បណ្តាមូលនិធិ​ធំៗក្នុងតំបន់អាស៊ី​គ្រោងទាក់ទាញ​ទុនវិនិយោគចំនួន៣៥ពាន់​លាន​ដុល្លារចូល​ក្នុង​ប្រទេស​វៀតណាម

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: បណ្តាក្រុមហ៊ុនមូលធនឯកជនជាច្រើនក្នុងតំបន់អាសុីបានសហការគ្នាក្នុងការបង្កើតសម្ព័ន្ធភាពមួយ ក្នុងគោលបំណងសម្របសម្រួលទុនវិនិយោគចំនួន៣៥ពាន់លានដុល្លារអាមេរិកចូលទៅកាន់ប្រទេសវៀតណាមក្នុងរយៈពេល១ទសវត្សរ៍ខាងមុខ។

សម្ព័ន្ធភាពត្រូវបានបង្កើតឡើងរវាងបណ្តាក្រុមហ៊ុនមូលធនឯកជននានា ដូចជាក្រុមហ៊ុន Golden Gate Ventures ក្រុមហ៊ុន Do Ventures និងក្រុមហ៊ុន Monk’s Hill Ventures ដោយដាក់ឈ្មោះសម្ព័ន្ធភាពនេះថា “ទីភ្នាក់ងារមូលធនឯកជនវៀតណាម”។

លោក Vinnie Lauria សមាជិកក្រុមប្រឹក្សាភិបាលរបស់ទីភ្នាក់ងារខាងលើបានមានប្រសាសន៍ឱ្យដឹងថា ការចងសម្ព័ន្ធភាពនេះមានគោលដៅដើម្បីជួយសម្រួលដល់ការវិនិយោគក្នុងវិស័យនានា រាប់ចាប់ពី វិស័យកសិកម្មដល់ការអប់រំ និងការថែទាំសុខភាព។

លោក Lauria ក្នុងនាមជាដៃគូស្ថាបនិកក្រុមហ៊ុន Golden Gate បានអះអាងថា “វៀតណាមជាទីផ្សារដ៏មានសក្តានុពល។ ការសម្រេចបង្កើតទីភ្នាក់ងារមូលធនឯកជនវៀតណាម ដោយសារយើងសង្កេតឃើញមានការវិវឌ្ឍន៍សំខាន់ៗក្នុងប្រទេសវៀតណាម រួមមានការដំឡើងប្រាក់ឈ្នួល កំណើនសេដ្ឋកិច្ច កំណើនលំហូរ FDI កំណើននៃការនាំចេញក្រោយវិបត្តិជំងឺកូវីដ-១៩ កម្មវិធីនវានុវត្តន៍ថ្មីរបស់រដ្ឋាភិបាលវៀតណាម និងការអភិវឌ្ឍន៍ហេដ្ឋារចនាសម្ព័ន្ធយ៉ាងឆាប់រហ័ស”។

បណ្តាអ្នកវិនិយោគជាច្រើនបានបង្ហាញក្តីសង្ឃឹមខ្ពស់ចំពោះសក្តានុពលរបស់ប្រទេសនេះ ស្របពេលភាពតានតឹងរវាងសហរដ្ឋអាមេរិក និងចិនកំពុងជំរុញឱ្យក្រុមហ៊ុនអន្តរជាតិធំៗផ្លាស់ប្តូរទីតាំងរោងចក្រ និងកំណត់គោលដៅទីផ្សារថ្មី។

ជាមួយគ្នានេះ សេដ្ឋកិច្ចឌីជីថលរបស់វៀតណាមត្រូវបានគេរំពឹងថា នឹងកើនឡើងលើសទំហំទឹកប្រាក់៩០ពាន់លានដុល្លារក្នុងឆ្នាំ២០៣០ បើធៀបនឹង ៣០ពាន់លានដុល្លារកាលពីឆ្នាំមុន។ នេះបើយោងតាមរបាយការណ៍រួមពីក្រុមហ៊ុន Google ក្រុមហ៊ុន Temasek Holdings និងក្រុមហ៊ុន Bain & Co។

និន្នាការនៃការចាប់ផ្តើមបើកអាជីវកម្មថ្មី ឬ Start-up របស់វៀតណាមបានផ្ទុះឡើងក្នុងរយៈពេលប៉ុន្មានឆ្នាំកន្លងមកនេះ ដោយសារការកើនឡើងនៃក្រុមហ៊ុនដូចជា ក្រុមហ៊ុនអភិវឌ្ឍន៍ហ្គេម VNG Corp។ ប៉ុន្តែ វិស័យបច្ចេកវិទ្យារបស់ប្រទេសនេះបានជួបបញ្ហាប្រឈមក្នុងការការស្រូបទាញដើមទុន ចាប់តាំងពីមានវិបត្តិសេដ្ឋកិច្ច ក្រោយផ្ទុះវិបត្តិជំងឺរាតត្បាតសកល។

