ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនាព្រឹកថ្ងៃព្រហស្បតិ៍នេះ ក្រោយពី​បាន​ធ្លាក់​ថ្លៃចុះ​ដល់កម្រិតទាប​បំផុតមិនធ្លាប់មានក្នុង​រយៈ​ពេល​១សប្តាហ៍​កាលពីថ្ងៃពុធម្សិលមិញ ស្របពេល​មាន​សញ្ញាសុទិដ្ឋិនិយម​ជុំវិញ​កិច្ច​ព្រម​ព្រៀង​ពាណិជ្ជកម្ម​រវាង​សហរដ្ឋអាមេរិក និង​ប្រទេសចិន។

តួយ៉ាង តម្លៃមាស Spot Gold បានកើនឡើង១,២៥ភាគរយដល់ត្រឹម៣៣២៨,៥២ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានកើនឡើង១,៣៣ភាគរយដល់៣៣៣៧,៩០ដុល្លារក្នុងមួយអោនគិតត្រឹមម៉ោង១០:៥៣នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៥៥,៣ភាគរយ ដែលធនាគារកណ្តាលអាមេរិក (Fed) នឹងអាចទម្លាក់អត្រាការប្រាក់ចំនួន០,២៥ភាគរយក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹយងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះមកនៅត្រឹម៩៩,៦៦ពិន្ទុនាព្រឹកថ្ងៃព្រហស្បតិ៍នេះ បន្ទាប់ពីបានបិទការជួញដូរត្រឹម៩៩,៨៤ពិន្ទុកាលពីថ្ងៃពុធម្សិលមិញ។

ចំណែក តម្លៃលោហៈធាតុប្រាក់ Spot silver បានធ្លាក់ចុះ០,៦៥ភាគរយដល់៣៣,៣៣ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៤៨ភាគរយដល់៩៧៤,៩ដុល្លារក្នុងមួយអោន ហើយតម្លៃ palladium បានធ្លាក់ចុះ០,៤ភាគរយដល់៩៣៩,៥ដុល្លារក្នុងមួយអោនគិតត្រឹមម៉ោង១០:៥៥នាទីព្រឹក៕

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ គង់ សូរិយា

កោះកុងៈ សម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានបង្ហើបពីកផែនការ សាងសង់កំពង់ផែទឹកជ្រៅក្នុងខេត្តកោះ​កុងនាពេលខាងមុខ។

សម្តេចបញ្ជាក់បន្តថា “នេះជាអ្វីដែលយើងកំពុងធ្វើ ដោយមានផែនការច្បាស់លាស់រយៈពេលវែង”។ សម្តេចបន្ថែមថា “យើងមិនអាចធ្វើអ្វីតែមួយភ្លេតៗ តែមួយជ្រុងៗនោះទេ យើងប្រទាក់ក្រឡាគ្នាទាំងអស់”។

លើសពីមនេះ សម្តេចមហាបវរធិបតី បានលើកឡើងពីការធ្វើដំណើររបស់ប្រជាពលរដ្ឋ នៅខេត្តភូមិភាគពាយ័ព្យ តភ្ជាប់តាមរយៈផ្លូវជាតិលេខ១០ និងមកកាន់ផ្លូវជាតិលេខ៤៨ ដោយមិនចាំបាច់មកកាន់រាជធានីភ្នំពេញ ហើយធ្វើដំណើរទៅតាមផ្លូវជាតិលេខ៤ទៀតនោះទេ។

    សម្តេចបានបញ្ជាក់បែបនេះ ក្នុងពិធីបើកដំំណើរការការពង្រីកទីតាំងផលិតកម្មរោងចក្រដំឡើងរថយន្យ FORD នៅក្នុងខេត្តពោធិ៍សាត់ កាលពីថ្ងៃទី២២ មេសាកន្លងមកនេះ៕

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ គង់ សូរិយា

    ភ្នំពេញៈ សម្តេចមហាបវរធិបតីហ៊ុន ម៉ាណែតបានលើកពីផែន​ការអភិវឌ្ឍហេដ្ឋារចនាសម្ព័ន្ឋជាច្រើន និងបានបញ្ជាក់ថា ខេត្តកំពង់ឆ្នាំង ខេត្តពោធិ៍សាត់ លែងជាខេត្តគេទៅហួស មកហួសទៀតហើយ។

