Panama Canal traffic fell to 33.7 ships per day in March, authority says

0

The number of vessels that transited the Panama Canal, the world’s second-busiest waterway, fell to an average of 33.7 per day in March for a total of 1,045 ships that month, according to a bulletin on Thursday by its administrative authority.

In February, an average of 34.8 vessels per day crossed the waterway, an increase from 32.6 per day in January, but still below the maximum number of ships authorized.

Transits this year have remained below the maximum of 36 vessels allowed to pass per day since the waterway lifted drought-related restrictions in the third quarter last year, despite lower fees. Transit fees in Panama this year have been 15% below last year’s levels, according to figures from its authority.

A severe drought between late 2023 and early 2024 forced the waterway that connects the Atlantic and Pacific oceans to impose passage restrictions that prompted long waiting lines and higher transit fees.

The fees have been closely monitored since U.S. President Donald Trump complained about them earlier this year, adding that Washington would take over the canal if it determines that the presence of firms from China and Hong Kong near the waterway constitutes a security risk.

In late March, the canal’s authority announced it would offer a net-zero weekly passage slot starting in October for dual-fuel vessels operating at low carbon intensity. The plan is part of an initiative to reward and encourage investments in energy efficiency and low-carbon fuels.

Source: Reuters

HCMC office rents at 5-year high driven by rising demand

0

Premium office rents in HCMC reached a five-year high of US$67 per square meter on average last year after rising by 2.2% from 2023.

Across all grades (affordable, mid-range and premium), the average rent rose by 1.6% to $36, according to property consultancy JLL Vietnam.

Data from market researcher Knight Frank confirms the rising trend, showing prime office rents grew by 3% last year to $61.

Occupancy rates in new office buildings were 88-90%, it said.

This year HCMC is expected to have around 71,000 square meters of office space for lease – a relatively modest amount that is likely to be fully absorbed in the short term.

Trang Bui, CEO of property services firm Cushman & Wakefield, said office rentals in HCMC are likely to rise by 5% this year, driven by active office expansion.

The two new urban areas, Thu Thiem and Phu My Hung, are set to become new office hubs.

From 2026 the market is expected to stabilize, with growth potentially slowing to 0.4-0.5% per year. Demand for office space will continue to come from key industries such as information technology, banking, manufacturing, insurance, and logistics, she added.

Source: Vnexpress

ទីផ្សារអចលនទ្រព្យឥណ្ឌាកំពុងស្រូបទាញលំហូរទុនវិនិយោគពីបណ្តាក្រុមហ៊ុនបរទេសធំៗ

0

ដោយ: គង់ លាងហួរ
អន្តរជាតិ: វិស័យអចលនទ្រព្យរបស់ប្រទេសឥណ្ឌាកំពុងទាក់ទាញបណ្តាអ្នកវិនិយោគបរទេសធំៗ ខណៈឥណ្ឌាជាប្រទេសមានចំនួនប្រជាជនច្រើនជាងគេលើពិភពលោក គួបផ្សំនឹងកំណើនសេដ្ឋកិច្ចខ្ពស់ និងតម្រូវការទិញផ្ទះប្រណីតៗដោយក្រុមអ្នកមាន។

តួយ៉ាង ក្រុមហ៊ុន Ascott ដែលជាបុត្រសម្ព័ន្ធរបស់ក្រុមហ៊ុនអចលនទ្រព្យយក្សសិង្ហបុរី CapitaLand Investment បានចុះហត្ថលេខាទៅលើកិច្ចព្រមព្រៀងចំនួន៣ ដើម្បីសាងសង់អាផាតមុិនចំនួន៦០០យូនីតបន្ថែមទៀតនៅក្នុងប្រទេសឥណ្ឌា។

ការណ៍នេះនឹង​បង្កើន​ផលបត្រ​អចលនទ្រព្យសរុប​របស់​ក្រុមហ៊ុន CapitaLand Investment នៅក្នុង​ប្រទេស​ឥណ្ឌាដល់​ចំនួនប្រហែល៦.១០០យូនីត​នៅ​ទូទាំងគម្រោងចំនួន២២។

គម្រោងសាងសង់អាផាតមុិនថ្មីបន្ថែមទាំង៦០០យូនីតនេះនឹងស្ថិតក្រោមម៉ាកយីហោ Oakwood ដោយមានទីតាំងនៅទីក្រុង Lucknow និង ទីក្រុង Thanjavur និងរដ្ឋ Goa របស់ប្រទេសឥណ្ឌា។នេះបើយោងតាមការចុះផ្សាយដោយកាសែត The Business Times។

ជាមួយគ្នានេះ ក្រុមហ៊ុនបដិសណ្ឋារកិច្ចខ្នាតយក្ស Hyatt Hotels របស់សហរដ្ឋអាមេរិកគ្រោងបើកដំណើរការសណ្ឋាគារចំនួន៦បន្ថែមទៀត នៅឥណ្ឌា ដូចជានៅទីក្រុង Ghaziabad និងទីក្រុង Kochi ជាដើម។

