ស្ពានមិត្តភាពកម្ពុជា កូរ៉េគ្រោងនឹងបើកការដ្ឋានសាងសង់ផ្លូវការនៅឆ្នាំ២០២៦​ ខាងមុខ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ទីស្ដីការក្រសួង៖ នាព្រឹកថ្ងៃសុក្រ ទី២៥ ខែមេសា ឆ្នាំ២០២៥ ឯកឧត្តម សូរ វ៉ិចទ័រ រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពការងារសិក្សាលម្អិត (Detailed Design) នៃគម្រោងសាងសង់ស្ពានមិត្តភាពកម្ពុជា-កូរ៉េ ដោយមានការអញ្ជើញចូលរួមពីសមាជិកអង្គភាពគ្រប់គ្រងគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងសាលារាជធានីភ្នំពេញ តំណាងមូលនិធិសហប្រតិបត្តិការអភិវឌ្ឍសេដ្ឋកិច្ច (EDCF) និងក្រុមហ៊ុនទីប្រឹក្សាបច្ចេកទេសកូរ៉េ Yooshin JV។

កិច្ចប្រជុំនាព្រឹកនេះ ត្រូវបានរៀបចំឡើងក្នុងគោលបំណងដើម្បីពិនិត្យលើវឌ្ឍនភាពការងារសិក្សាលម្អិតនៃគម្រោងសាងសង់ស្ពានមិត្តភាពកម្ពុជា-កូរ៉េ របស់ទីប្រឹក្សាបច្ចេកទេសកូរ៉េ Yooshin JV ក៏ដូចជាពិនិត្យលើបញ្ហាប្រឈមនានា ព្រមទាំងស្វែងរកដំណោះស្រាយសមស្រប ក្នុងន័យជំរុញការងារសិក្សាឱ្យសម្រេចតាមផែនការដែលបានគ្រោងទុក។

សូមជម្រាបថាគម្រោងសាងសង់ស្ពានមិត្តភាពកម្ពុជា-កូរ៉េ គ្រោងនឹងសាងសង់ខ្សែកាប (Cable-Stayed) ចំនួនពីរ គឺស្ពានទីមួយឆ្លងកាត់ទន្លេសាប (ពីសង្កាត់វត្តភ្នំ ទៅកាន់សង្កាត់ជ្រោយចង្វារ) និងស្ពានទីពីរឆ្លងកាត់ទន្លេមេគង្គ (ពីសង្កាត់ជ្រោយចង្វារ ទៅកាន់សង្កាត់អរិយក្សត្រ) ដែលមានប្រវែងសរុបប្រមាណ ៣,៥ គ.ម។ បើគិតត្រឹមខែមីនា ឆ្នាំ២០២៥ នេះ ការងារសិក្សាលម្អិតសម្រេចបានប្រមាណ ៥៦,៧៧% ហើយគ្រោងនឹងបញ្ចប់ក្នុងអំឡុងខែមិថុនា ឆ្នាំ២០២៥ មុននឹងបន្តរៀបចំនីតិវិធីកិច្ចលទ្ធកម្មជ្រើសរើសក្រុមហ៊ុនសាងសង់។ តាមការគ្រោងទុក គម្រោងនេះគ្រោងនឹងបើកការដ្ឋានសាងសង់នាដើមឆ្នាំ២០២៦ ហើយគ្រោងនឹងបញ្ចប់ការងារសាងសង់ក្នុងឆ្នាំ ២០៣០។

 

ក្រោយបញ្ចប់ការសាងសង់ ស្ពានមិត្តភាពកម្ពុជា-កូរ៉េ នឹងក្លាយជាស្ពាននិមិត្តរូបដ៏សំខាន់ និងមានអត្ថន័យ ដោយស្ពាននេះនឹងរួមចំណែកក្នុងការអភិវឌ្ឍសេដ្ឋកិច្ចជាតិ តាមរយៈការរួមចំណែកដល់ការអភិវឌ្ឍហេដ្ឋារចនាសម្ព័ន្ធនៅក្នុងរាជធានីភ្នំពេញ និងខេត្តកណ្តាល ការកាត់បន្ថយថិរវេលា និងថវិកាក្នុងការធ្វើដំណើរ ដែលជាផ្នែកមួយក្នុងការទាក់ទាញភ្ញៀវទេសចរ ការលើកកម្ពស់វិស័យកសិកម្ម និងពាណិជ្ជកម្ម៕

:: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT)
– Facebook: https://www.facebook.com/mpwt.gov.kh
– Telegram: https://t.me/mpwtnews
– TikTok: https://www.tiktok.com/@mpwt.tiktok
– YouTube: https://www.youtube.com/@mpwt.youtube

ដំណឹងល្អៈTripadvisor នឹងចូលរួមសហការជាមួយក្រសួងជួយដល់ការអភិវឌ្ឍដល់សហគមន៍ទេសចរណ៍

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ គង់ សូរិយា

    អន្តរជាតិៈ ជាដំណឹងរីករាយមួយ ដែលគេហទំព័រទេសចរណ៍ដ៏ល្បីលើពិភពលោកTripadvisor នឹងចូលរួមសហការជាមួយក្រសួងទេសចរណ៍ ដើម្បីជួយដល់ការអភិវឌ្ឍសហគមន៍ ទេសចរណ៍នៅមូលដ្ឋាន។

ព័ត៌មានដ៏ល្អនេះ ត្រូវបានលើកឡើងក្នុងពេលរដ្ឋមន្រ្តីក្រសួងទេសចរណ៍ លោកហួត ហាក់ បានអនុញ្ញាតជូនលោក Fabrizio Angelo Orlando នាយកទទួលបន្ទុកសកលផ្នែកកិច្ចការ  របស់ក្រុមហ៊ុន Tripadvisor (Global Director, Industry Affairs) ចូលជួបសំដែងការគួរសម និងពិភាក្សាការងារលើកិច្ចសហប្រតិបត្តិការ លើវិស័យទេសចរណ៍ ជាមួយក្រសួងទេសចរណ៏កម្ពុជា ផ្តោតលើការផ្តល់នូវលទ្ធភាពដល់សហគមន៍ និងម្ចាស់អាជីវកម្មខ្នាតតូចមានលទ្ធភាពចូលរួមផ្តល់សេវាកម្ម ក្នុងវេទិកា(Platform) របស់ក្រុមហ៊ុនដ៏ធំ និងល្បីល្បាញក្នុងពិភពលោកមួយនេះ រួមទាំងការផ្តល់នូវការបណ្តុះបណ្តាលផងដែរ។

កិច្ចសហប្រតិបត្តិការនេះ គឺគោរពប្រតិបត្តិតាមអនុសាសន៍ដ៏ខ្ពង់​ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបានណែនាំដល់ក្រសួងទេសចរណ៏ “សហការសម្របសម្រួល ជាមួយប្រតិបត្តិករទេសចរណ៍ និងសហគមន៍ ដើម្បីជំរុញទេសចរណ៍ធម្មជាតិ នៅតំបន់នោះឱ្យកាន់តែប្រសើរឡើង ក៏ដូចជា ការជួយបង្កើនសមត្ថភាពរបស់សហគមន៍ ក្នុងការផ្ដល់សេវាទេសចរណ៍ផងដែរ” នាដំណើរទស្សនកិច្ចតំបន់ខ្នងផ្សារកន្លងមក។

TripAdvisor គឺជាវេទិកាធំបំផុតមួយលើលោកសម្រា​ប់ស្វែងរក ស្វែងយល់ ប្រៀបធៀប និងបញ្ចេញយោបល់អំពីទីកន្លែងទេសចរណ៍ដូចជាសណ្ឋាគារ ភោជនីយដ្ឋាន កន្លែងទេសចរណ៍ និងសេវាកម្ម ក្នុងវិស័យទេសចរណ៍ពាសពេញពិភពលោក និងបន្តុំជាង១ពាន់លានមតិយោបល់៕