    សម្តេចបានបញ្ជាក់ថា រដ្ឋាភិបាល នឹងជម្រុញការអភិវឌ្ឍតំបន់សេដ្ឋកិច្ច ឧស្សាហកម្ម និងតំបន់ទេសចរណ៍នៅខេត្តទាំងនេះ និងជាមូលដ្ឋាន សម្រាប់ប្រជាពលរដ្ឋធ្វើការងាររាប់ម៉ឺន រាប់សែននាក់នៅពេលអនាគត។ នេះជាអ្វីដែលយើងធ្វើ។

    សម្តេចបានបញ្ជាក់បែបនេះ ក្នុងពិធីបើកដំំណើរការការដំឡើងរោងចក្រដំឡើងរថយន្យFORD នៅក្នុងខេត្តពោធិ៍សាត់ កាលពីថ្ងៃទី២២ មេសាកន្លងមកនេះ។

    សម្តេចមហាបវរធិបតីបានបន្តថា “នេះជាអ្វីដែលយើងកំពុងធ្វើ ដោយមានផែនការច្បាស់លាស់រយៈពេលវែង”។ សម្តេចបន្ថែមថា “យើងមិនអាចធ្វើអ្វីតែមួយភ្លេតៗ តែមួយជ្រុងៗនោះទេ យើងប្រទាក់ក្រឡាគ្នាទាំងអស់”។

    សម្តេចធិបតីហ៊ុន ម៉ាណែតបានជម្រុញណែនាំឲ្យ លោកកែវ រតនៈ រដ្ឋមន្រ្តីក្រសួងរ៉ែ និងថាមពល សិក្សាពីការតខ្នែងរថភ្លើងពីខ្សែរថភ្លើង ឆ្លងកាត់ទៅកាន់ខេត្តព្រះសីហនុ ពីរាជធានីភ្នំពេញ មកកាន់ខេត្តពោធិសាត់ ដើម្បីតភ្ជាប់ការដឹកជញ្ជូនទៅកាន់កំពង់ផែ ខេត្តព្រះសីហនុនាពេលខាងមុខផងដែរ។

    លើសពីមនេះ សម្តេចមហាបវរធិបតី បានលើកឡើងពីការធ្វើដំណើររបស់ប្រជាពលរដ្ឋ នៅខេត្តភូមិភាគពាយ័ព្យ តភ្ជាប់តាមរយៈផ្លូវជាតិលេខ១០ និងមកកាន់ផ្លូវជាតិលេខ៤៨ ដោយមិនចាំបាច់មកកាន់រាជធានីភ្នំពេញ ហើយធ្វើដំណើរទៅតាមផ្លូវជាតិលេខ៤ទៀតនោះទេ។

    ជាមួយគ្នានេះ សម្តេចធិបតី ក៏បង្ហើបពីគំរោងសាងសង់កំពង់ផែទឹកជ្រៅ ក្នុងខេត្តកោះកុង ការពង្រីកនិងបើកដំណើរការនូវច្រកទ្វារអន្តរជាតិព្រំ ក្នុងខេត្តប៉ៃលិន និងច្រកទ្វារអន្តរជាតិស្ទឹងបត់ ណងអៀនជាមួយប្រទេសថៃនាពេលខាងមុខផងដែរ៕

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយៈ គង់ សូរិយា

    ភ្នំពេញៈ សម្ដេចតេជោហ៊ុន សែនប្រធានព្រឹទ្ឋសភា បានណែនាំឲ្យនាយករដ្ឋមន្រ្តីនៃ លោកជំទាវPaetongtarn Shinawatra នាយករដ្ឋមន្រ្តីនៃថៃ ឲ្យបន្ថែមពាក្យលើកម្រិតទំនាក់ទំនង រវាងប្រទេ​សទាំងពីរទៅជា ភាពជាដៃគូយុទ្ឋសាស្រ្តគ្រប់ជ្រុងជ្រោយ​។

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងបែបនេះ ក្នុងពេលទទួលស្វាគមន៍លោកជំទាវ Paetongtarn Shinawatra នាយករដ្ឋមន្រ្តីនៃព្រះរាជាណាចក្រថៃ ចូលជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ។