ក្នុងរយៈពេល៥ឆ្នាំខាងមុខ ក្រុមហ៊ុនបដិសណ្ឋារកិច្ច Hyatt Hotels គ្រោងនឹងបង្កើនចំនួនសណ្ឋាគាររបស់ខ្លួននៅក្នុងប្រទេសឥណ្ឌាទ្វេរដងឱ្យដល់ចំនួន១០០ទីតាំង ដោយសម្លឹងឃើញសក្តានុពលដូចជា ការកើនឡើងនូវចំនួនប្រជាជន និងអំណាចនៃការចាយវាយរបស់ពលរដ្ឋឥណ្ឌា។

ប្រតិបត្តិករសណ្ឋាគារទូទាំងពិភពលោកបាននិងកំពុងបង្កើនផលបត្រអចលនទ្រព្យក្នុងប្រទេសឥណ្ឌា ដែលមានប្រជាជនច្រើនជាងគេបំផុតលើពិភពលោក និងមានតម្រូវការធ្វើដំណើរក្នុងស្រុកខ្ពស់ ក្រោយវិបត្តិជំងឺកូវីដ-១៩។

កាលពីចុងឆ្នាំមុន ក្រុមហ៊ុនអាមេរិក Hilton Worldwide បានអះអាងថា ខ្លួនគ្រោងនឹងបង្កើនចំនួនបន្ទប់សណ្ឋាគារនៅក្នុងប្រទេសឥណ្ឌាឱ្យកើនឡើង៤ដងក្នុងរយៈពេល៥ឆ្នាំតទៅខាងមុខ៕ប្រភព: Bloomberg & Reuters៕

ចំនួននាវាពាណិជ្ជកម្មឆ្លងកាត់ព្រែកជីកប៉ាណាម៉ាកំពុងធ្លាក់ចុះ

0

ដោយ: គង់ លាងហួរ
អន្តរជាតិ: ចំនួននាវាឆ្លងកាត់ព្រែកជីកប៉ាណាម៉ា ដែលជាផ្លូវទឹកមានចរាចរណ៍មមាញឹកបំផុតលំដាប់ទី២ នៅលើពិភពលោកបានធ្លាក់ចុះមកនៅត្រឹមចំនួន១.០៤៥គ្រឿងក្នុងខែមីនា ឬមានន័យថា ចំនួននាវាឆ្លងកាត់ព្រែកជីកប៉ាណាម៉ាមានជាមធ្យម៣៤គ្រឿងក្នុងមួយថ្ងៃ។

កាលពីខែកុម្ភៈ ចំនួននាវាឆ្លងកាត់ព្រែកជីកប៉ាណាម៉ាមានជាមធ្យម៣៥គ្រឿងនៅក្នុងមួយថ្ងៃ កើនឡើងពីចំនួននាវា៣៣គ្រឿងក្នុងមួយថ្ងៃ ដែលបានឆ្លងកាត់ព្រែកជីកប៉ាណាម៉ាកាលពីខែមករា។

ប៉ុន្តែ ទោះជាយ៉ាងណា តួលេខនេះនៅតែមានកម្រិតទាបជាងចំនួនអតិបរមានៃនាវា ដែលអាជ្ញាធរទទួលបន្ទុកគ្រប់គ្រងព្រែកជីកប៉ាណាម៉ាបានសម្រេចកំណត់ឱ្យឆ្លងកាត់។នេះបើយោងតាមការចុះផ្សាយដោយទីភ្នាក់ងារសារព័ត៌មាន Reuters។

ជាក់ស្តែង អាជ្ញាធរបានកំណត់ចំនួនអតិបរមានៃនាវាឆ្លងកាត់ព្រែកជីកប៉ាណាម៉ាក្នុងមួយថ្ងៃត្រឹម៣៦គ្រឿង គិតចាប់តាំងពីត្រីមាសទី៣ ឆ្នាំ២០២៤ បន្ទាប់ពីអាជ្ញាធរបានលុបចោលការរឹតបន្តឹងចំនួននាវាឆ្លងកាត់ ដោយសារគ្រោះរាំងស្ងួត។

វិបត្តិគ្រោះរាំងស្ងួតធ្ងន់ធ្ងរនៅចន្លោះចុងឆ្នាំ២០២៣ដល់ដើមឆ្នាំ២០២៤ បានបង្ខំឱ្យព្រែកជីកប៉ាណាម៉ា ដែលតភ្ជាប់រវាងមហាសមុទ្រអាត្លង់ទិក និងមហាសមុទ្រប៉ាស៊ីហ្វិក ដាក់ការរឹតបន្តឹងលើនាវាឆ្លងកាត់ ដោយជំរុញឱ្យមានការរង់ចាំយូរ និងធ្វើឱ្យថ្លៃដឹកជញ្ជូនកើនឡើង។