ទីក្រុងឌូបៃសម្រុកលក់ចេញផ្ទះតម្លៃរាប់លានដុល្លារនៅក្នុងត្រីមាសទី១

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: ទីផ្សារអចលនទ្រព្យនៅទីក្រុងឌូបៃរបស់ប្រទេសអេមីរ៉ាត់អារ៉ាប់រួម(UAE)បានបន្តហក់ឡើងខ្ពស់នៅក្នុងត្រីមាសទី១ ឆ្នាំ២០២៥ ខណៈក្រុមអតិថិជនលំដាប់អ្នកមានបានសម្រុកទិញផ្ទះមានតម្លៃលើសពី១០លានដុល្លារអាមេរិកនៅក្នុងទីក្រុងមួយនេះ។

ក្នុងរយៈពេល៣ខែដំបូងនៃឆ្នាំ២០២៥ ផ្ទះចំនួន១១១យូនីត ត្រូវបានលក់ចេញ កើនឡើង៤,៧ភាគរយបើធៀបនឹងរយៈពេលដូចគ្នាកាលពីឆ្នាំមុន។ ក្នុងចំណោមនោះ គេសង្កេតឃើញមានការលក់ផ្ទះចំនួន១២យូនីត ដែលមានតម្លៃចាប់ពី២៥លានដុល្លារអាមេរិក។

យោងតាមក្រុមហ៊ុនស្រាវជ្រាវអចលនទ្រព្យ Knight Frank បានឱ្យដឹងថា ការកើនឡើងនេះជាសញ្ញាបង្ហាញថា តម្រូវការលើទីផ្សារអចលនទ្រព្យរបស់ទីក្រុងឌូបៃបានបន្តកើនឡើងក្នុងរយៈពេលប៉ុន្មានខែ មុនពេលមានភាពចលាចលទូទាំងពិភពលោកនៅខែមេសា បន្ទាប់ពីប្រធានាធិបតីអាមេរិកលោក ដូណាល់ ត្រាំ បានប្រកាសដំឡើងពន្ធជាសកល។

តម្រូវការអចលនទ្រព្យនៅទីក្រុងឌូបៃបានកើនឡើងយ៉ាងគំហុកចាប់តាំងពីឆ្នាំ២០២០ ក្រោយពេលដែលរដ្ឋាភិបាលរបស់ប្រទេសអេមីរ៉ាត់អារ៉ាប់រួមបានដាក់ចេញគោលនយោបាយទិដ្ឋាការសេរី ដោយបានទាក់ទាញលំហូរអ្នកទិញជាជនបរទេសជាច្រើនចូលមកកាន់ទីក្រុងឌូបៃ។

នៅក្នុងត្រីមាសទី១ តំបន់កោះសិប្បនិមិត្ត “Palm Jumeirah” នៅតែជាទីតាំងដ៏ពេញនិយមបំផុតមួយ ដោយកត់ត្រាការលក់ផ្ទះចំនួន៣៤យូនីត ដែលមានតម្លៃជាង១០លានដុល្លារអាមេរិកក្នុងមួយយូនីត។នេះបើយោងតាមរបាយការណ៍ពីក្រុមហ៊ុនKnight Frank ។

ទោះជាយ៉ាងណាក្តី ក្រុមអ្នក​វិភាគ​បាន​ព្រមាន​ថា​ វិស័យ​អចលន​ទ្រព្យ​របស់​ទីក្រុង​ឌូបៃ​​ប្រឈម​មុខនឹង​ហានិភ័យ​កាន់​តែ​ច្រើន​ចាប់ពីពេលនេះតទៅ​មុខ។ បណ្តាមហាសេដ្ឋីមកពីជុំវិញពិភពលោកអាចនឹងសម្រេចចិត្តដើរចេញ ឬកាត់បន្ថយការវិនិយោគ ស្របពេលមានភាពមិនច្បាស់លាស់នៃទីផ្សារ។

ម្យ៉ាងវិញទៀត ការធ្លាក់ចុះនៃតម្លៃប្រេងឆៅលើទីផ្សារអន្តរជាតិនាពេលថ្មីៗនេះក៏អាចនាំឱ្យកំណើនសេដ្ឋកិច្ចរបស់ប្រទេសអេមីរ៉ាត់អារ៉ាប់រួមធ្លាក់ចុះផងដែរ៕ប្រភព: Bloomberg៕

NYC gateway tunnel expected to generate US$445b for economy

0

The long-awaited US$16 billion (RM70.26 billion) rail tunnel project connecting New York City and New Jersey is expected to provide the national and regional economy with a US$445 billion boost.