ក្នុងឱកាសនោះ សម្តេចតេជោ បានស្វាគមន៍យ៉ាងកក់ក្តៅជូនចំពោះលោកជំទាវនាយករដ្ឋមន្រ្តី និងគណៈប្រតិភូថៃ ដែលបានអញ្ជើ​ញមកបំពេញទស្សនកិច្ចផ្លូវការនៅកម្ពុជា។ ឆ្លៀតឱកាសនេះ សម្តេច ក៏បានចូលរួមរំលែកទុក្ខសាជាថ្មី ចំពោះសោកនាដកម្មនៃគ្រោះរញ្ជួយដីនៅប្រទេសថៃ នាពេលកន្លងទៅថ្មីៗនេះ។

សម្តេចតេជោ បានវាយតម្លៃខ្ពស់ ចំពោះទស្សនកិច្ចរបស់លោកជំទាវនាយករដ្ឋមន្រ្តី ដែលនឹងនាំមកនូវការពង្រឹងបន្ថែម នូវភាពជាដៃគូយុទ្ធសាស្រ្តរវាងប្រទេសទាំងពីរ ស្របពេលដែលឆ្នាំនេះ គឺជាខួប៧៥ឆ្នាំ នៃការបង្កើតទំនាក់ទំនងការទូតកម្ពុជា-ថៃ ហើយដែលថ្នាក់ដឹកនាំនៃប្រទេសទាំងពីរបានធ្វើសកម្មភាពព្រមៗគ្នា។

លោកជំទាវនាយករដ្ឋមន្រ្តីថៃ បានថ្លែងអំណរគុណ សម្តេចតេជោ យ៉ាងជ្រាលជ្រៅចំពោះបដិសណ្ឋារកិច្ច និងការទទួលស្វាគមន៍ប្រកប ដោយកិត្តិយស និងបានសម្តែងនូវការពេញចិត្តយ៉ាងខ្លាំង ចំពោះទំនាក់ទំនងភូមិផងរបងជាមួយគ្នាដ៏ល្អ។

ឆ្លៀតឱកាសនោះដែរ លោកជំទាវនាយករដ្ឋមន្រ្តី បានចូលរួមរំលែកទុក្ខ ចំពោះមរណៈភាពរបស់បងប្រុស ជាទីគោរពស្រឡាញ់របស់សម្តេច។

លោកជំទាវនាយករដ្ឋមន្រ្តី បានជម្រាបជូនសម្តេចតេជោ អំពីលទ្ធផលនៃកិច្ចពិភាក្សា ជាមួយសម្តេចធិបតីនាយករដ្ឋមន្រ្តី ដោយរាជរដ្ឋាភិបាលនៃប្រទេសទាំងពីរ នឹងបន្តខិតខំធ្វើការជាមួយគ្នា ក្នុងការលើកស្ទួ យកិច្ចសហប្រតិបត្តិការ និងទំនាក់ទំនងទ្វេភាគីបន្ថែមទៀត។

លោកជំទាវនាយករដ្ឋមន្រ្តី បានលើកឡើងបន្ថែមផងដែរថា លោ កជំទាវ និងសម្តេចធិបតី មិនត្រឹមតែមានឪពុកជានាយករដ្ឋមន្រ្តី ដែលជាអ្នកពូកែ និងផ្តល់បទពិសោធន៍ល្អៗប៉ុណ្ណោះទេ ថែមទាំងរាប់អានគ្នាជាបងប្អូនល្អទៀត ដែលការណ៍នេះបានញុំាង ឱ្យកិច្ចពិភាក្សាគ្នាកាន់ តែមានលក្ខណៈងាយស្រួល។

ជាការឆ្លើយតប សម្តេចតេជោ បានថ្លែងអំណរគុណយ៉ាងជ្រាលជ្រៅចំពោះសមានចិត្ត និងកាយវិការនៃការចូលរួមរំលែកទុក្ខ ក្នុងគ្រាលំបាករបស់សម្តេច រួមទាំងក្នុងនាមជាបងប្អូន។ សម្តេចតេជោ ក៏បានរំលឹកអំពីការរាប់អានគ្នា ការប្រាស្រ័យទាក់ទងគ្នា ជាមួយឪពុកលោកជំទាវនាយករដ្ឋមន្រ្តី និងការជួយគ្នាទៅវិញទៅមក។

