ទីផ្សារសណ្ឋាគារនៅកម្ពុជាបង្ហាញសញ្ញាវិជ្ជមានជាមួយកំណើនភ្ញៀវទេសចរណ៍អន្តរជាតិ

0

ដោយៈ គង់ ម៉ាណា

    ភ្នំពេញៈ ទៅផ្សារសណ្ឋាគារ ក្នុងវិស័យបដិសណ្ឋារកិច្ចកម្ពុជា បង្ហាញសញ្ញាសុទិដ្ឋិនិយម ដោយសារកំណើននៃការមកដល់របស់ភ្ញៀវទេសចរណ៍អន្តរជាតិ។

យោងតាមការសិក្សាថ្មីមួយ ដែលចេញផ្សាយដោយក្រុមហ៊ុនអន្តរជាតិCBRE Cambodiaបានបង្ហាញឲ្យដឹងក្នុងសប្តាហ៍នេះថា លំហូរភ្ញៀវទេសចរណ៍បរទេស ចូលមកកាន់ប្រទេសកម្ពុជា សម្រេចបានចំនួន១,២៦លាននាក់ ក្នុងរយៈពេល២ខែដំបូងនៃឆ្នាំ២០២៥នេះ ហក់ឡើង២៧,៩ភាគរយ បើធៀបនឹងរយៈពេល២ខែដំបូងដូចគ្នាកាលពីឆ្នាំមុន។

របាយការណ៍ដដែលបានបញ្ជាក់ថា ជាមួយនឹងការស្ទុះងើបឡើងវិញ នៃវិស័យទេសចរណ៍ សណ្ឋា​គារថ្មីចំនួនជាង៥០០បន្ទប់ ត្រូវបានចាក់បញ្ចូ​លទៅកាន់ទីផ្សារក្នុងត្រីមាសទី១ ឆ្នាំនេះ ខណៈការស្នាក់នៅបន្ទប់សណ្ឋាគារផ្កាយ៥ នៅរាជធានីភ្នំពេញមានតម្លៃជាមធ្យមចំនួន៣២៩ដុល្លារក្នុងមួយយប់។

“តម្រូវការសណ្ឋាគារត្រូវបានគេរំពឹងថានឹងកើនឡើង ខណៈព្រលានយន្តហោះអន្តរជាតិតេជោ គ្រោងនឹងបើកដំណើរការ នៅខែកក្កដាខាងមុខ រួមជាមួយនឹងគំនិតផ្តួចផ្តើមនានា រវាងរដ្ឋាភិបាលកម្ពុជាជាមួយវិស័យឯកជន ក្នុងការលើកកម្ពស់វិស័យទេសចរណ៍ នៅរាជធានីភ្នំពេញ”៕នេះបើយោងតាមរបាយការណ៍ដដែល៕

ក្រុមហ៊ុនអាមេរិក Havenly Brands ពន្លឿនការបញ្ជាទិញគ្រឿងសង្ហារិមពីកម្ពុជា និងវៀតណាម

0

ដោយ: គង់ លាងហួរ
អន្តរជាតិ: បណ្តាក្រុមហ៊ុនអាមេរិកជាច្រើនបានសម្រុកធ្វើការបញ្ជាទិញទំនិញពីបរទេសដើម្បីពន្លឿនការនាំចូល បន្ទាប់ពីប្រធានាធិបតីអាមេរិកលោក ដូណាល់ ត្រាំ បានសម្រេចពន្យារពេលចំនួន៩០ថ្ងៃលើការដំឡើងពន្ធខ្ពស់ចំពោះទំនិញនាំចូលមកពីជុំវិញពិភពលោក លើកលែងតែទំនិញមកពីប្រទេសចិន។

លោកស្រី Lee Mayer នាយិកាប្រតិបត្តិ និងជាស្ថាបនិកក្រុមហ៊ុនរចនាតុបតែងគ្រឿងសង្ហារិមនៅក្នុងផ្ទះ Havenly Brands ដែលមានមូលដ្ឋាននៅទីក្រុង Denver បានអះអាងថា “ក្រុមហ៊ុនរបស់លោកស្រីកំពុងបញ្ជាទិញគ្រឿងសង្ហារិមពីរោងចក្រនៅប្រទេសកម្ពុជា និងប្រទេសវៀតណាម”។