The construction phase of the Gateway Program will generate about $42.8 billion of economic activity in the region, according to an economic analysis by the Regional Plan Association. After completion, the tunnel will generate US$230 billion worth of economic activity in the region and another US$170 billion across the US.

The project is meant to ease congestion underneath the Hudson River by adding a new tunnel and making upgrades to the existing connector, which is more than a century old.

Commuters that use the Northeast Corridor, including those on New Jersey Transit and Amtrak, have been subjected to service disruptions because of deteriorating rail infrastructure.

Employers in New York City stand to lose millions for every hour that a NJ Transit commuter is late getting to work, for example.

The Gateway Project aims to mitigate those issues. The plan will facilitate a 110% increase in NJ Transit service and a 50% growth for Amtrak, according to the RPA analysis.

Plus, commutes are likely to be shorter. New Jersey riders should expect to save 25 minutes on average compared to the next best alternative, the report said.

“With delays and cancelled trains, commuters are reminded daily that the majority of the NEC’s current infrastructure hasn’t been replaced in almost a century,” said Regional Plan Association executive vice president Kate Slevin in a Wednesday statement.

From 2023 to 2060, the construction and operation of the project will provide about 24,400 jobs and US$7.3 billion in gross domestic product on average annually in the tri-state area, according to the analysis.

Source: Bloomberg

តម្រូវការសណ្ឋាគារនៅក្នុងប្រទេសកូរ៉េខាងត្បូងកំពុងហក់ឡើងខ្លាំងលើសការផ្គត់ផ្គង់

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: បណ្តាក្រុមហ៊ុនគ្រប់គ្រងទ្រព្យសកម្មកំពុងងាកទៅរកទីផ្សារបដិសណ្ឋារកិច្ចនៅប្រទេសកូរ៉េខាងត្បូងឡើងវិញ ជាពិសេសសណ្ឋាគារ ស្របពេលតម្រូវការស្នាក់នៅដោយភ្ញៀវទេសចរណ៍បរទេសបានកើនឡើងលើសពីការផ្គត់ផ្គង់។

ចំនួនភ្ញៀវទេសចរណ៍អន្តរជាតិ ដែលមកទស្សនាប្រទេសកូរ៉េខាងត្បូងត្រូវបានគេរំពឹងថា នឹងកើនឡើងដល់១៧,៥លាននាក់ក្នុងឆ្នាំ២០២៥ កើនឡើងពីចំនួន១៦,៣៧លាននាក់ក្នុងឆ្នាំ២០២៤។ តួលេខនេះតំណាងឱ្យចំណែក៩៣,៥ភាគរយនៃកម្រិតមុនផ្ទុះជំងឺរាតត្បាត។នេះបើយោងតាមវិទ្យាស្ថានវប្បធម៌ និងទេសចរណ៍កូរ៉េ។

វិទ្យាស្ថានបាននិយាយថា វិស័យទេសចរណ៍ក្នុងប្រទេសកូរ៉េខាងត្បូងកំពុងងើបឡើងវិញលឿនជាងការផ្គត់ផ្គង់សណ្ឋាគារ ដោយកត់សម្គាល់ថា បន្ទប់សណ្ឋាគារនៅក្នុងទីក្រុងសេអ៊ូលនាពេលបច្ចុប្បន្នមានចំនួនតិចជាងអំឡុងពេលផ្ទុះជំងឺរាតត្បាត។

