភាពជឿជាក់ និងមានមោទនភាពចំពោះការវិនិយោគនេះ។ លោកបន្តថា បុរី រតនសម្បត្តិ មានគោលការណ៍៥ចំណុច ទី១ បុរីមានគុណភាពល្អ, សំណងរឹងមាំ មានប្លង់រឹង មានសុវត្ថិភាព ទី៥និរន្តភាពនិងប្រណិតភាព។
លោកលើកទឹកចិត្តឱ្យពលរដ្ឋខ្មែរទាំងអស់ មិនគួរមើលរំលងលំនៅដ្ឋាននៅព្រំដែនអន្តរជាតិឡែម។ ហើយគម្រោងបុរី រតនសម្បត្តិ តម្លៃសមរម្យ ដែលអាចឆ្លើយតបជាមួយតម្រូវការជាក់ស្តែងរបស់អតិថិជន។
ពលរដ្ឋដែលរស់នៅក្បែរ បុរី រតនសម្បត្តិ លោកស្រី រឿន សម្ផស្ស និយាយថា លោកស្រីពិតជារីករាយ ដែលឃើញអ្នករកស៊ី ចាប់ផ្តើមសម្លឹងនិងយល់ថា “ឡែមជាប៉ោយប៉ែតទី២។ លោកស្រីបានឲ្យដឹងថា លោកស្រីបានបង់រំលោះផ្ទះជាមួយបុរី រតនៈសម្បត្តិមួយខ្នងរួចហើយ។
ពលរដ្ឋអ្នកលក់កាហ្វេម្នាក់ផ្សេងទៀត កញ្ញា គឹម សៀក និយាយថា នៅច្រកអន្តរជាតិឡែមមានប្រពលរដ្ឋច្រើន មិនចាញ់ប៉ោយប៉ែតនោះទេ។ នៅទីនេះ នារយពេលចុងក្រោយ គឺមានលំហូរប្រជាជនចេញចូលច្រើន។ កញ្ញបន្ថែមថា “ខ្ញុំមករស់នៅទីនេះ ១០ឆ្នាំហើយ។ តម្លៃដីនិងផ្ទះ ថ្លៃជាងមុនឆ្ងាយណាស់។ ហើយពិសេសពលរដ្ឋនៅទីនេះ ចាប់ផ្តើមយល់ថា លំនៅដ្ឋានមានតម្លៃសម្រាប់គ្រួសាររបស់ពួកគាត់”។
ព្រំដែនអន្តរជាតិដូង ឬព្រំដែនអន្តរជាតិឡែម ស្ថិតនៅក្នុងស្រុកកំរៀង ខេត្តបាត់ដំបង និងជាប់ព្រំដែនស្រុកសាលាក្រៅ ខេត្តប៉ៃលិន។ កំរៀងមានពលរដ្ឋប្រមាណជាង៦ម៉ឺននាក់។ នៅព្រំដែនអន្តរជាតិឡែម ជាច្រកនាំផ្លែឈើធំជាងគេ និងច្រកអន្តរជាតិធំទី២ បន្ទាប់ពីក្រុងប៉ោយប៉ែត ដោយមានលំហូរពលរដ្ឋចេញចូលជាង១លាននាក់ក្នុងមួយឆ្នាំ។ សម្រាប់ពលរដ្ឋដែលកំពុងរកឱកាសថ្មី ក្នុងវិស័យអចលទ្រព្យនិងលំនៅដ្ឋាន មិនគួរមើលរំលង ច្រកព្រំដែនអន្តរជាតិបានឡែមនោះឡើយ៕