ចំពោះកិច្ចសហប្រតិបត្តិការទ្វេភាគី សម្តេចតេជោ បានផ្តល់អនុសាសន៍ឱ្យប្រទេសទាំងពីរ គិតគូរអំពីការពង្រឹងកិច្ចសហប្រតិបត្តិការសេដ្ឋកិច្ច ពាណិជ្ជកម្ម ទាំងក្នុងក្របខណ្ឌទ្វេភាគី អនុតំបន់ ដូចជា អេម៉ិក (ACMECS) GMS និងក្របខណ្ឌតំបន់នានា ដូចជាអាស៊ាន និងអាស៊ិប (RCEP) ដើម្បីពង្រឹងការធ្វើពិពិធកម្មទីផ្សារ និងឆ្លើយតបទៅនឹងក្នុងបរិបទ នៃការប្រែប្រួលយ៉ាងឆាប់រហ័សរបស់ពិភពលោក ជាពិសេសការប្រកួតប្រជែង ភូមិសាស្រ្តនយោបាយ និងសេដ្ឋកិច្ចរបស់ប្រទេសមហាអំណាច។

បន្ថែមពីលើនេះ សម្តេចតេជោ បានចង្អុលបង្ហាញថា កម្រិតភាពជាដៃគូយុទ្ធសាស្រ្ត សម្រាប់ទំនាក់ទំនងរវាងកម្ពុជា-ថៃ គឺមិនទាន់ត្រឹមត្រូវទេ ដោយត្រូវថែមពាក្យ “គ្រប់ជ្រុងជ្រោយ” បន្ថែមទៀត ពីព្រោះប្រទេសទាំងពីរ បានធ្វើកិច្ចសហប្រតិបត្តិការគ្នាយ៉ាងច្រើន និងលើគ្រប់វិស័យ។ ដូចនេះ ប្រទេសទាំងពីរត្រូវជំរុញការអនុវត្តសកម្មភាព លើកកម្ពស់កម្រិតភាពជាដៃគូយុទ្ធសាស្រ្តនេះ ទៅជា “ភាពជាដៃគូយុទ្ធសាស្រ្តគ្រប់ជ្រុងជ្រោយ” នាពេលអនាគត។

សម្តេចតេជោ ក៏សម្តែងនូវភាពរីករាយ ដោយបានកត់សម្គាល់ឃើញប្រទេសទាំងពីរ មានការផ្សាភ្ជាប់គ្នាល្អ និងថ្លែងអំណរគុណរាជរដ្ឋាភិបាលថៃ ដែលបានផ្តល់ការយកចិត្តទុកដាក់ ចំពោះពលករកម្ពុជាដែលកំពុងធ្វើការនៅប្រទេសថៃ។

សម្តេចតេជោ បានជម្រាបជូនអំពីមូលដ្ឋាន នៃការផ្ទេរអំណាចរបស់សម្តេច ជូនថ្នាក់ដឹកនាំរាជរដ្ឋាភិបាលជំនាន់ថ្មី ដែលជាគិតគូរវែងឆ្ងាយអំពីការអភិវឌ្ឍ និងអនាគតរបស់កម្ពុជា ដោយធៀបទៅនឹងប្រទេសផ្សេងៗ ដែលតែងសង្កេតឃើញមានអស្ថិរភាព និងជម្លោះនៅពេលមានការផ្លាស់ប្តូរអំណាច៕

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយសម្របជាមួយក្របខណ្ឌយុទ្ធសាស្រ្ដការងារសង្គមរបស់ ប៉េង ហួត គ្រុប ពោលគឺ៖ <<ការអប់រំ បរិស្ថាន សង្គម>> ប៉េង​ ហួត គ្រុប បានរៀបចំកម្មវិធីសប្បុរសធម៌ “អាហារខ្ញុំ ការអប់រំខ្ញុំ អនាគតខ្ញុំ I My Food My Education My Future” ដល់សាលាបឋមសិក្សាភូមិកោះ ដែលមានសិស្សសរុបចំនួន ៥២នាក់ រួមទាំងលោគ្រូអ្នកគ្រូ ៣នាក់ ស្ថិតនៅក្នុងភូមិកោះ ឃុំថ្មដូនពៅ ស្រុកថ្មបាំង ខេត្តកោះកុង នាថ្ងៃទី២២ ខែមេសា ឆ្នាំ២០២៥។