នៅក្នុងបរិបទនេះ បណ្តាក្រុមហ៊ុនគ្រប់គ្រងទ្រព្យសកម្មមួយចំនួនបានបង្កើនសណ្ឋាគារថ្មីៗទៅក្នុងផលបត្រអាជីវកម្មរបស់ខ្លួន។ ចំណែក បណ្តាក្រុមហ៊ុនផ្សេងទៀត ដែលកាលពីដំបូងឡើយគ្រោងនឹងប្រែក្លាយសណ្ឋាគារទៅជាអគារការិយាល័យ បានផ្លាស់ប្តូរការសម្រេចចិត្តវិញ ដោយរក្សាទុកអគារទាំងនោះសម្រាប់ទទួលភ្ញៀវចូលមកស្នាក់នៅ។

ក្រុមហ៊ុនគ្រប់គ្រងអចលនទ្រព្យ BlueCove Investment កំពុងស្ថិតក្នុងដំណាក់កាលចុងក្រោយនៃការទិញយកសណ្ឋាគារ New Oriental ក្នុងសង្កាត់ Myeong-dong នៃទីក្រុងសេអ៊ូល។ នេះជាផ្នែកមួយនៃផែនការរបស់ក្រុមហ៊ុន BlueCove Investment ក្នុងការពង្រីកប្រតិបត្តិការសណ្ឋាគារ ចាប់តាំងពីឆមាសទី២ ឆ្នាំមុន។

ក្រុមហ៊ុន BlueCove Investment ក៏បានដេញថ្លៃទិញសាខាសណ្ឋាគារ Shilla Stay នៅសង្កាត់ Dongtan ក្នុងទីក្រុង Hwaseong នៃខេត្ត Gyeonggi ។ “Shilla Stay” ជាម៉ាកយីហោសណ្ឋាគារ ដែលផ្តល់សេវាកម្មដល់អ្នកធ្វើដំណើរក្នុងគោលបំណងអាជីវកម្មជាចម្បង។

លើសពីនេះ ក្រុមហ៊ុន BlueCove បានសហការជាមួយក្រុមហ៊ុន Blackstone ដែលជាក្រុមហ៊ុនគ្រប់គ្រងការវិនិយោគខ្នាតយក្សរបស់សហរដ្ឋអាមេរិក ដើម្បីទិញទីស្នាក់ការកណ្តាលរបស់ក្រុមហ៊ុន SM Group ក្នុងតម្លៃ១២០ពាន់លានវ៉ុន (ប្រហែល៨៤,២៥លានដុល្លារ) កាលពីខែវិច្ឆិកា ឆ្នាំ២០២៤៕ប្រភព: Korea Times៕

Dubai luxury property boom hits new record before tariff turmoil

0

The boom in Dubai’s luxury market continued into the first quarter, with wealthy buyers again driving record sales of homes valued above US$10 million.

Over the first three months of 2025, 111 homes were sold, a 5.7 per cent increase from the same period last year, according to researcher Knight Frank. There were 12 sales of homes valued at US$25 million or more in the first quarter, the broker said in a report.

The jump in sales shows how the city’s real estate market continued to see surging demand in the months ahead of the global market turmoil in April after US President Donald Trump announced sweeping global tariffs.

Analysts have warned that Dubai’s property sector now faces more risks going forward. High-net-worth individuals from around the world could pull back amid market uncertainties. Falling oil prices could also cause Gulf economies to slow.

The first-quarter numbers reflected “continued appetite from global UHNWIs (ultra-high-net-worth individuals) seeking one-of-a-kind trophy homes”, said Faisal Durrani, head of Middle East research at Knight Frank. Still, he said there was a risk the recent upheaval in global assets would affect Dubai real estate.

“It’s too early to tell, but one of the things we do need to keep an eye on is sentiment,” said Durrani. “There’s always the risk of contagion, of negative sentiment, which is something that can’t be controlled internally.”