នាពេលបច្ចុប្បន្ន ក្រុមហ៊ុនអាមេរិក Havenly Brands បាននាំចូលគ្រឿងសង្ហារិមកាន់តែច្រើនមកពីប្រទេសវៀតណាម និងកម្ពុជា ខណៈក្រុមហ៊ុននេះកំពុងកាត់បន្ថយការពឹងផ្អែកលើការនាំចូលគ្រឿងសង្ហារិមមកពីប្រទេសចិន។

ជាមួយគ្នានេះ ក្រុមហ៊ុន Amazon ត្រូវបានគេរាយការណ៍ថា បានលុបចោលការបញ្ជាទិញផលិតផលមួយចំនួនមកពីប្រទេសចិន។ បណ្តាក្រុមហ៊ុនលក់រាយ ដូចជាក្រុមហ៊ុន Walmart និងក្រុមហ៊ុន Target បានព្យាករណ៍ថា ការបញ្ជាទិញទំនិញរបស់ពួកគេនឹងធ្លាក់ចុះយ៉ាងគំហុកនៅក្នុងឆមាសទី២ ឆ្នាំ២០២៥។

លោកស្រី Lee Mayer បានលើកឡើងបន្តទៀតថា “នេះជាស្ថានភាពដ៏លំបាកមួយនៅក្នុងការធ្វើប្រតិបត្តិការ ពីព្រោះយើងមិនអាចដឹងច្បាស់អំពីអ្វី ដែលនឹងកើតឡើង ឬមិនកើតឡើងនាពេលអនាគតនោះទេ”។

បណ្តាក្រុមហ៊ុនលក់រាយដូចជា ក្រុមហ៊ុន Nike និងក្រុមហ៊ុន Best Buy អាចប្រឈមមុខនឹងផលវិបាកខ្លាំងជាងគេពីសង្រ្គាមពាណិជ្ជកម្មរបស់លោក ត្រាំ ដោយសារក្រុមហ៊ុនទាំងនេះពឹងផ្អែកលើមជ្ឈមណ្ឌលផលិតកម្មសំខាន់ៗរួមមានប្រទេសចិន វៀតណាម និងឥណ្ឌូនេស៊ី។

លោកស្រីបានបន្ថែមថា “ប្រសិនបើការអនុវត្តន៍ពន្ធត្រូវបានពន្យារពេលត្រឹមតែ៩០ថ្ងៃ នោះយើងត្រូវពន្លឿនការបញ្ជាទិញទំនិញចូលមកកាន់សហរដ្ឋអាមេរិក មុនពេលការពន្យារពេលផុតកាលកំណត់។ ប៉ុន្តែ ការនាំចូលរបស់យើងមកពីចិននៅតែបន្តផ្អាកទាំងស្រុង”៕ប្រភព: US News & World Report៕

គម្រោងសាងសង់ទីក្រុងអនាគតធំៗរបស់អារ៉ាប៊ីសាអូឌីតប្រឈមសម្ពាធហិរញ្ញវត្ថុ ខណៈតម្លៃប្រេងឆៅធ្លាក់ចុះ

0

ដោយ: គង់ លាងហួរ
អន្តរជាតិ: យោងតាមកាសែត Financial Times បានចុះផ្សាយថា ការធ្លាក់ចុះនៃតម្លៃប្រេងឆៅកំពុងដាក់បន្ថែមសម្ពាធផ្នែកហិរញ្ញវត្ថុទៅលើគម្រោងវិនិយោគធំៗរបស់រដ្ឋាភិបាលអារ៉ាប៊ីសាអូឌីតក្រោមចក្ខុវិស័យប្រកបដោយមហិច្ឆិតាឆ្នាំ២០៣០។

ក្រុមសេដ្ឋវិទូបានអះអាងឱ្យដឹងថា រាជរដ្ឋាភិបាលអារ៉ាប៊ីសាអូឌីតអាចនឹងត្រូវរៀបចំផែនការថ្មីដើម្បីកាត់បន្ថយការចំណាយថវិកាជាតិប្រចាំឆ្នាំ២០២៥ ឱ្យបានលើសពីអត្រា៣,៧ភាគរយ ដែលកំណត់ក្រោមផែនការដំបូង ព្រោះតម្លៃប្រេងឆៅបានបន្តធ្លាក់ចុះមកនៅត្រឹមជាង៦០ដុល្លារប៉ុណ្ណោះក្នុងមួយបារ៉ែល។