កម្មវិធីនេះមានគោលបំណងដើម្បីលើកកម្ពស់ការអប់រំតាមរយៈការគាំទ្រជាជំនួយឧបត្ថម្ភនូវសម្ភារសិក្សា និងអាហារ សម្រាប់សិស្សដែលជួបប្រទះការលំបាក ខណៈទាំងនេះគឺជាតម្រូវការចំបងបំផុតទីមួយសម្រាប់ការរស់រាន។ ជាមួយគ្នាសការីក៏បានដឹកនាំនូវសកម្មភាពមួយចំនួនដើម្បីបំផុសការគិតលើសារះសំខាន់នៃការអប់រំដល់ពួកគេដូចជា ១)សារលើកទឹកចិត្តឱ្យពួកគេបន្តការខិតខំប្រឹងប្រែងរៀនសូត្រ ២)ការបំផុសគំនិតឱ្យស្វែងរកនូវទេពកោសល្យដែលពួកគេមាន ព្រោះនឹងជួយពួកគេទៅសម្រេចក្ដីសុបិន្ត ៣)សកម្មភាពរីករាយគូររូប និងផាត់ពណ៌ ដែលជាជំនួយដល់ការលូតលាស់បញ្ញាស្មារតី។

សកម្មភាពទាំងអស់នេះគឺជាការទំនុកបម្រុងដោះស្រាយការលំបាក និងជាក្ដីសង្ឃឹមផ្ដល់ឱ្យពួកគេបន្តបាននូវការអប់រំដ៏ល្អ ព្រោះមានតែការអប់រំតែប៉ុណ្ណោះដែលអាចកែប្រែវាសនាជីវិតរបស់ពួកគេនាពេលបច្ចុប្បន្ននិងអនាគត ហើយពួកគេនឹងក្លាយជាធនធានកសាងប្រទេសជាតិ និងពិភពលោកដ៏អស្ចារ្យ៕

English Version:

Press Release

PENG HUOT GROUP ORGANIZES CHARITY EVENT “MY FOOD, MY EDUCATION, MY FUTURE” FOR KOH VILLAGE PRIMARY SCHOOL

Koh Kong, Cambodia – April 22, 2025 – In alignment with Peng Huot Group’s social work strategy framework, focusing on Education, Environment, and Society, Peng Huot Group has organized a charity event titled “My Food, My Education, My Future” for Koh Village Primary School. The school, located in Koh Village, Thma Donpov Commune, Thma Bang District, Koh Kong Province, has a total of 52 students and 3 teachers.

The event aims to promote education by providing essential study materials and food support to students facing hardships, addressing their most immediate needs for survival. Additionally, the event included various activities to emphasize the importance of education, such as:

1. Encouragement Messages: Motivating students to continue their efforts in learning.
2. Talent Exploration: Inspiring students to discover and develop their talents, helping them achieve their dreams.
3. Fun Activities: Engaging in drawing and coloring activities to support mental and intellectual growth.

These activities are designed to alleviate difficulties and provide hope for a better education, as education is the key to transforming their lives now and in the future. A solid education will make these students valuable resources for building a better nation and world.

For more information, please contact:

ចូលរួមក្នុង Chanel : Property Area Asia ដើម្បីទទួលបានព័ត៌មានយ៉ាងឆាប់រហ័ស

ដោយ: គង់ លាងហួរ
អន្តរជាតិ: ក្រុមហ៊ុនប្រឹក្សាយោបល់ផ្នែកអចលនទ្រព្យ Leechiu Property Consultants (LPC) Inc បានអះអាងថា ទីផ្សារលំនៅដ្ឋានរបស់ប្រទេសហ្វីលីពីនបានបង្ហាញពីសញ្ញានៃការងើបឡើងវិញសន្សឹមៗនៅក្នុងត្រីមាសទី១ ឆ្នាំ២០២៥ ខណៈតម្រូវការខុនដូនៅរដ្ឋធានីម៉ានីលបានហក់ឡើងខ្ពស់។