ការយកថ្លៃសេវាពីនាវាត្រូវបានពិនិត្យឃ្លាំមើលយ៉ាងដិតដល់ ចាប់តាំងពីប្រធានាធិបតីអាមេរិកលោក ដូណាល់ ត្រាំ បានចោទប្រកាន់ថា ព្រែកជីកប៉ាណាម៉ាបានទាមទារថ្លៃសេវាខ្ពស់ហួសហេតុពីនាវាពាណិជ្ជកម្មរបស់សហរដ្ឋអាមេរិក ដែលឆ្លងកាត់ផ្លូវទឹកដ៏សំខាន់នេះដើម្បីនាំចេញទំនិញទៅក្រៅប្រទេស។

លើសពីនេះ ប្រធានាធិបតីអាមេរិកលោក ដូណាល់ ត្រាំ បានព្រមានថា សហរដ្ឋអាមេរិកអាចនឹងយកព្រែកជីកនេះមកគ្រប់គ្រងវិញ ប្រសិនបើក្រុមហ៊ុនចិន ឬក្រុមហ៊ុនហុងកុងដែលគ្រប់គ្រងកំពង់ផែនៅអមសងខាងក្បែរនោះបង្កការគំរាមកំហែងដល់សន្តិសុខជាតិអាមេរិក៕ប្រភព: Reuters៕

តម្លៃលំនៅដ្ឋានថ្មីនៅក្នុងប្រទេសចិនបានបន្តធ្លាក់ចុះក្នុងល្បឿនយឺតជាងមុន

0

ដោយ: គង់ លាងហួរ
អន្តរជាតិ: យោងតាមទិន្នន័យបានបង្ហាញឱ្យដឹងថា តម្លៃផ្ទះថ្មីនៅប្រទេសចិនបានធ្លាក់ចុះក្នុងរយៈពេល២២ខែជាប់ៗគ្នាគិតត្រឹមខែមីនា ឆ្នាំ២០២៥។ប៉ុន្តែ អត្រានៃការធ្លាក់ចុះនេះបានបន្តរួមតូច ដោយសារការដាក់ចេញវិធានការគាំទ្ររបស់រដ្ឋាភិបាលចិន។

តម្លៃផ្ទះថ្មីនៅតាមទីក្រុងចំនួន៧០ របស់ប្រទេសចិន បានធ្លាក់ចុះក្នុងរង្វង់ជាមធ្យម០,១ភាគរយកាលពីខែមីនា បើធៀបនឹងខែកុម្ភៈ។ នេះបើយោងតាមទិន្នន័យ ដែលចេញផ្សាយដោយការិយាល័យស្ថិតិជាតិចិន (NBS)។

ប៉ុន្តែ បើធៀបនឹងខែមីនា ឆ្នាំ២០២៤ តម្លៃផ្ទះថ្មីនៅប្រទេសចិនបានធ្លាក់ចុះ៥ភាគរយនៅខែមីនា ឆ្នាំ២០២៥។ នេះជាសញ្ញាល្អប្រសើរឡើង បន្ទាប់ពីតម្លៃផ្ទះថ្មីបានធ្លាក់ចុះ៥,២ភាគរយនៅក្នុងខែកុម្ភៈ ឆ្នាំ២០២៥ ធៀបនឹងខែកុម្ភៈ ឆ្នាំមុន។

ជាមួយគ្នានេះ តម្លៃ​ផ្ទះ​ប្រភេទទី២ បាន​ធ្លាក់​ចុះ០,២ភាគរយ​ក្នុង​ខែ​មីនា ឆ្នាំ២០២៥ ដោយ​រួម​តូច​ពី​ការ​ធ្លាក់​ចុះ០,៣ភាគរយ​ក្នុង​ខែ​កុម្ភៈ។ប្រសិនបើប្រៀបធៀបនឹងខែមីនា ឆ្នាំ២០២៤ តម្លៃផ្ទះប្រភេទទី២ នៅខែមីនា ឆ្នាំ២០២៥ បានធ្លាក់ចុះ៧,៣ភាគរយ បើធៀបនឹងការធ្លាក់ចុះ៧,៥ភាគរយកាលពីកុម្ភៈ។

ក្នុងចំណោមទីក្រុងទាំង៧០នោះ គេសង្កេតឃើញមានទីក្រុងចំនួន២៤ ដែលបានប្រកាសពីការកើនឡើងក្នុងអត្រាប្រចាំខែនៃតម្លៃផ្ទះថ្មីសម្រាប់ខែមីនា ខណៈកាលពីខែកុម្ភៈ គេសង្កេតឃើញមានទីក្រុងចំនួន១៨ប៉ុណ្ណោះ បានប្រកាសពីការកើនឡើងនៃតម្លៃផ្ទះថ្មី។ ចំណែក តម្លៃ​ផ្ទះ​ប្រភេទទី២ បាន​កើន​ឡើង​ក្នុង​ទីក្រុង​ចំនួន១០។