តម្លៃនេះទាបជាងកម្រិត ដែលអាចជួយរក្សាតុល្យភាពថវិកាជាតិរបស់ប្រទេសអារ៉ាប៊ីសាអូឌីត ដែលជាប្រទេសពឹងផ្អែកខ្លាំងលើប្រាក់ចំណូលពីការលក់ប្រេងឆៅទៅកាន់ទីផ្សារពិភពលោក។

ផែនការកាត់បន្ថយការចំណាយថវិកាជាតិកើតឡើង ស្របពេលដែលអារ៉ាប៊ីសាអូឌីតបន្តជម្នះសាងសង់គម្រោងតម្លៃរាប់រយពាន់លានដុល្លារ រួមមានដូចជាគម្រោងទីក្រុង Neom ដែលជាផ្នែកមួយនៃផែនការរបស់អារ៉ាប៊ីសាអូឌីត ក្នុងការធ្វើពិពិធកម្មសេដ្ឋកិច្ច។

លោកស្រី Monica Malik ប្រធានសេដ្ឋវិទូរបស់ធនាគារ Abu Dhabi Commercial Bank បានលើកឡើងថា “ការបន្តធ្លាក់ចុះយ៉ាងគំហុក និងជានិរន្តរនៃតម្លៃប្រេងឆៅអាចនឹងតម្រូវឱ្យរដ្ឋាភិបាលសម្រេចកាត់បន្ថយការចំណាយកាន់តែធំ ដើម្បីកាត់បន្ថយឱនភាព និងទប់ស្កាត់បំណុលរបស់រដ្ឋាភិបាលមិនឱ្យប៉ោង”។

គម្រោងខ្នាតយក្សមួយចំនួនក្រោមផែនការចក្ខុវិស័យឆ្នាំ២០៣០ ដែលបានកំណត់ដាក់ចេញក្នុងឆ្នាំ២០១៦ ដូចជារមណីយដ្ឋាននៅសមុទ្រក្រហម បានចាប់ផ្តើមដាក់ឱ្យដំណើរការហើយ។

ប៉ុន្តែ គម្រោងធំៗជាច្រើនទៀត ដែលកំពុងស្ថិតក្រោមការដ្ឋានសាងសង់ ដូចជាគម្រោងអភិវឌ្ឍន៍ទីក្រុងវាលខ្សាច់នាពេលអនាគត Neom បានប្រឈមមុខនឹងការកាត់បន្ថយទំហំ និងការពន្យារពេលសាងសង់។

គម្រោងទាំងនេះទទួលបានទុនវិនិយោគពីមូលនិធិវិនិយោគសាធារណៈ(PIF)របស់ប្រទេសអារ៉ាប៊ីសាអូឌីត ដែលពឹងផ្អែកលើប្រភពប្រាក់ចំណូលពីការលក់ប្រេងឆៅដើម្បីចាក់បញ្ចូលទៅក្នុងមូលនិធិ៕ប្រភព: Financial Times៕

Here’s how China could crush the U.S. housing market

0

Mortgage rates are rising sharply this week, as investors sell U.S. Treasury bonds at a swift pace. Mortgage rates follow loosely the yield on the 10-year Treasury. Some speculate foreign countries could be dumping U.S. Treasurys in retaliation against President Donald Trump’s sweeping tariff plan.

But there is another, even bigger, concern for both mortgage investors and for the all-important spring housing market. What if China, one of the largest holders of agency mortgage-backed securities, or MBS, decides to sell those holdings as well in response to the U.S. trade policies. And what if other countries follow?

“If China wanted to hit us hard, they could unload Treasuries. Is that a threat? Sure it is,” said Guy Cecala, executive chair of Inside Mortgage Finance. “They’re going to look at pushing levers and trying to put pressure. … Targeting housing and mortgage rates is a powerful driver of something like that.”

At the end of January, foreign countries owned $1.32 trillion worth of U.S. MBS, or 15% of the total outstanding, according to Ginnie Mae. The top owners: Japan, China, Taiwan and Canada.

