ដោយ ហ្សូលី
ប៉េកាំងៈ ជំងឺរាតត្បាតរ៉ាំរ៉ៃ (COVID-១៩) បានរំខានដល់ឧស្សាហកម្មជាច្រើនទូទាំងពិភពលោក។ ក្នុងចំណោមវិស័យដែលរងឥទ្ធិពលអាក្រក់ជាងគេ បន្ទាប់ពីសុខាភិបាលគឺវិស័យអចលនទ្រព្យ។
ចាប់តាំងពីបានឃើញសញ្ញា នៃការជាសះស្បើយឡើងវិញ នៅទូទាំងតំបន់អាស៊ីប៉ាស៊ីហ្វិក ជាពិសេសនៅក្នុងប្រទេសចិន ដែលវីរុសត្រូវបានរកឃើញដំបូងនោះ ឃើញថាដំណោះស្រាយរបស់ប្រទេសចិន គឺការបើកដំណើរការសេដ្ឋកិច្ចឡើងវិញ។
ការជួលបន្តនិងការផ្លាស់ប្តូរទីលំនៅនៅទីក្រុងធំៗ
លោក James Macdonald ប្រធានផ្នែកស្រាវជ្រាវនៅក្រុមហ៊ុនអចលនទ្រព្យអន្តរជាតិ Savills ប្រចាំប្រទេសចិនបានចែករំលែកថា អត្រានៃការកាន់កាប់កម្មសិទ្ធអចលនទ្រព្យ បានកើនឡើងច្រើនជាងឬតិចជាង០.៥% នៅក្នុងទីក្រុងស៊ាងហៃ អ៊ូហាននិងណានជីង ដោយសារតែការផ្គត់ផ្គង់ថ្មីបានមកដល់ក្នុងខែមករា មុនពេលការរីករាលដាលនៃជំងឺរាតត្បាតកើនឡើង។
ម្យ៉ាងវិញទៀត ការជួលនៅតាមទីផ្សារភាគច្រើន បានធ្លាក់ចុះរួមទាំងទីក្រុងសិនជិននិងក្វាងចូវចំនួន ១,៥ ភាគរយ។ តួលេខបានបង្ហាញថា អ្នកជួលភាគច្រើនបានជ្រើសរើសការជួល បន្តជំនួសការផ្លាស់ប្តូរទីទៅកន្លែងថ្មីចំពេលមានវិបត្តិសេដ្ឋកិច្ច។
ប្រតិបត្តិការលំនៅដ្ឋានធ្វើឱ្យមានការងើបឡើងវិញ
អ្វីដែលមិនគួរឱ្យភ្ញាក់ផ្អើលនោះ គឺការរឹតត្បិតការធ្វើដំណើរការិយាល័យលក់ ត្រូវបិទ និងការបិទទ្វារប្រទេសនៅទូទាំងពិភពលោក បាននាំឱ្យមានការវិនិយោគក្នុងស្រុកនិងបរទេសតិចតួចបំផុតនៅក្នុងខែកុម្ភៈ។ ត្រីមាសទី១ ឆ្នាំ២០២០ បានបញ្ចប់ជាមួយនឹងការធ្លាក់ចុះ ៤១,២% ។
បរិមាណប្រតិបតិ្តការគ្រប់គ្រងបានស្ទុះងើបឡើងវិញ នៅពាក់កណ្តាលខែឧសភាហើយបរិមាណនៃការលក់បានកើនឡើង ហួសពីមធ្យមភាគប្រចាំសប្តាហ៍ គិតត្រឹមដើមខែមិថុនា។
អាជីវកម្មពាណិជ្ជកម្មប្រែទៅជាបច្ចេកវិទ្យា
នាយកប្រតិបត្តិរបស់ TechNode វេជ្ជបណ្ឌិត ហ្គង់លូបាននិយាយថា ពួកគេបានគេមើលឃើញថា មានការកើនឡើងនៃការប្រើប្រាស់បច្ចេកវិទ្យា របស់សាធារណៈជនអស់ រយៈពេលពីរបីឆ្នាំហើយ។
លោកបានបញ្ជាក់ថា“ ជំងឺរាតត្បាតមិនបានបង្កើតអ្វីដែលថ្មី នៅក្នុងបច្ចេកវិទ្យាទេ ប៉ុន្តែវាគ្រាន់តែជំរុញអ្វីៗគ្រប់យ៉ាងឱ្យលឿនជាងមុន” ។
លោកបានចែករំលែកឧទាហរណ៍មួយចំនួន អំពីរបៀបដែលអាជីវកម្មនៅទូទាំងប្រទេសចិន កំពុងប្រើប្រាស់មនុស្សយន្ត ក្នុងប្រតិបត្តិការប្រចាំថ្ងៃដូចជា រ៉ូបូតអាចបម្រើជាអ្នករត់តុនៅខាងក្នុងភោជនីយដ្ឋានមួយ អាចដឹកជញ្ជូនទំនិញដល់ភ្ញៀវសណ្ឋាគារ។
ទន្ទឹមនឹងនេះដែរអ្នកផ្សេងទៀត បានធ្វើពាណិជ្ជកម្មតាមប្រព័ន្ធអេឡិចត្រូនិច ដើម្បីឈោងទៅរកអតិថិជនសក្តានុពល។ អ្នកខ្លះថែមទាំងបានចាប់ផ្តើម ប្រើប្រាស់ប្រព័ន្ធផ្សព្វផ្សាយសង្គមដូចជា វេទិកាចែករំលែកវីដេអូខ្លីតាមទំរង់ TikTok ។
យោងតាមព័ត៌មានក្នុងស្រុកបានឲ្យដឹងថា ក្រុមហ៊ុនអភិវឌ្ឍន៍ជនជាតិចិនដ៏ធំមួយលក់បានចំនួន៤៧.៥៤០ យូនីតដែលមានតម្លៃស្មើនឹង៥០០កោដិយ៉េន ក្នុងកំឡុងពេលបិទទ្វារប្រទេស។
មូលហេតុសំខាន់ គឺតម្រូវការកើនឡើង ដែលប្រជាជនមិនអាចទិញអចលនទ្រព្យបានក្នុងរយៈពេលពីរខែដំបូងនៃឆ្នាំនេះ ដូច្នេះនៅពេលដែលប្រទេសនេះ បានបើកដំណើរការឡើងវិញនៅខែមីនា ប្រជាជនជាច្រើនបានប្រញាប់ប្រញាល់ទិញអចលនទ្រព្យ។
ការបើកមើលគេហទំព័រអចលនទ្រព្យ នៅអាស៊ីអាគ្នេយ៍កើនឡើង៩៣% ទំព័រទ ស្សនាវដ្តីអចលនទ្រព្យនៅក្រៅប្រទេស បានកើនឡើង៩២% និងការសាកសួរអចលនទ្រព្យនៅក្រៅប្រទេសកើន៧១% ៕