លោក Yan Yuejin អនុប្រធានវិទ្យាស្ថានស្រាវជ្រាវអចលនទ្រព្យ E-House China ដែលមានមូលដ្ឋាននៅទីក្រុងសៀងហៃ បានឱ្យដឹងថា “កំណើននៃចំនួនទីក្រុង ដែលប្រកាសពីការកើនឡើងនៃតម្លៃផ្ទះបានឆ្លុះបញ្ចាំងពីសភាពប្រសើរឡើងនៃទំនុកចិត្តនៅលើទីផ្សារ”។

លោកបានបន្ថែមថា “បរិយាកាសគោលនយោបាយអំណោយផលសម្រាប់ការទិញផ្ទះ និងសូចនាករតម្លៃផ្ទះវិជ្ជមាននឹងផ្តល់ការគាំទ្រកាន់តែខ្លាំងសម្រាប់ទីផ្សារអចលនទ្រព្យចិននៅក្នុងត្រីមាសទី២ ឆ្នាំ២០២៥” ៕ប្រភព: SCMP៕

តើការពន្យារពេលពន្ធបដិការរយៈពេល៩០ថ្ងៃរបស់សហរដ្ឋអាមេរិកមានន័យដូចម្តេចសម្រាប់កម្ពុជា?

0

ដោយ: គង់ លាងហួរ
ភ្នំពេញ: កម្ពុជាបានព្យាយាមបញ្ចៀសភាពតានតឹងពាណិជ្ជកម្មជាមួយនឹងសហរដ្ឋអាមេរិក តាមរយៈការជ្រើសរើសយកវិធីសាស្ត្រនៃការចរចាបញ្ចុះអត្រាពន្ធលើទំនិញអាមេរិកនាំចូលមកកាន់កម្ពុជា ពីអត្រា៣៥ភាគរយមកនៅត្រឹម៥ភាគរយ។

ជាការឆ្លើយតប សហរដ្ឋអាមេរិកក្រោមរដ្ឋបាលប្រធានាធិបតីលោក ដូណាល់ ត្រាំ បានពន្យារពេល៩០ថ្ងៃចំពោះការដំឡើងពន្ធបដិការលើគ្រប់ប្រទេសទាំងអស់ ដោយយកអត្រាពន្ធបណ្តោះអាសន្នចំនួន១០ភាគរយក្នុងរយៈពេល៩០ថ្ងៃ។

ការពន្យារពេលនេះមានគោលដៅ ដើម្បីផ្តល់ឱកាសឱ្យបណ្តាប្រទេសនានាមកចរចាជាមួយសហរដ្ឋអាមេរិក លើកលែងតែប្រទេសចិន ដែលបានប្តេជ្ញាប្រយុទ្ធដល់ទីបញ្ចប់ក្នុងសមរភូមិសង្គ្រាមពាណិជ្ជកម្មជាមួយទីក្រុងវ៉ាសុីនតោន។

ក្រុមអ្នកវិភាគបានចាត់ទុកការកាត់បន្ថយពន្ធគយរបស់កម្ពុជាថា ជាគោលជំហរច្បាស់លាស់ក្នុងការបញ្ចៀសភាពតានតឹងពាណិជ្ជកម្ម និងបង្ហាញ​ពី​ឆន្ទៈ​របស់​កម្ពុជា​ក្នុង​ការ​ចូល​រួម​ក្នុង​ការ​ចរចា និង​ជំរុញ​ទំនាក់ទំនង​ពាណិជ្ជកម្ម​ឱ្យ​កាន់​តែ​ប្រសើរ​ជាមួយ​សហរដ្ឋ​អាមេរិក។

ក្រុមអ្នកវិភាគបានជំរុញឱ្យកម្ពុជាលុបចោលពន្ធទាំងស្រុងលើការនាំចូលរថយន្តពីសហរដ្ឋអាមេរិក ដែលត្រូវបានគេមើលឃើញថា ជាអាទិភាពរបស់លោកប្រធានាធិបតី ដូណាល់ ត្រាំ។

អ្នកស្រាវជ្រាវមួយរូបនៅវេទិកាអនាគត (The Future Forum) បានអះអាងថា ការពន្យាររយៈពេល៩០ថ្ងៃបានផ្តល់ឱកាសសម្រាប់ក្រុមមន្ត្រីចរចា និងមន្ត្រីរៀបចំផែនការរបស់កម្ពុជា ក្នុងការចូលរួមជាមួយក្រុមការងារចរចារបស់លោក ត្រាំ និងបង្កើតយុទ្ធសាស្ត្រអន្តរាគមន៍ផ្នែកសារពើពន្ធ និងសេដ្ឋកិច្ចក្នុងស្រុក។

យ៉ាង​ណា​មិញ នៅ​ក្នុង​រយៈ​ពេល​ខ្លី កម្ពុជា​មាន​ជម្រើស​តិច​តួច​ប៉ុណ្ណោះ។ដូច្នេះ កម្ពុជាត្រូវធ្វើតាម​​ការ​ទាមទារ​ចង់បានរបស់​សហរដ្ឋ​អាមេរិក។