China had already begun selling off some U.S. MBS last year, with the country’s holdings at the end of September down 8.7% year over year and down 20% by the start of December. Japan, which had shown gains in its MBS in September, showed a drop at the start of December.

“The concern, I think, is on folks’ radar screens, and being raised as a potential source of friction,” said Eric Hagen, mortgage and specialty finance analyst at BTIG. “Most investors are concerned that mortgage spreads would widen in response to either China, Japan or Canada coming in with a retaliatory objective.”

Widening spreads mean higher mortgage rates. The spring housing market is already floundering amid high home prices and weakening consumer confidence.

Given the recent stock market rout, potential buyers are increasingly worried about their savings and their jobs. A recent survey from Redfin found that 1 in 5 potential buyers sell stock to finance their down payments.

Source: CNBC

តម្លៃដីធ្លីនៅក្នុងតំបន់សេដ្ឋកិច្ចពិសេសរបស់ម៉ាឡេសុីហក់ឡើងថ្លៃយ៉ាងគំហុក

0

ដោយ: គង់ លាងហួរ
អន្តរជាតិ: តម្លៃដីធ្លីនៅក្នុងតំបន់សេដ្ឋកិច្ចពិសេសរវាងប្រទេសម៉ាឡេសុី និងប្រទេសសិង្ហបុរី (JS-SEZ)បានហក់ឡើងថ្លៃ ដែលអាចនាំឱ្យតម្លៃលំនៅដ្ឋានមានការកើនឡើងផងដែរ។នេះបើយោងតាមធនាគារ Standard Chartered។

តំបន់សេដ្ឋកិច្ចពិសេសនៅក្នុងរដ្ឋ Johor នេះកំពុងទាក់ទាញការវិនិយោគពីបណ្តាក្រុមហ៊ុនម៉ាឡេស៊ី និងសិង្ហបុរី ដែលនាំឱ្យមានលំហូរជនបរទេស និងពលករឆ្លងដែន។ ការណ៍នេះនឹងបង្កើនតម្រូវការលំនៅដ្ឋាន ជាពិសេសនៅជិតតំបន់សេដ្ឋកិច្ចពិសេស។

ម្យ៉ាងទៀត ដោយសារតំបន់នេះមានទីតាំងនៅជិតប្រទេសសិង្ហបុរី នោះពលរដ្ឋសិង្ហបុរីនឹងមានការចាប់អារម្មណ៍ក្នុងការស្វែងរកទិញលំនៅដ្ឋាននៅប្រទេសម៉ាឡេសុី ដែលមានតម្លៃសមរម្យជាងបើធៀបនឹងតម្លៃលំនៅដ្ឋាននៅសិង្ហបុរី។

តម្លៃដីធ្លីស្ថិតនៅជិតគម្រោងតភ្ជាប់ផ្លូវរថភ្លើងពីស្ថានីយ Bukit Chagar ក្នុងទីក្រុង Johor Bahru ទៅកាន់ស្ថានីយ Woodlands North របស់សិង្ហបុរី ធ្លាប់មានតម្លៃត្រឹមតែ៦០០រីងហ្គីតទៅ៩០០រីងហ្គីត ក្នុងហ្វីតម៉ែត្រការ៉េ(ប្រហែល១.៤៣៦ដុល្លារទៅ២.១៥៤ដុល្លារក្នុងមួយម៉ែត្រការ៉េ)។

ប៉ុន្តែ នាពេលថ្មីៗនេះ តម្លៃដីធ្លីស្ថិតនៅជិតគម្រោងខាងលើបានហក់ឡើងដល់ចន្លោះពី១.២០០រីងហ្គីតទៅ២.០០០រីងហ្គីត ក្នុងមួយហ្វីតការ៉េ(ប្រហែល២.៨៧៣ដុល្លារទៅ៤.៧៨៨ដុល្លារក្នុងមួយម៉ែត្រការ៉េ)។