Source: Bloomberg

រាជធានីភ្នំពេញជាប់ចំណាត់ថ្នាក់លេខ២ ជាទីក្រុង ដែលមានសកម្មភាពកំសាន្តនាពេលរាត្រីល្អជាងគេបំផុតលើពិភពលោក

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
ភ្នំពេញ: វេបសាបអនឡាញ VISA2FLY ដែលជាភ្នាក់់ងារផ្តល់សេវាប្រឹក្សាយោបល់ផ្នែកទិដ្ឋាការ បានដាក់រាជធានីភ្នំពេញ ដែលជាទីក្រុងដ៏រស់រវើករបស់ប្រទេសកម្ពុជានៅចំណាត់ថ្នាក់លេខ២ ក្នុងចំណោមបណ្តាទីក្រុងចំនួន១៤ នៅលើពិភពលោក ដែលមានសកម្មភាពកំសាន្តនាពេលរាត្រីល្អជាងគេបំផុត។

ប្រភពខាងលើបានកត់សម្គាល់ថា “ជីវិតនាពេលរាត្រីនៅប្រទេសកម្ពុជាមានបង្កប់ទៅដោយវប្បធម៌ និងភាពទំនើប។ ក្នុងនោះ ទីក្រុងភ្នំពេញអាចផ្តល់នូវទិដ្ឋភាពកម្សាន្តនាពេលរាត្រី ដែលមានតម្លៃសមរម្យសម្រាប់អ្នកដំណើរ ដែលមានគោលបំណងចំណាយប្រាក់អស់តិច”។

ជាពិសេស ការកម្សាន្តពេលរាត្រីនៅតាមក្លឹបនានាក្នុងទីក្រុងភ្នំពេញមានភាពរស់រវើក បើប្រៀបធៀបទៅនឹងបណ្តាប្រទេសនានានៅលើពិភពលោកទាំងមូល។នេះបើយោងតាមការលើកឡើងរបស់វេបសាយ VISA2FLY ដែលមានមូលដ្ឋាននៅប្រទេសឥណ្ឌា។

ក្រសួងទេសចរណ៍កម្ពុជាបានលើកឡើងថា បន្ទាប់ពីដាក់ឱ្យដំណើរការសាកល្បងផ្លូវថ្មើរជើងនៅខាងមុខព្រះបរមរាជវាំង រាជធានីភ្នំពេញបានវ៉ាដាច់ទីក្រុងធំៗលើពិភពលោក ដោយក្លាយជាគោលដៅកម្សាន្តនាពេលរាត្រីដ៏ទាក់ទាញបំផុតទីពីរនៅលើពិភពលោក។

ទីក្រុងបាងកករបស់ប្រទេសថៃ ដណ្តើមបានចំណាត់ថ្នាក់កំពូលលេខ១ ក្នុងនាមជាទីក្រុងដែលមានសកម្មភាពកំសាន្តនាពេលរាត្រីល្អជាងគេបំផុត ខណៈពេលដែលកោះបាលីរបស់ប្រទេសឥណ្ឌូនេស៊ីជាប់ចំណាត់ថ្នាក់កំពូលលេខ៣ បន្ទាប់ពីរាជធានីភ្នំពេញ។

ទីក្រុងឌូបៃរបស់ប្រទេសអេមីរ៉ាត់អារ៉ាប់រួម(UAE) ជាប់ចំណាត់ថ្នាក់កំពូលលេខ៤ ខណៈពេលដែលទីក្រុងហូជីមិញរបស់ប្រទេសវៀតណាមទទួលបានចំណាត់ថ្នាក់លេខ៥ក្នុងចំណោមបណ្តាទីក្រុងចំនួន១៤ នៅលើពិភពលោក ដែលមានសកម្មភាពកំសាន្តនាពេលរាត្រីល្អជាងគេបំផុត។

ទីក្រុងផ្សេងទៀត ដែលជាប់ឈ្មោះក្នុងបញ្ជី រួមមានដូចជាទីក្រុង Istanbul របស់ប្រទេសតួកគី ទីក្រុង Las Vegas របស់សហរដ្ឋអាមេរិក ទីក្រុង Berlin របស់អាល្លឺម៉ង់ ទីក្រុង Ibiza របស់អេស្ប៉ាញ ទីក្រុង Miami របស់សហរដ្ឋអាមេរិក ទីក្រុងតូក្យូរបស់ជប៉ុន ទីក្រុង Rio de Janeiro របស់ប្រេស៊ីល ទីក្រុងឡុងដ៍របស់ចក្រភពអង់គ្លេស) និងទីក្រុងញូវយ៉ក របស់សហរដ្ឋអាមេរិក៕ប្រភព: VISA2FLY៕

