ដោយ: គង់ លាងហួរ
អន្តរជាតិ: គិតត្រឹមពាក់កណ្តាលឆ្នាំ២០២៥នេះ តម្លៃជួលការិយាល័យកម្រិត A នៅតាមបណ្តាទីក្រុងធំៗទូទាំងតំបន់អាសុីប៉ាសុីហ្វិកមានការប្រែប្រួលខុសៗគ្នា អាស្រ័យតាមបរិបទទីផ្សារ ការផ្គត់ផ្គត់ និងតម្រូវការនៅក្នុងទីក្រុងនីមួយៗ។
ទី១: ទីក្រុងសេអ៊ូល
ការជួលការិយាល័យកម្រិត A នៅរដ្ឋធានីរបស់ប្រទេសកូរ៉េខាងត្បូងមានតម្លៃជាមធ្យមចំនួន៣៨.៧០៩វ៉ុន(ប្រមាណ២៨,៤៤ដុល្លារអាមេរិក)ក្នុងមួយម៉ែត្រការ៉េក្នុងមួយខែ។គិតត្រឹមត្រីមាសទី១ ឆ្នាំ២០២៥ អត្រាការិយាល័យទំនេរកម្រិត A ស្ថិតក្នុងរង្វង់ត្រឹមតែ២,៦ភាគរយ។
ទី២: ទីក្រុងហុងកុង
ការជួលការិយាល័យកម្រិត A នៅទីក្រុងហុងកុង ដែលជាតំបន់រដ្ឋបាលពិសេសរបស់ប្រទេសចិនមានតម្លៃជាមធ្យមចំនួន៤៣ដុល្លារហុងកុង(ប្រមាណ៥,៤៨ដុល្លារអាមេរិក)ក្នុងមួយហ្វីតការ៉េ ឬប្រមាណ៥៩ដុល្លារក្នុងមួយម៉ែត្រការ៉េក្នុងមួយខែ។
ទី៣: ទីក្រុងតូក្យូ
ការជួលការិយាល័យកម្រិត A នៅទីក្រុងតូក្យូ ដែលជារាជធានីរបស់ប្រទេសជប៉ុនមានតម្លៃជាមធ្យមចំនួន៣៣.៩៤៧យ៉េន(ប្រមាណ២៣៧,៣៤ដុល្លារអាមេរិក)ក្នុងមួយ Tsubo ឬប្រមាណ៧១,៨ដុល្លារក្នុងមួយម៉ែត្រការ៉េក្នុងមួយខែ។
ទី៤: ទីក្រុងសុីដនី
ការជួលការិយាល័យកម្រិត A នៅទីក្រុងសុីដនី ដែលជាទីក្រុងដ៏ធំមួយរបស់ប្រទេសអូស្ត្រាលីមានតម្លៃជាមធ្យមចំនួន១២៥,០៨ដុល្លារអូស្ត្រាលី(ប្រមាណ៨១,១៧ដុល្លារអាមេរិ
ក)ក្នុងមួយម៉ែត្រការ៉េក្នុងមួយខែ។
ទី៥: ទីក្រុងប៉េកាំង
គិតត្រឹមខែឧសភា ឆ្នាំ២០២៥ ការជួលការិយាល័យកម្រិត A ក្នុងទីក្រុងប៉េកាំងមានតម្លៃជាមធ្យមប្រហែល២៤៧យ័ន(ប្រហែល៣៤,២៩ដុល្លារ) ក្នុងមួយម៉ែត្រការ៉េក្នុងមួយខែ ដែលឆ្លុះបញ្ចាំងពីការធ្លាក់ចុះគួរឱ្យកត់សម្គាល់ធៀបនឹងឆ្នាំមុន។
ការធ្លាក់ចុះនេះត្រូវបានគេវាយតម្លៃថា បណ្តាលមកពីការកើនឡើងនៃអត្រាការិយាល័យទំនេរ និងការប្រកួតប្រជែងកាន់តែខ្លាំងក្នុងចំណោមម្ចាស់អគារការិយាល័យដើម្បីទាក់ទាញអតិថិជន៕