ជាមួយគ្នានេះ ក្រុមអ្នកវិភាគបានព្យាករណ៍ថា វិស័យអចលនទ្រព្យរបស់ប្រទេសម៉ាឡេស៊ីនឹងរក្សាភាពធន់នៅឆ្នាំនេះ បើទោះបីជាមានភាពមិនប្រាកដប្រជានៃសេដ្ឋកិច្ចសកលយ៉ាងណាក្តី។សុទិដ្ឋិនិយមនេះត្រូវបានជំរុញដោយផ្នែកឧស្សាហកម្ម និងលំនៅដ្ឋាន។

ការប្រកាសគោលនយោបាយពន្ធគយសងសឹកគ្នាទៅវិញទៅមករបស់សហរដ្ឋអាមេរិក និងផលប៉ះពាល់ដែលអាចកើតមានចំពោះសេដ្ឋកិច្ច និងពាណិជ្ជកម្មសកលបានជះផលប៉ះពាល់ដល់ទំនុកចិត្តទីផ្សារ។ ទោះជាយ៉ាងនេះក្តី វិស័យអចលនទ្រព្យរបស់ម៉ាឡេសុីពឹងផ្អែកខ្លាំងលើតម្រូវការរបស់អ្នកទិញក្នុងស្រុក។

ស្ថាប័នស្រាវជ្រាវ RHB Research បានគូសបញ្ជាក់ថា បណ្តាក្រុមហ៊ុនអភិវឌ្ឍន៍អចលនទ្រព្យធំៗជាច្រើនបានប្រកាសដាក់ចេញនូវគម្រោងលំនៅដ្ឋាន និងចុះកិច្ចព្រមព្រៀងទាក់ទងនឹងមជ្ឈមណ្ឌលទិន្នន័យនៅក្នុងត្រីមាសទី១ ឆ្នាំ២០២៥៕ប្រភព: The Star & Standard Chatered៕

Domestic property sector still on solid ground

0

Malaysia’s property sector is expected to stay resilient this year despite lingering global economic uncertainties, analysts say.

The optimism is underpinned by the industrial and residential segments, which are expected to drive growth.

While global factors such as the United States’ reciprocal tariff policies and their impact on trade and sentiment has dampened the broader market’s mood, RHB Research said the domestic-centric nature of Malaysia’s property market should cushion the blow.

“US reciprocal tariff policies and the potential impact to its economy and global trade have negatively hit market sentiment, causing forecasts of weaker gross domestic product (GDP) growth in Malaysia. Yet, our property sector is very much domestic-driven,” the research house said in its latest sector update.

RHB Research highlighted that several prominent developers had rolled out major development and data centre-related deals in the first quarter, which could bolster investor confidence.

Among these were Sunway Bhd’s development project near the Bukit Chagar Rapid Transit System (RTS) Station and long-term lease with DB Schenker, UEM Sunrise Bhd’s collaboration with Singapore-based GuocoLand to develop an industrial park in Gerbang Nusajaya in Johor, and Eco World Development Group Bhd’s land disposal to a foreign solar part manufacturer in Senai, Johor, along with a land sale and lease in Selangor for a data centre.

“These very much indicate that Malaysia is still well positioned to capture data centre investments while Iskandar Malaysia continues to be a destination for foreign direct investments under the Johor-Singapore Special Economic Zone,” RHB Research said.

Source: The Star

តម្លៃហាងឆេងមាសបានបន្តស្ទុះងើបឡើងថ្លៃនៅថ្ងៃសុក្រនេះ

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានបន្តស្ទុះងើបឡើងថ្លៃដល់ជាង៣.២០០ដុល្លារអាមេរិកក្នុងមួយអោនក្នុងការជួញដូរនាព្រឹកថ្ងៃសុក្រនេះ ដោយសារការដាំក្បាលចុះនៃប្រាក់ដុល្លារអាមេរិក និងភាពតានតឹងពាណិជ្ជកម្មចិន-អាមេរិកបានធ្វើឱ្យក្រុមអ្នកវិនិយោគសម្រុកទិញមាស ដើម្បីបង្ការហានិភ័យ។