សញ្ញាវិជ្ជមាននេះត្រូវបានជំរុញគាំទ្រដោយសារការកាត់បន្ថយគោលនយោបាយអត្រាការប្រាក់ និងយុទ្ធសាស្ត្រប្រកបដោយភាពទាក់ទាញរបស់បណ្តាអ្នកអភិវឌ្ឍន៍អចលនទ្រព្យ ដូចជាការធ្វើផែនការទីផ្សារ និងការសម្រួលលក្ខខណ្ឌទូទាត់។

តម្រូវការខុនដូនៅទីក្រុងម៉ានីល (Metro Manila) បានហក់ឡើង១៤ភាគរយនៅក្នុងត្រីមាសទី១ ឆ្នាំ២០២៥ ដោយការលក់ខុនដូមានសរុបចំនួន៦.៥០៨យូនីត។ នេះបើយោងតាមក្រុមហ៊ុនប្រឹក្សាយោបល់ផ្នែកអចលនទ្រព្យ Leechiu Property Consultants។

កំណើននេះសម្រេចបាន ស្របពេលដែលធនាគារកណ្តាលហ្វីលីពីនបានកាត់បន្ថយអត្រាការប្រាក់ក្នុងរយៈពេល៣ត្រីមាសជាប់ៗគ្នា ដោយបានជួយបន្ធូរបន្ថយក្តីកង្វល់របស់អ្នកទិញ និងជំរុញឱ្យការទិញអចលនទ្រព្យកើនឡើង។

ការបើកដំណើរការគម្រោងលំនៅដ្ឋានថ្មីបានដាំក្បាលចុះ៧៧ភាគរយ ដោយគេបានសង្កេតឃើញមានតែលំនៅដ្ឋានចំនួន១.៣៤៧យូនីតប៉ុណ្ណោះ ដែលបានបើកដំណើរការលក់ក្នុងត្រីមាសទី១ ឆ្នាំ២០២៥ បើធៀបនឹងចំនួន៥.៩២៨យូនីតនៅក្នុងត្រីមាសទី៤ ឆ្នាំមុន។

បច្ចុប្បន្ន បណ្តាក្រុមហ៊ុនអភិវឌ្ឍន៍អចលនទ្រព្យរបស់ប្រទេសហ្វីលីពីនកំពុងផ្តោតលើការលក់បង្ហើយលំនៅដ្ឋានដែលនៅសេសសល់ ជាពិសេសការលក់ខុនដូតម្លៃមធ្យម មុនពេលចាប់ផ្តើមបើកដំណើរការគម្រោងថ្មីៗ។

ប្រាក់កម្ចីមិនដំណើរការ (Non-performing Loan) នៅក្នុងទីផ្សារអចលនទ្រព្យលំនៅដ្ឋានបានបន្តធ្លាក់ចុះមកនៅត្រឹម៦,៣ភាគរយនៅចុងឆ្នាំមុន បើធៀបនឹងកម្រិតខ្ពស់បំផុតចំនួន៩,៦ភាគរយនៅក្នុងត្រីមាសទី៣ ឆ្នាំ២០២១ ក្នុងអំឡុងពេលមានជំងឺរាតត្បាត។

ចំណែកឯ ការលក់លំនៅដ្ឋានប្រណីតនៅទីក្រុងម៉ានីលបានដាំក្បាលចុះ៣៩ភាគរយនៅត្រីមាសទី១ ឆ្នាំនេះ។

ទោះជាយ៉ាងណា ផ្នែកលំនៅដ្ឋានប្រណីតនៅតែមានភាពទាក់ទាញសម្រាប់បណ្តាអ្នកវិនិយោគរយៈពេលវែង ខណៈអ្នកអភិវឌ្ឍន៍ជាច្រើនគ្រោងចាប់ផ្តើមបើកសម្ពោធគម្រោងលំនៅដ្ឋានប្រណីតថ្មីៗក្នុងរយៈពេលប៉ុន្មានឆ្នាំខាងមុខនេះ ដែលនឹងធ្វើឱ្យទីផ្សារមានការប្រកួតប្រជែងកាន់តែខ្លាំង៕ប្រភព: Inquirer.Net៕