បច្ចុប្បន្ន ថ្នាក់ដឹកនាំជំនាន់ថ្មីនៃរាជរដ្ឋាភិបាលកម្ពុជាកំពុងព្យាយាមសម្រេចបានវិបុលភាពសេដ្ឋកិច្ចតាមរយៈការបញ្ចេញស្នាដៃ និងលទ្ធផលការងារជាក់ស្តែងជូនប្រទេសជាតិ និងប្រជាពលរដ្ឋ។

កម្ពុជាក៏គួរតែសហការជាមួយបណ្តាប្រទេសជាសមាជិកអាស៊ានផ្សេងទៀត ដើម្បីបង្កើតយុទ្ធសាស្ត្រពាណិជ្ជកម្មរយៈពេលវែង ដូចជាការកាត់បន្ថយហានិភ័យពីប្រទេសមហាអំណាចធំៗ ដូចជាសហរដ្ឋអាមេរិក និងចិន តាមរយៈការធ្វើពិពិធកម្មទីផ្សារនាំចេញ និងការបង្កើនទំហំដោះដូរពាណិជ្ជកម្មក្នុងតំបន់អាស៊ាន៕ប្រភព: SCMP៕

តម្លៃហាងឆេងមាសបានធ្លាក់ថ្លៃចុះនៅថ្ងៃសុក្រនេះ

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនាព្រឹកថ្ងៃសុក្រនេះ ខណៈក្រុមអ្នកវិនិយោគមួយចំនួនបានលក់មាសចេញដើម្បីទទួលបានផលចំណេញពីការវិនិយោគលើលោហៈធាតុដ៏មានតម្លៃមួយនេះ ក្នុងអំឡុងពេលមានភាពមិនប្រាកដប្រជាផ្សេងៗ ដូចជាសង្គ្រាមពាណិជ្ជកម្ម និងជម្លោះភូមិសាស្ត្រនយោបាយ។

តួយ៉ាង តម្លៃមាស Spot Gold បានធ្លាក់ចុះ០,៤៧ភាគរយមកនៅត្រឹម៣៣២៧,៥៤ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,១៥ភាគរយដល់៣៣៤១,៣០ដុល្លារក្នុងមួយអោនគិតត្រឹមម៉ោង១០:៥៥នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៦០ភាគរយ ដែលធនាគារកណ្តាលអាមេរិក (Fed) នឹងអាចទម្លាក់អត្រាការប្រាក់ចំនួន០,២៥ភាគរយក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់ត្រឹម៩៩,៤៣ពិន្ទុនាព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម៩៩,៣៨ពិន្ទុកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានធ្លាក់ចុះ១,៣២ភាគរយដល់៣២,៥៤ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៣៣ភាគរយដល់៩៧៦,៩ដុល្លារក្នុងមួយអោន ហើយតម្លៃ palladium បានធ្លាក់ចុះ១,៧៥ភាគរយដល់៩៦២,៥០ដុល្លារក្នុងមួយអោនគិតត្រឹមម៉ោង១០:៥៦នាទីព្រឹក៕

គម្រោងព្រែកជីកហ្វូណនតេជោបញ្ចេញពន្លឺកាន់តែច្បាស់ ខណៈកិច្ចព្រមព្រៀង និងកិច្ចសន្យាចំនួន៥ច្បាប់ត្រូវបានចុះហត្ថលេខា

0

ដោយៈ គង់ សូរិយា

    ភ្នំពេញៈ កិច្ចព្រមព្រៀងសំខាន់ៗចំនួន៥ ត្រូវបានចុះហត្ថលេខា ទាក់ទងនឹងគំរោងជីកព្រែកហ្វូណនតេជោ ក្នុងអំឡុងពេលស្របគ្នា នឹងដំណើរទស្សនកិច្ចរបស់ប្រធានាធិបតីចិន លោកស៊ី ជីនពីង។

លោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងជាអនុប្រធានអចិន្ត្រៃយ៍ អនុគណៈកម្មាធិការដើម្បីរៀបចំ វាយតម្លៃរបាយការណ៍សិក្សាសមិទ្ធិលទ្ធភាព និងរៀបចំចរចាកិច្ចសន្យាភាពជាដៃគូរវាងរដ្ឋ និងឯកជន នៃគម្រោងព្រែកជីកហ្វូណនតេជោ បានអញ្ជើញចូលរួមពិធីចុះហត្ថលេខា លើកិច្ចព្រមព្រៀង និងកិច្ចសន្យាចំនួន៥ ពាក់ព័ន្ធនឹងគម្រោងគ្រប់គ្រងធនធានទឹក ចម្រុះហ្វូណនតេជោ ក្រោមអធិបតីភាព លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានអនុគណៈកម្មាធិការ និងជាហត្ថលេខី ក្នុងពិធីចុះហត្ថលេខាលើកិច្ចព្រមព្រៀង និងកិច្ចសន្យាចំនួន៥ ពាក់ព័ន្ធនឹងគម្រោងគ្រប់គ្រងធនធានទឹកចម្រុះហ្វូណនតេជោ ជាមួយលោក Wang Tong Zhou ប្រធានក្រុមហ៊ុនសំណង់គមនាគមន៍ចិន (China Communications Construction Company – CCCC)។