តួយ៉ាង តម្លៃមាស Spot Gold បានកើនឡើង១,៣៨ភាគរយដល់៣២១៧,៦០ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានកើនឡើង១,៨៤ភាគរយដល់៣២៣៦,១០ដុល្លារក្នុងមួយអោនគិតត្រឹមម៉ោង១០:៥៤នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៦០,៩ភាគរយ ដែលធនាគារកណ្តាលអាមេរិក (Fed) នឹងអាចទម្លាក់អត្រាការប្រាក់ចំនួន០,២៥ភាគរយក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានដាំក្បាលចុះមកនៅត្រឹម៩៩,៨៧ពិន្ទុនាព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម១០០,៨៧ពិន្ទុកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានកើនឡើង១,៥ភាគរយដល់៣១,២២ដុល្លារក្នុងមួយអោន ខណៈតម្លៃផ្លាទីនបានងើបឡើង០,១៦ភាគរយដល់៩៣៤,៨ដុល្លារក្នុងមួយអោន ហើយតម្លៃ palladium បានងើបឡើង០,២៩ភាគរយដល់៩០២,៥ដុល្លារក្នុងមួយអោនគិតត្រឹមម៉ោង១០:៥៦នាទីព្រឹក៕

រដ្ឋមន្រ្តីក្រសួងដែនដីស្នើឲ្យមន្រ្តីពាក់ព័ន្ឋសម្រេចបញ្ចប់ការចុះបញ្ជីរដីធ្លី

0

ដោយៈ គង់ សូរិយា

    បាត់ដំបងៈ ឧបនាយករដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានស្នើឱ្យក្រសួងស្ថាប័នពាក់ព័ន្ធ ក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង និងរដ្ឋបាលខេត្តបាត់ដំបង ប្រជុំពិនិត្យសម្រេចលើបញ្ហាដីធ្លី ដែលនៅសេសសល់។

ដីធ្លីដែលនៅសេសសល់​មិនទាន់ចុះបញ្ជីរក្នុងខេត្តេរួមមាន

ទី១. វិវាទដីធ្លីក្នុងទីតាំងដីសម្បទានសង្គមកិច្ច ចំនួន១៣៧៨គ្រួសារ លើផ្ទៃដីទំហំ៩១១ហិកតា មានទីតាំងស្ថិតនៅឃុំបឹងប្រាំ ស្រុកបវេល ខេត្តបាត់ដំបង រួមមាន៖ ក. អតីតកងកម្លាំងប្រដាប់អាវុធនិងគ្រួសារ ទំហំ ១៥៩ហិកតា។ ខ. ប្រជាពលរដ្ឋខ្វះខាត ទំហំ៧៥២ហិកតា។

ទី២. វិវាទដីធ្លីរវាងប្រជាពលរដ្ឋ២៨៨គ្រួសារ ជាមួយឈ្មោះ សង ថន (ស្លាប់), ឈ្មោះ ទន់ ប៊ុនធឿន, ឈ្មោះ ប៉ែន កិ, ឈ្មោះ យាយ វឿន និងឈ្មោះ លឹម និវឌ្ឍន៍ (ស្លាប់) លើដីទំហំ ៦១២ ហិកតា ស្ថិតក្នុងភូមិសាស្ត្រឃុំបឹងប្រាំ ស្រុកបវេល ខេត្តបាត់ដំបង។

ទី៣. វិវាទដីធ្លីអតីតដីគម្រោងសួនច្បារ “ព្រែកព្រះស្តេច” ស្ថិតនៅភូមិចំការឫស្សី ភូមិ១៣មករា និងភូមិអូរខ្ជាយ សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

ទី៤. វិវាទរវាងឈ្មោះ ចាន់ ហឿ ជាមួយឈ្មោះ លឹម ទាឡេង, ហែន ហឿន និងប្រជាពលរដ្ឋដណ្តើមសិទ្ធិលើដីទំហំ១៥៩ ហិកតា កើតឡើងក្នុងឆ្នាំ២០០៧ ស្ថិតនៅឃុំព្រះផុស ស្រុកគាស់ក្រឡ ខេត្តបាត់ដំបង។

ទី៥. វិវាទដីធ្លីទំហំ២៧៨ហិកតា រវាងក្រុមគ្រួសារកងទ័ព តំណា​ងដោយឈ្មោះ សាន វាសនា, សំ មករា, និងឈ្មោះ មាឃ សារូ ជាមួយប្រជាពលរដ្ឋ ស្ថិតនៅឃុំដូនបា ស្រុកគាស់ក្រឡ។