យោងតាមរបាយការណ៍របស់ក្រុមហ៊ុន Google បានឱ្យដឹងថា កាលពីឆ្នាំ២០២១ ប្រទេសវៀតណាមបានទាក់ទាញទុនវិនិយោគពីទីផ្សារបច្ចេកវិទ្យា Start-up ចំនួន២,៦ពាន់លានដុល្លារតាមរយៈកិច្ចព្រមព្រៀងឯកជនចំនួន២៣៣ កើនឡើងពីចំនួន៧០០លានដុល្លារតាមរយៈការចុះកិច្ចព្រមព្រៀងចំនួន១៤០ ក្នុងឆ្នាំ២០២០៕ប្រភព: Bloomberg៕

ទីផ្សារលំនៅដ្ឋានហុងកុងពឹងផ្អែកខ្លាំងទៅលើស្ថានភាពសេដ្ឋកិច្ច និងទំនុកចិត្តអ្នកទិញ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: យោងតាមក្រុមអ្នកជំនាញបានឱ្យដឹងថា ការកើនឡើងនៃសង្រ្គាមពាណិជ្ជកម្មរវាងចិន និងសហរដ្ឋអាមេរិកកំពុងជះផលប៉ះពាល់ដល់ទំនុកចិត្តរបស់ប្រជាពលរដ្ឋចិនដីគោក ដែលមានគោលបំណងទិញផ្ទះនៅក្នុងតំបន់រដ្ឋបាលពិសេសទីក្រុងហុងកុង ។

ការធ្លាក់ចុះនៃទំនុកចិត្តក៏បណ្តាលមកពីភាពមិនប្រាកដប្រជានៃម៉ាក្រូសេដ្ឋកិច្ច និងហានិភ័យនៃការដាំក្បាលចុះរបស់តម្លៃរូបិយបណ្ណក្នុងស្រុក។ កត្តាទាំងនេះបានជះផលប៉ះពាល់ទៅលើទីផ្សារលំនៅដ្ឋានហុងកុង។នេះបើយោងតាមកាសែត South China Morning Post ។

លោក Joseph Tsang ប្រធានក្រុមហ៊ុនប្រឹក្សាអចលនទ្រព្យ JLL Hong Kong បានលើកឡើងថា “ទីផ្សារអចលនទ្រព្យរបស់ទីក្រុងហុងកុងពឹងផ្អែកយ៉ាងខ្លាំងទៅលើសេដ្ឋកិច្ច ដែលច្បាស់ជានឹងរងផលប៉ះពាល់ពីសង្រ្គាមពាណិជ្ជកម្ម ដោយជៀសមិនរួច”។

លោកបានគូសបញ្ជាក់បន្ថែមថា ទិសដៅសេដ្ឋកិច្ចនាពេលបច្ចុប្បន្នមិនមានភាពអំណោយផលសម្រាប់ទស្សនវិស័យលើតម្លៃផ្ទះនៅទីក្រុងហុងកុងនោះទេ។

ជាមួយគ្នានេះ រដ្ឋាភិបាលចិនត្រូវបានគេរំពឹងថា អាចនឹងអនុញ្ញាតឱ្យមានការធ្លាក់ថ្លៃចុះបន្ថែមទៀតនៃរូបិយបណ្ណជាតិរបស់ខ្លួន នៅក្នុងគោលបំណងដើម្បីកាត់បន្ថយផលប៉ះពាល់នៃការដំឡើងពន្ធរបស់សហរដ្ឋអាមេរិកលើទំនិញចិន ដែលនាំចេញទៅកាន់អាមេរិក។

លោក Chau Kwong-wing សាស្ត្រាចារ្យស្រាវជ្រាវអចលនទ្រព្យនៅសាកលវិទ្យាល័យ University of Hong Kong បានអះអាងថា ការធ្លាក់ថ្លៃចុះនៃប្រាក់យ័ននឹងជះឥទ្ធិពលអវិជ្ជមានដល់តម្លៃលំនៅដ្ឋាននៅក្នុងទីក្រុងហុងកុង។

ខណៈពេលដែលមានភាពចលាចលនៅលើទីផ្សារហិរញ្ញវត្ថុពិភពលោក តម្លៃប្រាក់យ័នរបស់ប្រទេសចិនបានដាំក្បាលចុះដល់កម្រិតទាបបំផុត ដោយធ្វើការជួញដូរក្នុងតម្លៃចំនួន៧,៤២យ័នក្នុងមួយដុល្លារអាមេរិកកាលពីពេលកន្លងទៅថ្មីៗនេះ៕ប្រភព: SCMP៕