គម្រោងនេះ មានប្រវែង១៧៤គីឡូម៉ែត្រ ដែលតភ្ជាប់ប្រព័ន្ធទន្លេមេគង្គ និងផ្លូវសមុទ្រ ចាប់ពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីងនៃទន្លេបាសាក់ក្នុងស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប ហើយត្រូវបានរចនាឡើង ដើម្បីផ្ទុកនាវាដែលមានទម្ងន់រហូតដល់៣ ០០០DWT។ គម្រោងនេះនឹងបង្កើតបណ្តាញផ្លូវទឹក ក្នុងស្រុកមួយដែលមានភាពសព្វជ្រុងជ្រោយ ព្រមទាំងចូលរួមបំពេញបន្ថែមនូវចន្លោះប្រហោងមួយចំនួន នៅក្នុងប្រព័ន្ធដឹកជញ្ជូនតាមផ្លូវទឹករបស់កម្ពុជានាពេលបច្ចុប្បន្ន និងបង្កើនសុវត្ថិភាពនៃការដឹកជញ្ជូនតាមផ្លូវទឹកផងដែរ។

ក្រោយពេលគម្រោងនេះ បញ្ចប់ការស្ថាបនាជាស្ថាពរ រំពឹងថានឹងចូលរួមលើកកម្ពស់ការតភ្ជាប់ ពន្លឿនការធ្វើទំនើបកម្មហេដ្ឋារចនាសម្ព័ន្ធដឹកជញ្ជូន និងរួមចំណែកដល់ការអភិវឌ្ឍ ប្រកបដោយចីរភាពនៃទំនាក់ទំនង និងការធ្វើពាណិជ្ជកម្ម ប្រកបដោយប្រសិទ្ធភាពនិងភាពងាយស្រួល រវាងកម្ពុជាទៅកាន់តំបន់នានា ដែលជាដៃគូពាណិជ្ជកម្ម និងសេដ្ឋកិច្ចរបស់ខ្លួន។

លើសពីការដឹកជញ្ជូន គម្រោងនេះរួមបញ្ចូលការគ្រប់គ្រងធនធា​នទឹក ប្រព័ន្ធធារាសាស្រ្ត និងកសិកម្ម ដែលមានចក្ខុវិស័យឆ្ពោះទៅមុខ ហើយត្រូវបានរំពឹងថា នឹងបង្កើនផលិតភាពកសិកម្ម តាមបណ្តោយខ្សែផ្លូវទឹកមួយនេះ។ បន្ថែមពីនេះ វាក៏នឹងជំរុញការធ្វើសមាហរណកម្មនៃវិស័យសំខាន់ៗ នៅទូទាំងកម្ពុជា ទៅកាន់តំបន់ និងពិភពលោក ជាអាទិ៍រួមមាន៖ ឧស្សាហកម្ម កសិកម្ម ភស្តុភារកម្ម និងវិស័យកំពង់ផែ។

“គម្រោងគ្រប់គ្រងធនធានទឹកចម្រុះហ្វូណនតេជោ” ជាគំនិតផ្តួចផ្តើមដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ដែលកាលនោះជានាយករដ្ឋមន្ត្រី នៃព្រះរាជាណាចក្រកម្ពុជា ហើយបច្ចុប្បន្នជាប្រធានព្រឹទ្ធសភា និងកំពុងអនុវត្តដោយរាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ គម្រោងនេះ ត្រូវប្រារព្ធពិធីបើកការដ្ឋានជាផ្លូវការ កាលពីថ្ងៃទី៥ ខែសីហា ឆ្នាំ២០២៤ ក្រោមអធីបតីភាពដ៏ខ្ពង់ខ្ពស់ សម្តេចធិបតីនាយករដ្ឋមន្ត្រី ដោយមានការចូលរួមគាំទ្រ យ៉ាងកងរំពងពីសំណាក់បងប្អូនប្រជាពលរដ្ឋខ្មែរនៅទូទាំងប្រទេស។

គម្រោងព្រែកជីកនេះត្រូវបានរំពឹងទុកថា “នឹងត្រូវបានស្ថាបនារួចរាល់នៅអំឡុង ឆ្នាំ២០២៨ខាងមុខ”៕

បណ្តាម្ចាស់អគារការិយាល័យទំនើបៗនៅទីក្រុងហូជីមិញដំឡើងតម្លៃជួល ខណៈតម្រូវការមានសន្ទុះកើនឡើង

0

ដោយ: គង់ លាងហួរ
អន្តរជាតិ: នៅឆ្នាំ២០២៥នេះ ទីក្រុងហូជីមិញនៃប្រទេសវៀតណាមត្រូវបានគេរំពឹងថា នឹងផ្គត់ផ្គង់ការិយាល័យសម្រាប់ជួលក្នុងទំហំ៧១.០០០ម៉ែត្រការ៉េ ហើយអាចត្រូវបានគេជួលពេញអស់ក្នុងរយៈពេលខ្លី។

