ដោយៈ រ៉ាណេត
ភ្នំពេញៈ នៅក្នុងស្ថានភាពដែលកំពុងប្រឈមខ្លាំង ទៅនឹងការឆ្លងរាលដាលនៃជំងឺកូវីដ១៩ដ៏គួរឱ្យព្រួយបារម្ភ រហូតដល់រាជរដ្ឋាភិបាល សម្រេចដាក់ភូមិសាស្ត្រសំខាន់ៗមួយចំនួន ជាពិសេសរាជធានីភ្នំពេញ ដែលជាមជ្ឈមណ្ឌលពាណិជ្ជកម្មកំពូលនៃប្រទេសកកម្ពុជា បានធ្វើឱ្យមានផលប៉ះពាល់ទៅដល់ផ្នែកសុខមាលភាពសង្គម និងសេដ្ឋកិច្ច។
ជាការចូលរួម និងចែករំលែកនូវចំណេះដឹងខ្លះៗ ពាក់ព័ន្ធទៅនឹងស្ថានការណ៍នៅពេលបច្ចុប្បន្ននេះ ឧកញ៉ានួន អក ដែលជាអ្នកបណ្តុះបណ្តាលចំណេះដឹង ជំនាញខ្លីៗ និងជាអ្នកវិនិយោគនៅក្នុងវិស័យអចលនទ្រព្យ បានបង្ហាញពីវិធីសាស្ត្រចំនួន៧ចំណុចដែលអាចជួយជាជំនួយផ្នែកស្មារតី នៅក្នុងអំឡុងពេលដែលកំពុង Lockdown នៅពេលនេះ។
ទី១ ទទួលយកព័ត៌មានពិតប្រាកដ មានប្រភពច្បាស់លាស់ពីរដ្ឋាភិបាល
ប្រសិនបើយើងចេះ តែទទួលយកព័ត៌មានដែលគ្មានប្រភព ឬអវិជ្ជមានវាធ្វើឲ្យប៉ះពាល់យ៉ាងខ្លាំង ទៅដល់សតិអារម្មណ៍របស់យើង។ ធ្វើឱ្យយើងមានការភ័យខ្លាចបាត់បង់ម្ចាស់ការ ប្រសិនបើអ្នកមានអារម្មណ៍ធ្លាក់ចុះ ដោយការមើលព័ត៌មានអវិជ្ជមានច្រើនពេក នោះអ្នកគួរតែជ្រើសរើសយកព័ត៌មានផ្លូវការ ២/៣ បានហើយសម្រាប់ធ្វើការបច្ចុប្បន្នភាពនៅព័ត៌មានថ្មីផ្លូវការរបស់រដ្ឋាភិបាល។
ទី២- ថែរក្សារសុខភាពរាងកាយ និងអារម្មណ៍ឱ្យបានល្អ
ក្នុងកំឡុងពេលដ៏លំបាកនេះចូរថែរក្សាខ្លួនឯងឱ្យបានល្អទាំងរាងកាយ និងគំនិត។ ហាត់ប្រាណ យ៉ាងហោចបំផុតឲ្យបាន២០នាទីក្នុងមួយថ្ងៃ បញ្ចូលព័ត៌មានល្អៗច្បាស់លាស់មានប្រភពនៅក្នុងផ្នត់គំនិត(វិជ្ជមាន)។
៣- មើលលើប្រព័ន្ធសង្គម
ជ្រើសរើសយក account/page ដែលមានគំនិតវិជ្ជមានល្អផ្ដល់ដំបូន្មាន និងគន្លឹះផ្សេងៗដែលធ្វើឱ្យអ្នកមានអារម្មណ៍ល្អ និងរីករាយ។
៤- ជួយគាំទ្រអាជីវកម្មតូចៗដែលយើងអាចធ្វើទៅបាន
ចូលជួយប្រើប្រាស់សេវាកម្ម ឬផលិតផលរបស់អាជីវកម្មដែលនៅក្បែរ ទីតាំងដែលយើងកំពុងរស់នៅ ព្រោះវាអាចមានចំណែក ក្នុងការចូលរួមជួយសេដ្ឋកិច្ចប្រជាពលរដ្ឋផងដែរ។
៥- បង្កើនការស្និទ្ធស្នាលជាមួយមនុស្សនៅក្នុងផ្ទះ (ប្ដី ប្រពន្ធ និងកូន)
ជាធម្មតាមនុស្សម្នាក់ៗ តែងតែរវល់នឹងកិច្ចការរៀងៗខ្លួន តែនេះក៏អាចជាពេលវេលាដ៏ល្អ សម្រាប់យើងធ្វើការយល់ពីមនុស្ស នៅក្នុងផ្ទះរបស់យើង ក៏ដូចជា កូនរបស់យើងឲ្យកាន់តែច្បាស់ ដើម្បីងាយស្រួលក្នុងការរៀបចំផែនការជីវិតសម្រាប់ពួកគាត់។
៦- ប្រើពេលវេលាសិក្សាអំពីខ្លួនឯង
វាអាចធ្វើឱ្យយើងលេចចេញនូវគំនិតអាជីវកម្មថ្មីៗ ដូចជាការមើលទូរទស្សន៍ដឹងរឿងថ្មីៗ អានសៀវភៅចំណេះដឹងថ្មីៗ ចាប់ផ្ដើមមានចំណង់ចំណូលចិត្តថ្មី។
៧- រៀនអ្វីដែលថ្មីៗ
ប្រសិនបើយើងមានពេលវេលាទំនេរច្រើន គួរតែរកការរៀនសូត្រតាមអនឡាញថ្មីៗដូចជា រៀនភាសាតាមអ៊ីនធឺណិត រៀនពីប្រព័ន្ធបច្ចេកវិទ្យា system ថ្មីៗ ក៏ដូចជារៀនធ្វើសមាធិជាដើម។
ទាំងអស់នេះ សុទ្ធតែជាអ្វីដែលអាចជួយលោក ជំនួយដល់ផ្នែកស្មារតីរបស់លោកអ្នកនៅក្នុងអំឡុងពេលដែលប្រឈ មនៃការបិទខ្ទប់ភូមិសាស្ត្រនាពេលបច្ចុប្បន្ន៕