គម្រោងអគារខ្ពស់កប់ពពក Goldin Finance 117 របស់ប្រទេសចិន គ្រោងបើកដំណើការសាងសង់ឡើងវិញ ក្រោយផ្អាកជិត១០ឆ្នាំ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: យោងតាមប្រព័ន្ធផ្សព្វផ្សាយរដ្ឋចិន បានឱ្យដឹងថា គម្រោងសាងសង់អគារខ្ពស់កប់ពពក Goldin Finance 117 អាចនឹងចាប់ផ្តើមដំណើរការឡើងវិញនៅដើមសប្តាហ៍ក្រោយ បន្ទាប់ពីបានជាប់គាំងអស់រយៈពេលជិត១០ឆ្នាំកន្លងមក។

គម្រោងអគារ Goldin Finance 117 កម្ពស់៥៩៧ម៉ែត្រ នេះមានទីតាំងស្ថិតនៅទីក្រុងកំពង់ផែ Tianjin ភាគខាងជើងនៃប្រទេសចិន។ ប៉ុន្តែ គម្រោងនេះត្រូវបានផ្អាកចាប់តាំងពីឆ្នាំ២០១៥ ដោយភាពតានតឹងផ្នែកហិរញ្ញវត្ថុ។

នាពេលនេះ ការសាងសង់អគារ Goldin Finance 117 ត្រូវបានគេរំពឹងថា នឹងបញ្ចប់រួចរាល់នៅក្នុងឆ្នាំ២០២៧ខាងមុខ។នេះបើយោងតាមការដកស្រង់ចុះផ្សាយដោយសារព័ត៌មានអាមេរិក CNN។

កាលពីដំបូងឡើយ អគារកំពស់១១៧ជាន់នេះធ្លាប់ត្រូវបានគេរំពឹងទុកថា នឹងក្លាយជាអគារខ្ពស់ជាងគេបំផុតរបស់ប្រទេសចិន,នៅពេលគម្រោងនេះបានបើកការដ្ឋានសាងសង់កាលពីឆ្នាំ២០០៨។ ប៉ុន្តែ បច្ចុប្បន្ន អគារ Shanghai Tower ជាអគារខ្ពស់ជាងគេទី១ នៅប្រទេសចិន ដែលមានកំពស់៦៣២ម៉ែត្រ និងមាន១២៨ជាន់។

អគារ Goldin Finance 117 ត្រូវបានសាងសង់ ដោយប្រើសសរយក្ស(Mega column) ដើម្បីទប់ទល់ពេលខ្យល់បក់បោកខ្លាំង និងធន់នឹងការរញ្ជួយដី។ នៅជាន់ខាងលើនៃអគារនេះនឹងមានការិយាល័យ និងសណ្ឋាគារលំដាប់ផ្កាយ៥។នេះបើយោងតាមក្រុមហ៊ុនស្ថាបត្យកម្ម P&T Group ។

គម្រោងអគារខ្ពស់កប់ពពកនេះបានជាប់គាំង បន្ទាប់ពីការដាំក្បាលចុះនៃទីផ្សារភាគហ៊ុនចិនកាលពីឆ្នាំ២០១៥។ ការណ៍នេះបានធ្វើឱ្យអនាគតរបស់ក្រុមហ៊ុន Goldin Properties Holdings ដែលជាម្ចាស់គម្រោងអគារ Goldin Finance 117 ធ្លាក់ចូលទៅក្នុងភាពមិនប្រាកដប្រជា៕ប្រភព: CNN៕

ប្រទេសម៉ាឡេសុីគ្រោងសាងសង់ទីក្រុងឧស្សាហកម្មខ្នាតយក្សថ្មីមួយតាមផ្លូវសមុទ្រ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: ប្រទេសម៉ាឡសុីគ្រោងសាងសង់ទីក្រុងឧស្សាហកម្មតាមផ្លូវសមុទ្រ “Lumut”ស្ថិតក្នុងរដ្ឋ Perak ក្នុងគោលបំណងទាក់ទាញការវិនិយោគឱ្យបានក្នុងទំហំទឹកប្រាក់ចំនួន៧២ពាន់លានរីងហ្គីត(ប្រមាណ១៦,៤ពាន់លានដុល្លារអាមេរិក)ក្នុងរយៈពេល២៥ឆ្នាំ។