លោកស្រី Trang Bui នាយិកាប្រតិបត្តិនៃក្រុមហ៊ុនសេវាកម្មអចលនទ្រព្យ Cushman & Wakefield ប្រចាំសាខាប្រទេសវៀតណាម បានព្យាករណ៍ថា តម្លៃជួលការិយាល័យនៅទីក្រុងហូជីមិញ នឹងកើនឡើង៥ភាគរយនៅឆ្នាំនេះ ដោយសារតម្រូវការមានការកើនឡើង។

យោងតាមសារព័ត៌មាន Vnexpress បានចុះផ្សាយថា តំបន់ទីក្រុងថ្មីចំនួនពីរ រួមមានតំបន់ Thu Thiem និងតំបន់ Phu My Hung នៅទីក្រុងហូជីមិញ នឹងប្រែក្លាយទៅជាមជ្ឈមណ្ឌលពាណិជ្ជកម្ម ដែលប្រមូលផ្តុំទៅដោយបណ្តាអគារការិយាល័យថ្មីៗ។

យ៉ាងណាមិញ លោកស្រី Trang Bui បានគូសបញ្ជាក់ថា “ចាប់ពីឆ្នាំ២០២៦ខាងមុខ ទីផ្សារនឹងស្ថិតនៅទ្រឹង ខណៈកំណើនតម្លៃជួលការិយាល័យនៅទីក្រុងហូជីមិញនឹងមកនៅត្រឹម០,៤ភាគរយទៅ០,៥ភាគរយក្នុងមួយឆ្នាំ”។

លោកស្រីបានបន្ថែមថា តម្រូវការជួលការិយាល័យនឹងបន្តមានប្រភពមកពីឧស្សាហកម្មសំខាន់ៗដូចជា បច្ចេកវិទ្យាព័ត៌មាន ធនាគារ ការផលិត ធានារ៉ាប់រង និងភស្តុភារ។

យោងតាមក្រុមហ៊ុនប្រឹក្សាអចលនទ្រព្យ JLL Vietnam បានឱ្យដឹងថា តម្លៃជួលការិយាល័យជាមធ្យមនៅក្នុងទីក្រុងហូជីមិញមានទំហំទឹកប្រាក់ចំនួន៣៦ដុល្លារអាមេរិកក្នុងមួយម៉ែត្រការ៉េ។

លោកស្រី Trang Le នាយិកាប្រតិបត្តិនៃក្រុមហ៊ុន JLL Vietnam បានលើកឡើងថា ការងើបឡើងវិញនៃតម្រូវការជួលការិយាល័យពីបណ្តាក្រុមហ៊ុនក្នុងស្រុក និងអន្តរជាតិ ជាកត្តាចលករដ៏សំខាន់ ដែលអនុញ្ញាតឱ្យម្ចាស់អគារការិយាល័យមានទំនុកចិត្តក្នុងការដំឡើងតម្លៃជួល។

លោកស្រីបានបន្ថែមថា កាលពីឆ្នាំមុន អត្រាការិយាល័យទំនេរបានធ្លាក់ចុះមកនៅត្រឹមតែ៦ភាគរយប៉ុណ្ណោះសម្រាប់ប្រភេទអគារលំដាប់ខ្ពស់ (Premium) និងបានធ្លាក់ចុះមកនៅត្រឹម១២ភាគរយសម្រាប់ទីផ្សារទាំងមូល៕ប្រភព: Vnexpress៕

មេដឹកនាំកម្ពុជា ចិនសម្រេចបាននូវវឌ្ឍនភាពនៃទំនាក់ទំនងក្នុង កម្រិតថ្មីមួយទៀត

0

ដោយៈ គង់ សូរិយា

    ភ្នំពេញៈ មេដឹកនាំកម្ពុជាសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា និងប្រធានាធិបតីចិន លោកស៊ី ជីនពីង បានឯកភាពកសាង “សហគមន៍វាសនារួមកម្ពុជា-ចិន ក្នុងយុគសម័យថ្មី គ្រប់រដូវកាល”។

យោងតាមុបណ្តាញទំនាក់ទំនងសង្គមផ្លូវការរបស់សម្តេចវមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានឲ្យដឹងថា នៅល្ងាចថ្ងៃទី១៧ ខែមេសា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំគណៈប្រតិភូជួបពិភាក្សាការងារជាមួយឯកឧត្តម ស៊ី ជីនពីង ប្រធានាធិបតីនៃសាធា​រណរដ្ឋប្រជាមានិតចិន និងគណៈប្រតិភូជាន់ខ្ពស់ នៅវិមានសន្តិភាព។

ជាកិច្ចចាប់ផ្ដើម សម្តេចបវរធិបតី បានសម្តែងការស្វាគមន៍យ៉ាងកក់ក្តៅបំផុត ចំពោះឯកឧត្តមប្រធានាធិបតី ដែលបានអញ្ជើញមកបំពេញទស្សនកិច្ចជាថ្មីម្តងទៀតនៅកម្ពុជា។