តម្លៃហាងឆេងមាសបានធ្លាក់ថ្លៃចុះនៅថ្ងៃសុក្រនេះ

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនាព្រឹកថ្ងៃសុក្រនេះ ខណៈក្រុមអ្នកវិនិយោគបានបង្ហាញសុទិដ្ឋិនិយម និងកំពុងតាមដានយ៉ាងដិតដល់នូវការចរចាពាណិជ្ជកម្មរវាងសហរដ្ឋអាមេរិក និងប្រទេសចិនដើម្បីសម្រាលភាពតានតឹង។

តួយ៉ាង តម្លៃមាស Spot Gold បានធ្លាក់ចុះ០,៣៧ភាគរយដល់៣៣៣៥,៧២ដុល្លារក្នុងមួយអោន។ ចំណែក តម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២១ភាគរយដល់៣៣៥៥,៦០ដុល្លារក្នុងមួយអោនគិតត្រឹមម៉ោង១០:៥៣នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៥៨ភាគរយ ដែលធនាគារកណ្តាលអាមេរិក (Fed) នឹងអាចទម្លាក់អត្រាការប្រាក់ចំនួន០,២៥ភាគរយក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹយងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងដល់ត្រឹម៩៩,៧៧ពិន្ទុនាព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម៩៩,៣៨ពិន្ទុកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,០២ភាគរយដល់៣៣,៥១ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៧៤ភាគរយដល់៩៧៣ដុល្លារក្នុងមួយអោន ហើយតម្លៃ palladium បានធ្លាក់ចុះ០,៧៤ភាគរយដល់៩៤៦,៥ដុល្លារក្នុងមួយអោនគិតត្រឹមម៉ោង១០:៥៥នាទីព្រឹក៕

ផ្លូវដែកក្រោមដីតភ្ជាប់រវាងទីក្រុងញូវយ៉ក និងរដ្ឋ New Jersey នឹងជួយបង្កើនទំហំសេដ្ឋកិច្ចអាមេរិកចំនួន៤៤៥ពាន់លានដុល្លារ

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: គម្រោងផ្លូវដែកក្រោមដី ដែលមានតម្លៃ១៦ពាន់លានដុល្លារ តភ្ជាប់រវាងទីក្រុងញូវយ៉ក និងរដ្ឋ New Jersey របស់សហរដ្ឋអាមេរិកត្រូវបានគេរំពឹងថា នឹងជំរុញឱ្យទំហំសេដ្ឋកិច្ចជាតិ និងសេដ្ឋកិច្ចក្នុងតំបន់មូលដ្ឋានហក់ឡើងចំនួន៤៤៥ពាន់លានដុល្លារ។

យោងតាមការវិភាគបង្ហាញថា ដំណាក់កាលសាងសង់គម្រោងនេះ នឹងបង្កើតបានសកម្មភាពសេដ្ឋកិច្ចក្នុងទំហំទឹកប្រាក់ប្រហែល៤២,៨ពាន់លានដុល្លារនៅក្នុងតំបន់មូលដ្ឋាន។

បន្ទាប់ពីបញ្ចប់ការសាងសង់រួចរាល់ ផ្លូវដែកក្រោមដីនេះនឹងបង្កើតសកម្មភាពសេដ្ឋកិច្ចក្នុងទំហំទឹកប្រាក់ចំនួន២៣០ពាន់លានដុល្លារអាមេរិកបន្ថែមទៀតនៅក្នុងតំបន់ និងចំនួន១៧០ពាន់លានដុល្លារផ្សេងទៀតនៅទូទាំងសហរដ្ឋអាមេរិក។

គម្រោងនេះមានគោលបំណងដើម្បីបន្ធូរបន្ថយការកកស្ទះចរាចរណ៍ នៅលើផ្លូវរូងក្រោមទន្លេ Hudson ដោយសាងសង់ផ្លូវរូងក្រោមដីថ្មីបន្ថែម ដើម្បីធ្វើឱ្យប្រសើរឡើងនូវការធ្វើដំណើររវាងទីក្រុងញូវយ៉ក និងរដ្ឋ New Jersey។