ការងារសាងសង់ហេដ្ឋារចនាសម្ព័ន្ធនៃគម្រោងខ្នាតយក្សនេះត្រូវបានគេរំពឹងថា នឹងចាប់ផ្តើមដំណើរការនៅក្នុងឆ្នាំ២០២៦ ខណៈដំណាក់កាលដំបូងនៃគម្រោងគ្រោងបើកដាក់ឱ្យប្រើប្រាស់នៅដើមឆ្នាំ២០៣០ខាងមុខ។

ទីក្រុងនេះនឹងលាតសន្ធឹងលើផ្ទៃដីទំហំ៩.៣០៧ហិកតា តាមបណ្តោយឆ្នេរសមុទ្រភាគខាងលិចរបស់រដ្ឋ Perak។គម្រោងនេះត្រូវបានរចនាឡើងដើម្បីបម្រើជាមជ្ឈមណ្ឌលដឹកជញ្ជូនតាមផ្លូវសមុទ្រ និងជាតំបន់ឧស្សាហកម្មប្រកបដោយនិរន្តរភាព ដែលផ្តោតលើការបង្កើតតម្លៃបន្ថែម និងភាពច្នៃប្រឌិត។

គម្រោងសាងសង់ទីក្រុងឧស្សាហកម្មតាមផ្លូវសមុទ្រ “Lumut”កើតចេញពីការបណ្តាក់ទុនរួមគ្នារវាងក្រុមហ៊ុន Perak State Development Corporation និងក្រុមហ៊ុនPort of Antwerp-Bruges International (PoABI) ដែលមានមូលដ្ឋាននៅប្រទេសបែលហ្សិក។

យោងតាមលោក Rafael Daerr ឯកអគ្គរដ្ឋទូតសហភាពអឺរ៉ុបប្រចាំប្រទេសម៉ាឡេស៊ីបានឱ្យដឹងថា ការគាំទ្រមូលនិធិនាពេលអនាគតសម្រាប់ការអភិវឌ្ឍន៍គម្រោងនេះអាចមានប្រភពយមកពីសហភាពអឺរ៉ុបតាមរយៈប្រាក់កម្ចី ឬជំនួយឥតសំណង រួមទាំងការចូលរួមរបស់ធនាគារវិនិយោគអឺរ៉ុប (EIB)។

លោក Daerr បានបន្ថែមថា “ការសម្រេចចិត្តមិនទាន់ត្រូវបានធ្វើឡើងនៅឡើយទេ។ ប៉ុន្តែ គម្រោងទីក្រុង LuMIC នេះស្របតាមគោលដៅរបស់ EU ក្រោមយុទ្ធសាស្ត្រ Global Gateway។ គម្រោងនេះមានសក្តានុពលក្នុងការក្លាយជាច្រកទ្វារដែលផ្តល់អត្ថប្រយោជន៍ទៅវិញទៅមកប្រកបដោយស្តង់ដារខ្ពស់រវាងម៉ាឡេស៊ី និងអឺរ៉ុប”។

យោងតាមការសិក្សាដោយក្រុមហ៊ុនអឺរ៉ុប PoABI បានបង្ហាញថា គម្រោងសាងសង់ទីក្រុងឧស្សាហកម្មតាមផ្លូវសមុទ្រ Lumut មានសក្តានុពលខ្ពស់លើផ្នែកនានា ដូចជាថាមពលបៃតង ការកែច្នៃកប៉ាល់ វិស្វកម្មផ្លូវសមុទ្រ និងបច្ចេកវិទ្យា 3D៕ប្រភព: The Edge Malaysia៕

ស្ពានមិត្តភាពកម្ពុជា កូរ៉េគ្រោងនឹងបើកការដ្ឋានសាងសង់ផ្លូវការនៅឆ្នាំ២០២៦​ ខាងមុខ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ទីស្ដីការក្រសួង៖ នាព្រឹកថ្ងៃសុក្រ ទី២៥ ខែមេសា ឆ្នាំ២០២៥ ឯកឧត្តម សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពការងារសិក្សាលម្អិត (Detailed Design) នៃគម្រោងសាងសង់ស្ពានមិត្តភាពកម្ពុជា-កូរ៉េ ដោយមានការអញ្ជើញចូលរួមពីសមាជិកអង្គភាពគ្រប់គ្រងគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងសាលារាជធានីភ្នំពេញ តំណាងមូលនិធិសហប្រតិបត្តិការអភិវឌ្ឍសេដ្ឋកិច្ច (EDCF) និងក្រុមហ៊ុនទីប្រឹក្សាបច្ចេកទេសកូរ៉េ Yooshin JV។