សម្តេចបវរធិបតីបានថ្លែងអំណរគុណ យ៉ាងជ្រាលជ្រៅជូនចំពោះរដ្ឋាភិបាល និងប្រជាជនចិន ដែលតែងតែគាំទ្រការអភិវឌ្ឍគ្រប់វិស័យនៅកម្ពុជា ព្រមទាំងបានគូសបញ្ជាក់ថា ជំនួយរបស់មិត្តចិនបានក្លាយជាកម្លាំងចលករយ៉ាងសំខាន់ ក្នុងការជំរុញការអភិវឌ្ឍសង្គម-សេដ្ឋកិច្ចការកសាងហេដ្ឋារចនាសម្ព័ន្ធ និងការលើកកម្ពស់ជីវភាពប្រជាពលរដ្ឋ។

សម្តេចបវរធិបតីបានសង្កត់ធ្ងន់ថា “ដំណើរទស្សនកិច្ចរបស់ឯកឧត្តម ស៊ី ជីនពីង នាពេលនេះ គូសបញ្ជាក់ពីភាពរឹងមាំនៃទំនាក់ទំនាក់ទំនង និងកិច្ចសហប្រតិបត្តិការរវាងប្រទេសយើងទាំងពីរ ដែលជាដៃគូយុទ្ធសាស្ត្រគ្រប់ជ្រុងជ្រោយ និងជាមិត្តដែកថែប”។

ជាការឆ្លើយតប ឯកឧត្តម ស៊ី ជីនពីង បានថ្លែងអំណរគុណចំពោះការទទួលស្វាគមន៍ យ៉ាងកក់ក្តៅពីភាគីកម្ពុជា ហើយបានសម្តែងនូវសេចក្តីសោមនស្សរីករាយ ដែលបានមកបំពេញទស្សនកិច្ចម្តងទៀតនៅកម្ពុជា។

ឯកឧត្តមប្រធានាធិបតី បានអបអរសាទរ និងវាយតម្លៃខ្ពស់ចំពោះវឌ្ឍនភាព និងការអភិវឌ្ឍយ៉ាងឆាប់រហ័សរបស់កម្ពុជា ព្រមទាំងកោតសរសើរ ចំពោះភាពល្បីល្បាញរបស់កម្ពុជា នៅលើឆាកអន្តរជាតិ។

ឯកឧត្តមបានបង្ហាញជំនឿយ៉ាងមុតមាំថា “ក្រោមការដឹកនាំដ៏ឈ្លាសវៃរបស់សម្តេចបវរធិបតី កម្ពុជានឹងបន្តរក្សាបាននូវសុខសន្តិភាព ស្ថិរភាព និងបន្តអភិវឌ្ឍលើគ្រប់វិស័យថែមទៀត”។

ក្នុងនាមជាមិត្តដែកថែបរបស់កម្ពុជា ឯកឧត្តម ស៊ី ជីនពីង បានលើកឡើងថា ចិននឹងបន្តពង្រឹង និងពង្រីកកិច្ចសហប្រតិបត្តិការគ្រប់វិស័យជាមួយកម្ពុជា ហើយបានគូសបញ្ជាក់ពីការប្តេជ្ញាចិត្តគាំទ្រកម្ពុជាយ៉ាងមុតមាំនៅគ្រប់កាលៈទេសៈ ដើម្បីជួយកម្ពុជាសម្រេចបាននូវចក្ខុវិស័យឆ្នាំ២០៥០ ក្លាយជាប្រទេសមានចំណូលខ្ពស់។

សម្តេចបវរធិបតី និងឯកឧត្តម ស៊ី ជីនពីង បានពិភាក្សាផ្លាស់ប្តូរយោបល់លើការពង្រឹង និងពង្រីកកិច្ចសហប្រតិបត្តិការទ្វេភាគី លើវិស័យអាទិភាព រួមមាន៖ នយោបាយ, សន្តិសុខ ការពារជាតិ, ពាណិជ្ជកម្ម វិនិយោគ, កសិកម្ម, ទេសចរណ៍, ទំនាក់ទំនងរវាងប្រជាជន និងប្រជាជន ព្រមទាំងការកសាងហេដ្ឋារចនាសម្ព័ន្ធរូបវ័ន្ត។

ឯកឧត្តមស៊ី ជីនពីង ប្តេជ្ញាជំរុញវិនិយោគិន និងទេសចរចិនកាន់តែច្រើនមកកម្ពុជា បន្តផ្តល់ជំនួយសម្រាប់សកម្មភាពកម្ចាត់មីន បន្តជួយគម្រោងផ្លូវ ជនបទ ការផ្គត់ផ្គង់ទឹក និងបណ្តាញអគ្គីសនី ព្រមទាំងផ្តល់អាហារូបករណ៍ រដ្ឋាភិបាលចិនចំនួន១.០០០ កន្លែងក្នុងរយៈពេល៣ឆ្នាំ៕

1...535455...3,064Page 54 of 3,064

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71