ថ្នាក់ដឹកនៃរដ្ឋាភិបាលបានបង្ហាញសុទិដ្ឋិនិយមថា “យើងរំពឹងថា ខេត្តបាត់ដំបងនឹងបញ្ចប់ការចុះបញ្ជីដីធ្លី និងវិវាទជាស្ថាពរនាពេលឆាប់ៗខាងមុខនេះ”៕

រយៈពេល៣៥ឆ្នាំចិនវិនិយោគនៅកម្ពុជាក្នុងទំហំទឹកប្រាក់រហូតដល់ប្រមាណ៣៦ពាន់លានដុល្លារអាមេរិក

0

ដោយៈ និស្ស័យ

    ភ្នំពេញៈ មន្រ្តីជាន់ខ្ពស់នៃក្រុមប្រឹក្សាអភិវឌ្ឍន៍កម្ពុជាបានថ្លែងថា គិតចាប់ពីឆ្នាំ១៩៩០ ដល់ឆ្នាំ២០២៥ ចិនបានវិនិយោគនៅកម្ពុជាក្នុងទំហំទឹកប្រាក់ រហូតដល់ប្រមាណ៣៦ពាន់លានដុល្លារអាមេរិក។

    លោកហឿន សំនៀងអគ្គលេខាធិការរងនៃក្រុមប្រឹក្សាអភិវឌ្ឍន៍័កម្ពុជាបានថ្កែងបែបនេះ ក្នុងវេទិកាស្តីពី “មិត្តភាពដែកថែបកម្ពុជា-ចិន ក្នុងយុគសម័យថ្មី៖ កិច្ចសហប្រតិបត្តិការឈ្នះ-ឈ្នះនិងវិបុលភាពរួម”កាលពីថ្ងៃទី១០ មេសាកន្លងមកនេះ។

វេទិកាខាងលើនេះ រៀបចំឡើងក្នុងគោលបំណងរួមចំណែកលើកកម្ពស់ការយល់ដឹង អំពីការវិវត្តនិងវឌ្ឍនភាពនៃទំនាក់ទំនង និងកិច្ចសហប្រតិបត្តិការកម្ពុជា-ចិន សមិទ្ធផល បញ្ហាប្រឈម និងកាលានុវត្តភាពនៃកិច្ចសហប្រតិបត្តិការ និងការតភ្ជាប់ខាងផ្នែកនយោបាយ សេដ្ឋកិច្ច និងសង្គម-វប្បធម៌ និងទស្សនវិស័យទៅអនាគត នៃទំនាក់ទំនងរវាងប្រទេសទាំងពីរ។

លោកហឿន សំនៀង បានបញ្ជាក់ថា ក្រោមកិច្ចសហការទ្វេភាគីរវាងកម្ពុជា-ចិន បានជំរុញដល់ការរីកចំរើនយ៉ាងខ្លាំង លើការវិនិយោគឯកជន ដែលនាំមកនូវផ្លែផ្កាជាផលប្រយោជន៍ យ៉ាងច្រើនសន្លឹកសន្ធាប់។ ក្នុងនោះ ទុនវិនិយោគរបស់ចិននៅកម្ពុជា បើគិតចាប់ពីទសវត្សឆ្នាំ១៩៩០ មកទល់ដើមឆ្នាំ២០២៥នេះ មានទំហំប្រមាណ៣៦ពាន់លានដុល្លារអាមេរិក។

លោកបានបន្តឲ្យដឹងទៀតថា ក្នុងរយ:ពេល៥ឆ្នាំចុងក្រោយ (២០២១-២០២៥) ប្រភពទុនវិនិយោគចិន បានឈរនៅលំដាប់លេខ១ ឬ២ សម្រាប់ការវិនិយោគឯកជននៅកម្ពុជា។ ជាក់ស្តែងនៅក្នុងឆ្នាំ២០២៤ កន្លងទៅនេះ ការវិនិយោគមកពីប្រទេសចិន ស្ថិតនៅលំដាប់លេខរៀងទី១ ដោយបានរួមចំណែ​កជាង៣.៤២៣លានដុល្លារអាមេរិក ស្មើនឹង៤៩.៨២% នៃទុនវិនិយោគសរុបនៅកម្ពុជា។