កិច្ចប្រជុំនាព្រឹកនេះ ត្រូវបានរៀបចំឡើងក្នុងគោលបំណងដើម្បីពិនិត្យលើវឌ្ឍនភាពការងារសិក្សាលម្អិតនៃគម្រោងសាងសង់ស្ពានមិត្តភាពកម្ពុជា-កូរ៉េ របស់ទីប្រឹក្សាបច្ចេកទេសកូរ៉េ Yooshin JV ក៏ដូចជាពិនិត្យលើបញ្ហាប្រឈមនានា ព្រមទាំងស្វែងរកដំណោះស្រាយសមស្រប ក្នុងន័យជំរុញការងារសិក្សាឱ្យសម្រេចតាមផែនការដែលបានគ្រោងទុក។

សូមជម្រាបថាគម្រោងសាងសង់ស្ពានមិត្តភាពកម្ពុជា-កូរ៉េ គ្រោងនឹងសាងសង់ខ្សែកាប (Cable-Stayed) ចំនួនពីរ គឺស្ពានទីមួយឆ្លងកាត់ទន្លេសាប (ពីសង្កាត់វត្តភ្នំ ទៅកាន់សង្កាត់ជ្រោយចង្វារ) និងស្ពានទីពីរឆ្លងកាត់ទន្លេមេគង្គ (ពីសង្កាត់ជ្រោយចង្វារ ទៅកាន់សង្កាត់អរិយក្សត្រ) ដែលមានប្រវែងសរុបប្រមាណ ៣,៥ គ.ម។ បើគិតត្រឹមខែមីនា ឆ្នាំ២០២៥ នេះ ការងារសិក្សាលម្អិតសម្រេចបានប្រមាណ ៥៦,៧៧% ហើយគ្រោងនឹងបញ្ចប់ក្នុងអំឡុងខែមិថុនា ឆ្នាំ២០២៥ មុននឹងបន្តរៀបចំនីតិវិធីកិច្ចលទ្ធកម្មជ្រើសរើសក្រុមហ៊ុនសាងសង់។ តាមការគ្រោងទុក គម្រោងនេះគ្រោងនឹងបើកការដ្ឋានសាងសង់នាដើមឆ្នាំ២០២៦ ហើយគ្រោងនឹងបញ្ចប់ការងារសាងសង់ក្នុងឆ្នាំ ២០៣០។

 

ក្រោយបញ្ចប់ការសាងសង់ ស្ពានមិត្តភាពកម្ពុជា-កូរ៉េ នឹងក្លាយជាស្ពាននិមិត្តរូបដ៏សំខាន់ និងមានអត្ថន័យ ដោយស្ពាននេះនឹងរួមចំណែកក្នុងការអភិវឌ្ឍសេដ្ឋកិច្ចជាតិ តាមរយៈការរួមចំណែកដល់ការអភិវឌ្ឍហេដ្ឋារចនាសម្ព័ន្ធនៅក្នុងរាជធានីភ្នំពេញ និងខេត្តកណ្តាល ការកាត់បន្ថយថិរវេលា និងថវិកាក្នុងការធ្វើដំណើរ ដែលជាផ្នែកមួយក្នុងការទាក់ទាញភ្ញៀវទេសចរ ការលើកកម្ពស់វិស័យកសិកម្ម និងពាណិជ្ជកម្ម៕

:: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT)
– Facebook: https://www.facebook.com/mpwt.gov.kh
– Telegram: https://t.me/mpwtnews
– TikTok: https://www.tiktok.com/@mpwt.tiktok
– YouTube: https://www.youtube.com/@mpwt.youtube

ដំណឹងល្អៈTripadvisor នឹងចូលរួមសហការជាមួយក្រសួងជួយដល់ការអភិវឌ្ឍដល់សហគមន៍ទេសចរណ៍

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ គង់ សូរិយា

    អន្តរជាតិៈ ជាដំណឹងរីករាយមួយ ដែលគេហទំព័រទេសចរណ៍ដ៏ល្បីលើពិភពលោកTripadvisor នឹងចូលរួមសហការជាមួយក្រសួងទេសចរណ៍ ដើម្បីជួយដល់ការអភិវឌ្ឍសហគមន៍ ទេសចរណ៍នៅមូលដ្ឋាន។

