ដោយ វុត្ថា
ភ្នំពេញ៖ មហាយក្សចិន ពិតជាមាននគំនិតឆ្នៃប្រឌិតក្នុងការរចនាម៉ូដអាគារផ្សេងៗដើម្បីទាក់ទាញភ្នែកភ្ញៀវទេសចរណ៍ជាតិ និងអន្តរជាតិ ជាពិសេសគឺអគារមួយមានឈ្មោះថា «Fang Yuan Building» ។
អគារ Fang Yuon Building នេះ ត្រូវបានគេរចនាឡើងជារូបរាង្គកាក់នាសម័យបុរាណ ក្នុងគោលបំណងបង្ហាញដល់មនុស្សជំនាន់ក្រោយ បានសិក្សាស្វែងយល់ និងចង់ចាំ។ អគារដែលមានរូងរាង្គមូលនេះ ត្រូវបានគេសាងសង់ឡើងនៅក្នុងទីក្រុង Shenyang របស់ប្រទេសចិន។
អគារដ៏អស្ចារ្យនេះផងដែរ ត្រូវបានគេសាងសង់ឡើងក្នុងឆ្នាំ ២០០១ ធ្វើជាការិយាល័យធ្វើការ ដែលមានកំពស់ ២៤ជាន់ នៅលើទំហំដី ៤៨០០០ ម៉ែត្រការ៉េ ដែលរចនាប្លង់ដោយស្ថាបត្យកម្មសំណង់ជនជាតិចិន-តៃវាន់ លោក C.Y Lee ដែលជាអ្នកគូប្លង់អគារខ្ពស់កប់ពពកក្នុងកោះតៃវ៉ាន់ដ៏ល្បីល្បាញ គឺអគារ Taipei 101។
លោក Lee បានរចនាមូដអគារនេះ ឡើងលាយឡំដោយស្តាយប្រទេសលោកលើកឡើងខាងកើត និងខាងលិខ ប៉ុន្តែនៅតែមានរូបរាង្គជាកាក់បុរាណចិន ដែលមានន័យប្រាស័យទាក់ទងគ្នារវាងមនុស្សសម័យបច្ចុប្បន្ន និងអតិតកាល។
អគារនេះ ត្រូវបានគេចាត់ទុកថាមានរចនាបទតែមួយគត់នៅក្នុងតំបន់អាស៊ី ។ មិនត្រឹមតែប៉ុណ្ណោះ ទូរទស្សន៍ CNN បានចាត់ទុកថា អគារដែលរចនាដោយស្ថាបត្យករល្បីល្បាញនេះ គឺជាអគារដ៏អាក្រក់បំផុតក្នុងពិភពលោក តែមានភាពទាក់ទាញ។
បើទោះបីគេចាត់ទុកថារចនារបស់អគារនេះមិនល្អយ៉ាងក្តី អគារនេះ ត្រូវបានបានជាប់នៅក្នុងបញ្ជីអគារដែលមានរូបរាង្គអាក្រក់បំផុតដែរ (Worlds’ Ugliest Building) និងល្បីល្បាញបំផុតក្នុងពិភពលោក៕