ចំពោះកិច្ចសហប្រតិបត្តិការទ្វេរភាគី លើកិច្ចការអភិវឌ្ឍចិនក៏បានផ្តល់នូវផ្លែផ្កាដ៏មហាសាលដល់កម្ពុជា ដែលចាប់ពីទសវត្សរ៍ឆ្នាំ១៩៩០ ដល់ដើមឆ្នាំ២០២៥នេះ ចិនបានផ្តល់ជំនួយអភិវឌ្ឍន៍ផ្លូវការមកកម្ពុជាសរុបប្រមាណ៦ពាន់ លានដុល្លារអាមេរិកផងដែរ សម្រាប់ការអភិវឌ្ឍលើវិស័យសំខាន់ៗ ដូចជា ហេដ្ឋារចនាសម្ព័ន្ធ ថាមពលនិងអគ្គិសនី អប់រំ សុខាភិបាល កសិកម្ម និងប្រព័ន្ធធារាសាស្ត្រ ជាដើម។ នេះបើយោងតាមប្រព័ន្ធទិន្នន័យ ( ODA Database) របស់គណៈកម្មាធិការសហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា៕

តើផ្លូវជាតិលេខ២១តភ្ជាប់ពីតំបន់ណាទៅតំបន់ណា និងមានសារៈសំខាន់ដូចម្តេចចំពោះសេដ្ឋកិច្ច សង្គម?

0

ដោយៈ គង់ សូរិយា

    កណ្តាលៈ ផ្លូវជាតិលេខ២១ ជាសរសៃឈាមសេដ្ឋកិច្ចដ៏សំខាន់រវាងកម្ពុជា-វៀតណាម ពិសេសលើការដឹកជញ្ជូនទំនិញផ្សេងៗឆ្លងកាត់ព្រំដែនទៅវិញ ទៅមករវាងប្រទេសកម្ពុជា វៀតណាម។

យោងតាមការបង្ហោះរបស់ផេកក្រសួងសាធារណៈការ និងដឹកជញ្ជូនបានឲ្យដឹងថា ផ្លូវជាតិលេខ២១ ជាខ្សែផ្លូវយុទ្ធសាស្រ្តតភ្ជាប់រាជធានីភ្នំពេញ ជាមួយបណ្តាញផ្លូវគមនាគមន៍មួយចំនួនដូចជា ផ្លូវជាតិលេខ២ (ត្រង់រង្វង់មូលក្រុងតាខ្មៅ) ផ្លូវក្រវាត់ក្រុងទី២ ផ្លូវក្រវាត់ក្រុងទី៣ ផ្លូវជាតិលេខ២១A និងផ្លូវជាតិលេខ ២១B ដោយឆ្លងកាត់ក្រុង-ស្រុកចំនួន៣ រួមមានក្រុងតាខ្មៅ ស្រុកស្អាង និងស្រុកកោះធំ ឆ្ពោះទៅច្រកព្រំដែនកម្ពុជា-វៀតណាម (ជ្រៃធំ-ឡុងប៊ិញ)។

ផ្លូវជាតិលេខ២១ ក្រាលបេតុងផ្លូវកៅស៊ូប្រភេទAC មានប្រវែង ៦៣,៦គីឡូម៉ែត្រ ពីរង្វង់មូលក្រុងតាខ្មៅ ឆ្ពោះទៅស្ពានជ្រៃធំ (ព្រំប្រទល់កម្ពុជា-វៀតណាម) ត្រូវបានសម្ពោធបើកឱ្យប្រើប្រាស់ជាផ្លូវការ នាថ្ងៃទី២៣មីនា ឆ្នាំ២០២២។

ខ្សែផ្លូវនេះបាន និងកំពុងដើរតួនាទីយ៉ាងសំខាន់ ក្នុងការជួយសម្រួលការដឹកជញ្ជូនគ្រប់ប្រភេទ ជាពិសេសទំនិញ និងកសិផលសម្រាប់ការដោះដូរពាណិជ្ជកម្ម រវាងកម្ពុជា-វៀត ណាម ព្រមទាំងបានជំរុញ និងប្រែក្លាយតំបន់នៅតាមព្រំដែន ឱ្យក្លាយជាតំបន់អភិវឌ្ឍន៍ និងរីកចម្រើន៕