ព័ត៌មានដ៏ល្អនេះ ត្រូវបានលើកឡើងក្នុងពេលរដ្ឋមន្រ្តីក្រសួងទេសចរណ៍ លោកហួត ហាក់ បានអនុញ្ញាតជូនលោក Fabrizio Angelo Orlando នាយកទទួលបន្ទុកសកលផ្នែកកិច្ចការ  របស់ក្រុមហ៊ុន Tripadvisor (Global Director, Industry Affairs) ចូលជួបសំដែងការគួរសម និងពិភាក្សាការងារលើកិច្ចសហប្រតិបត្តិការ លើវិស័យទេសចរណ៍ ជាមួយក្រសួងទេសចរណ៏កម្ពុជា ផ្តោតលើការផ្តល់នូវលទ្ធភាពដល់សហគមន៍ និងម្ចាស់អាជីវកម្មខ្នាតតូចមានលទ្ធភាពចូលរួមផ្តល់សេវាកម្ម ក្នុងវេទិកា(Platform) របស់ក្រុមហ៊ុនដ៏ធំ និងល្បីល្បាញក្នុងពិភពលោកមួយនេះ រួមទាំងការផ្តល់នូវការបណ្តុះបណ្តាលផងដែរ។

កិច្ចសហប្រតិបត្តិការនេះ គឺគោរពប្រតិបត្តិតាមអនុសាសន៍ដ៏ខ្ពង់​ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានណែនាំដល់ក្រសួងទេសចរណ៏ “សហការសម្របសម្រួល ជាមួយប្រតិបត្តិករទេសចរណ៍ និងសហគមន៍ ដើម្បីជំរុញទេសចរណ៍ធម្មជាតិ នៅតំបន់នោះឱ្យកាន់តែប្រសើរឡើង ក៏ដូចជា ការជួយបង្កើនសមត្ថភាពរបស់សហគមន៍ ក្នុងការផ្ដល់សេវាទេសចរណ៍ផងដែរ” នាដំណើរទស្សនកិច្ចតំបន់ខ្នងផ្សារកន្លងមក។

TripAdvisor គឺជាវេទិកាធំបំផុតមួយលើលោកសម្រា​ប់ស្វែងរក ស្វែងយល់ ប្រៀបធៀប និងបញ្ចេញយោបល់អំពីទីកន្លែងទេសចរណ៍ដូចជាសណ្ឋាគារ ភោជនីយដ្ឋាន កន្លែងទេសចរណ៍ និងសេវាកម្ម ក្នុងវិស័យទេសចរណ៍ពាសពេញពិភពលោក និងបន្តុំជាង១ពាន់លានមតិយោបល់៕

ទីក្រុងឌូបៃសម្រុកលក់ចេញផ្ទះតម្លៃរាប់លានដុល្លារនៅក្នុងត្រីមាសទី១

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: ទីផ្សារអចលនទ្រព្យនៅទីក្រុងឌូបៃរបស់ប្រទេសអេមីរ៉ាត់អារ៉ាប់រួម(UAE)បានបន្តហក់ឡើងខ្ពស់នៅក្នុងត្រីមាសទី១ ឆ្នាំ២០២៥ ខណៈក្រុមអតិថិជនលំដាប់អ្នកមានបានសម្រុកទិញផ្ទះមានតម្លៃលើសពី១០លានដុល្លារអាមេរិកនៅក្នុងទីក្រុងមួយនេះ។

ក្នុងរយៈពេល៣ខែដំបូងនៃឆ្នាំ២០២៥ ផ្ទះចំនួន១១១យូនីត ត្រូវបានលក់ចេញ កើនឡើង៤,៧ភាគរយបើធៀបនឹងរយៈពេលដូចគ្នាកាលពីឆ្នាំមុន។ ក្នុងចំណោមនោះ គេសង្កេតឃើញមានការលក់ផ្ទះចំនួន១២យូនីត ដែលមានតម្លៃចាប់ពី២៥លានដុល្លារអាមេរិក។

យោងតាមក្រុមហ៊ុនស្រាវជ្រាវអចលនទ្រព្យ Knight Frank បានឱ្យដឹងថា ការកើនឡើងនេះជាសញ្ញាបង្ហាញថា តម្រូវការលើទីផ្សារអចលនទ្រព្យរបស់ទីក្រុងឌូបៃបានបន្តកើនឡើងក្នុងរយៈពេលប៉ុន្មានខែ មុនពេលមានភាពចលាចលទូទាំងពិភពលោកនៅខែមេសា បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសដំឡើងពន្ធជាសកល។

តម្រូវការអចលនទ្រព្យនៅទីក្រុងឌូបៃបានកើនឡើងយ៉ាងគំហុកចាប់តាំងពីឆ្នាំ២០២០ ក្រោយពេលដែលរដ្ឋាភិបាលរបស់ប្រទេសអេមីរ៉ាត់អារ៉ាប់រួមបានដាក់ចេញគោលនយោបាយទិដ្ឋាការសេរី ដោយបានទាក់ទាញលំហូរអ្នកទិញជាជនបរទេសជាច្រើនចូលមកកាន់ទីក្រុងឌូបៃ។

