ដោយៈ រ៉ាណេត
ភ្នំពេញៈ គម្រោងលំនៅះដ្ឋានបែបលំហែរកាយ និងទេសចរណ៍បែបធម្មជាតិដ៏ប្រណីតចំនួន២ ស្ថិតនៅក្នុងខេត្តផ្សេងគ្នា ដែលកំពុងតែមានសក្ដានុពលលើវិស័យសំណង់ និងទេសចរណ៍នាពេលបច្ចុប្បន្ន នឹងបើកលក់ព្រមគ្នានៅត្រឹមព្រឹកថ្ងៃទី៥ខែសីហា ឆ្នាំ២០១៩នេះ។
គម្រោងលំនៅដ្ឋានលំហែរកាយ និងទេសចរណ៍ដ៏ប្រណីត ក្នុងរូបភាពជាទីក្រុងបែបធម្មជាតិលើកដំបូងគេបង្អស់នៅកម្ពុជា ទី១ មានឈ្មោះថា BS Holiday City អភិវឌ្ឍដោយក្រុមហ៊ុនដ៏ល្បីឈ្មោះ ខាងវិស័យសំណង់លំនៅដ្ឋាននៅកម្ពុជា BS Land & Home មានទីតាំងស្ថិតនៅ ភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគីរី។
គម្រោងទី២មានឈ្មោះថា East Natural City ជាការអភិវឌ្ឍដោយក្រុមហ៊ុនជំនាញលើវិស័យសំណង់លំនៅដ្ឋានប្រណីតភាព East Land & Home មានទីតាំងស្ថិតនៅខេត្តកំពត ដែលពោរពេញ ទៅដោយធនធានធម្មជាតិដ៏ស្រស់ត្រកាល មានតំបន់ព្រែក និងព្រៃភ្នំយ៉ាងទាក់ទាញ ជាប់ព្រំប្រទល់ ខេត្តព្រះសីហនុ ស្រុកព្រៃនប់ ឃុំទឹកថ្លា ភូមិព្រៃប្រស់។
តាមការឱ្យដឹងពីអ្នកតំណាងក្រុមហ៊ុន អភិវឌ្ឍគម្រោងទាំង២ខាងលើនេះ បានឱ្យដឹងថា ការវិនិយោគនិងអភិវឌ្ឍលំនៅដ្ឋានលំហែរកាយ និងទេសចរណ៍បែបធម្មជាតិដ៏ប្រណីតទាំង២ខាងលើនេះ គឺក្រុមហ៊ុនមានគោលបំណងចូលរួមជាមួយរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជាប្រមុខដឹកនាំ ក្នុងការជំរុញវិស័យសំណង់ និងវិស័យទេសចរណ៍ឱ្យកាន់តែមានភាពល្អប្រសើរ ក្នុងនាមជាសរសរស្ដម្ភចំនួន២ក្នុងចំណោមទាំង៤ ដែលជួយទ្រទ្រង់សេដ្ឋកិច្ចជាតិកម្ពុជា។
អ្នកតំណាងដដែលបានបញ្ជាក់ថា គម្រោងទី១ BS Holiday City ដែលអភិវឌ្ឍដោយក្រុមហ៊ុន BS Land & Home ស្ថិតនៅខេត្តមណ្ឌលគីរី ជាទីក្រុងបែបធម្មជាតិ ប្រកបដោយបរិយាកាសល្អបរិសុទ្ធ ត្រូវបានអភិវឌ្ឍនៅលើផ្ទៃដីទំហំជាង៣០០ហិកតា និងមានការសាងសង់សំណង់ជាច្រើនប្រភេទ ដូចជា ផ្សារទេសចរណ៍ រីសតលំដាប់ផ្កាយ សួនកម្សាន្ត ផ្ទះលំហែកាយ ផ្ទះផ្លែឈើ (លំនៅដ្ឋានលំហែរកាយមានរូបរាងជាផ្លែឈើ) បឹងកាឡូ វិឡាកូនកាត់ វិឡាទោល និងផ្ទះអាជីវកម្មជាច្រើនទៀត។
ដោយឡែកចំពោះគម្រោងទី២ ដែលមានឈ្មោះថា East Natural City ក្រោមការវិនិយោគ និងអភិវឌ្ឍដោយក្រុមហ៊ុន East Land & Home ស្ថិតនៅខេត្តកំពត ជាប់ព្រំប្រទល់ខេត្តព្រះសីហនុ លាតសន្ធឹងនៅលើផ្ទៃដីទំហំជាង២០០ហិកតា មានការសាងសង់ជាសំណង់ចំរុះដែលសុទ្ធតែបម្រើឱ្យវិស័យទេសចរណ៍ ដូចជា ផ្សារទេសចរណ៍ រីសតលំដាប់ផ្កាយ សួនកម្សាន្ត ផ្ទះលំហែកាយ ផ្ទះផ្លែឈើ (លំនៅដ្ឋានលំហែរកាយមានរូបរាងជាផ្លែឈើ) បឹងកាឡូ វិឡាកូនកាត់ វិឡាទោល ផ្ទះអាជីវកម្ម និងកាន់តែពិសេសទៀតនោះគឺ ការកសាងរួបប្រាសាទល្បីៗ តំណាងឱ្យប្រទេសនិមួយៗលើពិភពលោក រួមជាមួយនឹងសមុទ្រសប្បនិម្មិតដែលបង្អួតសម្រស់ដ៍ស្រស់ស្អាតផងដែរ។
គម្រោងលំនៅដ្ឋានលំហែរកាយ និងទេសចរណ៍ ទីក្រុងធម្មជាតិទាំង២ខាងលើនេះ នឹងចាប់បើកលក់ជាដំណាក់កាលដំបូងរួមគ្នា ចាប់ពីព្រឹកថ្ងៃទី៥ ខែសីហា ឆ្នាំ២០១៩នេះ ហើយការប្រកាសបើកលក់ជាផ្លូវការណ៍នឹងត្រូវធ្វើឡើងនៅថ្ងៃទី៩ ខែកញ្ញា ឆ្នាំ២០១៩ ខាងមុខនេះ។
សម្រាប់ព័ត៌មានលម្អិតបន្ថែម លោកអ្នកអាចទាក់ទងទូរស័ព្ទលេខ ៖ ០៧៦-៩៩៩៩ ០២១ / ០៩៦ – ៩៩៩៩ ០២១ / ០៧១-៩៩៩៩ ០២១៕
 ស្ថិតនៅក្នុងខេត្តមណ្ឌលគីរី និងកំពតបានចាប់ផ្ដើមប្រកាសលក់){kind=link}