ដោយៈ ស៊ីវ ម៉េង
ភ្នំពេញៈ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា លោក អ្នកឧកញ៉ាលី ហួរបានបង្ហើបពីស្ថានភាពទីផ្សារអចលនទ្រព្យនាពេលបច្ចុប្បន្ន និងទីតាំងគួរវិនិយោគ។
លោក អ្នកឧកញ៉ាលី ហួរបានមានប្រសាសន៍ឲ្យដឹងតាមទូរស័ព្ទកាលពីរសៀលថ្ងៃទី២២ តុលានេះថា ស្ថានភាពទីផ្សារអចលនទ្រព្យនាពេលនេះ ទាំងដីធ្លី និងលំនៅដ្ឋានមានការកំរើកឡើងវិញបណ្តើរៗ ដែលសកម្មភាពនេះមានសភាពត្រឹក ត្រឹក មិនជាប់គាំងនោះទេ។
លោកបន្តថា “ស្ថានភាពមានការទិញ លក់មួយៗឡើងវិញនៅចុងឆ្នាំនេះ ប៉ុន្តែមិនមានសញ្ញាប្រសើរខ្លាំង ដូចមុនវិបត្តិនោះទេ”។
នៅពេលសួរថា តើក្នុងស្ថានភាពបែបនេះអ្នកវិនិយោគគួរទិញ អចលនទ្រព្យនៅទីណា? លោកអ្នកឧកញ៉ាលី ហួរបានមានប្រសាសន៍ឲ្យដឹងថា នៅក្នុងអំឡុងស្ថានភាពបែបនេះ អ្នកមានលុយគួរទិញ លក់នៅក្នុងទីក្រុង ដែលមានសកម្មភាពសេដ្ឋកិច្ចប្រសើរជាង ធៀបនឹងតំបន់ឆ្ងាយៗនៅតាមបណ្តាខេត្តនានា។
លោកពន្យល់ថា “នៅទីក្រុងមានសកម្មភាពសេដ្ឋកិច្ចល្អ ហេតុនេះអ្នកវិនិយោគ គួរតែជ្រើសរើសទិញ ឬវិនិយោគនៅក្នុងតំបន់ទីក្រុងប្រសើរជាង”៕