នៅក្នុងត្រីមាសទី១ តំបន់កោះសិប្បនិមិត្ត “Palm Jumeirah” នៅតែជាទីតាំងដ៏ពេញនិយមបំផុតមួយ ដោយកត់ត្រាការលក់ផ្ទះចំនួន៣៤យូនីត ដែលមានតម្លៃជាង១០លានដុល្លារអាមេរិកក្នុងមួយយូនីត។នេះបើយោងតាមរបាយការណ៍ពីក្រុមហ៊ុនKnight Frank ។

ទោះជាយ៉ាងណាក្តី ក្រុមអ្នក​វិភាគ​បាន​ព្រមាន​ថា​ វិស័យ​អចលន​ទ្រព្យ​របស់​ទីក្រុង​ឌូបៃ​​ប្រឈម​មុខនឹង​ហានិភ័យ​កាន់​តែ​ច្រើន​ចាប់ពីពេលនេះតទៅ​មុខ។ បណ្តាមហាសេដ្ឋីមកពីជុំវិញពិភពលោកអាចនឹងសម្រេចចិត្តដើរចេញ ឬកាត់បន្ថយការវិនិយោគ ស្របពេលមានភាពមិនច្បាស់លាស់នៃទីផ្សារ។

ម្យ៉ាងវិញទៀត ការធ្លាក់ចុះនៃតម្លៃប្រេងឆៅលើទីផ្សារអន្តរជាតិនាពេលថ្មីៗនេះក៏អាចនាំឱ្យកំណើនសេដ្ឋកិច្ចរបស់ប្រទេសអេមីរ៉ាត់អារ៉ាប់រួមធ្លាក់ចុះផងដែរ៕ប្រភព: Bloomberg៕

NYC gateway tunnel expected to generate US$445b for economy

0

The long-awaited US$16 billion (RM70.26 billion) rail tunnel project connecting New York City and New Jersey is expected to provide the national and regional economy with a US$445 billion boost.

The construction phase of the Gateway Program will generate about $42.8 billion of economic activity in the region, according to an economic analysis by the Regional Plan Association. After completion, the tunnel will generate US$230 billion worth of economic activity in the region and another US$170 billion across the US.

The project is meant to ease congestion underneath the Hudson River by adding a new tunnel and making upgrades to the existing connector, which is more than a century old.

Commuters that use the Northeast Corridor, including those on New Jersey Transit and Amtrak, have been subjected to service disruptions because of deteriorating rail infrastructure.

Employers in New York City stand to lose millions for every hour that a NJ Transit commuter is late getting to work, for example.

The Gateway Project aims to mitigate those issues. The plan will facilitate a 110% increase in NJ Transit service and a 50% growth for Amtrak, according to the RPA analysis.

Plus, commutes are likely to be shorter. New Jersey riders should expect to save 25 minutes on average compared to the next best alternative, the report said.

“With delays and cancelled trains, commuters are reminded daily that the majority of the NEC’s current infrastructure hasn’t been replaced in almost a century,” said Regional Plan Association executive vice president Kate Slevin in a Wednesday statement.

From 2023 to 2060, the construction and operation of the project will provide about 24,400 jobs and US$7.3 billion in gross domestic product on average annually in the tri-state area, according to the analysis.

Source: Bloomberg

តម្រូវការសណ្ឋាគារនៅក្នុងប្រទេសកូរ៉េខាងត្បូងកំពុងហក់ឡើងខ្លាំងលើសការផ្គត់ផ្គង់

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: បណ្តាក្រុមហ៊ុនគ្រប់គ្រងទ្រព្យសកម្មកំពុងងាកទៅរកទីផ្សារបដិសណ្ឋារកិច្ចនៅប្រទេសកូរ៉េខាងត្បូងឡើងវិញ ជាពិសេសសណ្ឋាគារ ស្របពេលតម្រូវការស្នាក់នៅដោយភ្ញៀវទេសចរណ៍បរទេសបានកើនឡើងលើសពីការផ្គត់ផ្គង់។

ចំនួនភ្ញៀវទេសចរណ៍អន្តរជាតិ ដែលមកទស្សនាប្រទេសកូរ៉េខាងត្បូងត្រូវបានគេរំពឹងថា នឹងកើនឡើងដល់១៧,៥លាននាក់ក្នុងឆ្នាំ២០២៥ កើនឡើងពីចំនួន១៦,៣៧លាននាក់ក្នុងឆ្នាំ២០២៤។ តួលេខនេះតំណាងឱ្យចំណែក៩៣,៥ភាគរយនៃកម្រិតមុនផ្ទុះជំងឺរាតត្បាត។នេះបើយោងតាមវិទ្យាស្ថានវប្បធម៌ និងទេសចរណ៍កូរ៉េ។