បច្ចុប្បន្ន អ្នកធ្វើដំណើរទៅកាន់ទីក្រុងញូវយ៉ក ដែលប្រើប្រាស់សេវាកម្មរថភ្លើងរបស់ក្រុមហ៊ុនដឹកជញ្ជូន New Jersey Transit និងក្រុមហ៊ុន Amtrak ត្រូវខកម៉ោងធ្វើការ ដោយសារតែហេដ្ឋារចនាសម្ព័ន្ធផ្លូវដែកមានសភាពទ្រុឌទ្រោម។

ដូច្នេះ នៅពេលដែលផ្លូវដែកក្រោមដីសាងសង់រួចរាល់ នោះផ្លូវដែកនេះនឹងជួយជំរុញឱ្យចំនួនអ្នកប្រើប្រាស់សេវាកម្មរបស់ក្រុមហ៊ុនNew Jersey Transit និងក្រុមហ៊ុន Amtrak ហក់ឡើងចំនួន១១០ភាគរយ និង៥០ភាគរយរៀងគ្នា៕ប្រភព: Bloomberg៕

ស្ពានថ្មចាស់ក្នុងក្រុងបាត់ដំបងត្រូវបានពិនិត្យគុណភាពសំណង់

0

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ ច្រាយ ចំណាន

    បាត់ដំបងៈ មន្រ្តីជាន់ខ្ពស់ និងអ្នកជំនាញក្រសួងសាធារណៈការ និងដឹកជញ្ជូនបានចុះពិនិត្យស្ថានភាពស្ពានថ្មចាស់ ឆ្លងកាត់ស្ទឹងសង្កែ ស្ថិតក្នុងក្រុងបាត់ដំបង ខេត្តបាត់ដំបង។

លោកយិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងារបច្ចេកទេសក្រសួង ចុះពិនិត្យស្ថានភាពស្ពានថ្មចាស់ឆ្លងកាត់ស្ទឹងសង្កែ តភ្ជាប់ពីផ្លូវក្រុងលេខ១ ទៅវិថីសម្ដេចក្រឡាហោម ដែលមានទីតាំង ស្ថិតនៅខាងមុខអគារចាស់សាលាខេត្ត ក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

ការចុះពិនិត្យស្ថានភាពស្ពានថ្មចាស់នេះ ធ្វើឡើងតាមរយៈការស្នើសុំរបស់រដ្ឋបាលខេត្តបាត់ដំបង ក្នុងគោលបំណងសិក្សាពីស្ថានភាព និងគុណភាពស្ពានជាក់ស្ដែង ក្នុងន័យទទួលបានទិន្នន័យលម្អិតផ្នែកបច្ចេកទេស ដើម្បីស្វែងរកវិធីសាស្ត្រពង្រឹងគុណភាព និងលទ្ធភាពទ្រទ្រង់របស់ស្ពាន ដែលអាចបន្តការប្រើប្រាស់ បានជាប្រយោជន៍សាធារណៈ សម្រាប់បងប្អូនប្រជាពលរដ្ឋថ្មើរជើងឆ្លងកាត់ និងការដើរហាត់ប្រាណផងដែរ។

ស្ពាននេះត្រូវបានកសាងឡើង ក្នុងអំឡុងឆ្នាំ១៩១៦ នាសម័យអាណានិគមនិយមបារាំង កន្លងមកដោយពិនិត្យឃើញស្ថានភាពចាស់ទ្រុឌទ្រោម និងផ្ទៃបេតុងមានស្នាមប្រេះស្រាំ នៃស្ពានថ្មចាស់នេះ រដ្ឋបាលខេត្តបាត់ដំបង បានសម្រេចបិទការប្រើប្រាស់លែងឱ្យរថយន្ត ឬទោចក្រយានយន្ត និងថ្មើរជើងដើរឆ្លងកាត់ ដោយខ្លាចមានគ្រោះថ្នាក់ដែលអាចកើតមានជាយថាហេតុ៕

1...454647...3,063Page 46 of 3,063

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71