វិទ្យាស្ថានបាននិយាយថា វិស័យទេសចរណ៍ក្នុងប្រទេសកូរ៉េខាងត្បូងកំពុងងើបឡើងវិញលឿនជាងការផ្គត់ផ្គង់សណ្ឋាគារ ដោយកត់សម្គាល់ថា បន្ទប់សណ្ឋាគារនៅក្នុងទីក្រុងសេអ៊ូលនាពេលបច្ចុប្បន្នមានចំនួនតិចជាងអំឡុងពេលផ្ទុះជំងឺរាតត្បាត។

នៅក្នុងបរិបទនេះ បណ្តាក្រុមហ៊ុនគ្រប់គ្រងទ្រព្យសកម្មមួយចំនួនបានបង្កើនសណ្ឋាគារថ្មីៗទៅក្នុងផលបត្រអាជីវកម្មរបស់ខ្លួន។ ចំណែក បណ្តាក្រុមហ៊ុនផ្សេងទៀត ដែលកាលពីដំបូងឡើយគ្រោងនឹងប្រែក្លាយសណ្ឋាគារទៅជាអគារការិយាល័យ បានផ្លាស់ប្តូរការសម្រេចចិត្តវិញ ដោយរក្សាទុកអគារទាំងនោះសម្រាប់ទទួលភ្ញៀវចូលមកស្នាក់នៅ។

ក្រុមហ៊ុនគ្រប់គ្រងអចលនទ្រព្យ BlueCove Investment កំពុងស្ថិតក្នុងដំណាក់កាលចុងក្រោយនៃការទិញយកសណ្ឋាគារ New Oriental ក្នុងសង្កាត់ Myeong-dong នៃទីក្រុងសេអ៊ូល។ នេះជាផ្នែកមួយនៃផែនការរបស់ក្រុមហ៊ុន BlueCove Investment ក្នុងការពង្រីកប្រតិបត្តិការសណ្ឋាគារ ចាប់តាំងពីឆមាសទី២ ឆ្នាំមុន។

ក្រុមហ៊ុន BlueCove Investment ក៏បានដេញថ្លៃទិញសាខាសណ្ឋាគារ Shilla Stay នៅសង្កាត់ Dongtan ក្នុងទីក្រុង Hwaseong នៃខេត្ត Gyeonggi ។ “Shilla Stay” ជាម៉ាកយីហោសណ្ឋាគារ ដែលផ្តល់សេវាកម្មដល់អ្នកធ្វើដំណើរក្នុងគោលបំណងអាជីវកម្មជាចម្បង។

លើសពីនេះ ក្រុមហ៊ុន BlueCove បានសហការជាមួយក្រុមហ៊ុន Blackstone ដែលជាក្រុមហ៊ុនគ្រប់គ្រងការវិនិយោគខ្នាតយក្សរបស់សហរដ្ឋអាមេរិក ដើម្បីទិញទីស្នាក់ការកណ្តាលរបស់ក្រុមហ៊ុន SM Group ក្នុងតម្លៃ១២០ពាន់លានវ៉ុន (ប្រហែល៨៤,២៥លានដុល្លារ) កាលពីខែវិច្ឆិកា ឆ្នាំ២០២៤៕ប្រភព: Korea Times៕

Dubai luxury property boom hits new record before tariff turmoil

0

The boom in Dubai’s luxury market continued into the first quarter, with wealthy buyers again driving record sales of homes valued above US$10 million.

Over the first three months of 2025, 111 homes were sold, a 5.7 per cent increase from the same period last year, according to researcher Knight Frank. There were 12 sales of homes valued at US$25 million or more in the first quarter, the broker said in a report.

The jump in sales shows how the city’s real estate market continued to see surging demand in the months ahead of the global market turmoil in April after US President Donald Trump announced sweeping global tariffs.

Analysts have warned that Dubai’s property sector now faces more risks going forward. High-net-worth individuals from around the world could pull back amid market uncertainties. Falling oil prices could also cause Gulf economies to slow.

The first-quarter numbers reflected “continued appetite from global UHNWIs (ultra-high-net-worth individuals) seeking one-of-a-kind trophy homes”, said Faisal Durrani, head of Middle East research at Knight Frank. Still, he said there was a risk the recent upheaval in global assets would affect Dubai real estate.

“It’s too early to tell, but one of the things we do need to keep an eye on is sentiment,” said Durrani. “There’s always the risk of contagion, of negative sentiment, which is something that can’t be controlled internally.”

Source: Bloomberg

1...444546...3,063Page 45 of 3,063

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71