ស្វែងយល់ពីអាស៊ាន៖ ប្រទេសដែលមានសេដ្ឋកិច្ចធំទី២ ក្នុងតំបន់អាស៊ានមានអាគារខ្ពស់ច្រើនប៉ុណ្ណា?

ដោយ វុត្ថា

ភ្នំពេញ៖ ទីក្រុងបាងកក ប្រទេសថៃ មានប្រជាជនរស់នៅចំនួន៨,២៨១លាននាក់ ជាប្រទេសមានសេដ្ឋកិច្ចធំជាងគេទី២ ក្នុងតំបន់អាស៊ានបន្ទាប់ពីប្រទេសឥណ្ឌូនេស៊ី ហើ​យភាពលូតលាស់នៃសេដ្ឋកិច្ចសង្គមប្រទេសនេះ បានទាក់ទាញអ្នកវិនិយោគជាតិ អន្តរជាតិសាងសង់អាគារខ្ពស់ៗជាច្រើននៅទីក្រុងនេះ។

ទីក្រុងនេះមានអគារខ្ពស់ចំនួន១៩អគារ ដែលរាប់ចាប់ពីកម្ពស់២០០ម៉ែត្រឡើង ជាប់ជាទីក្រុងជាប់លំដាប់ថ្នាក់លេខ៤ ក្នុងតំបន់អាស៊ីអាគ្នេយ៍ ដែលមានចំនួនតិចជាងទីក្រុង Jakarta ដែលមានចំនួនអគារ៥០អគារ ដែលមានកម្ពស់ចាប់ពី២០០ម៉ែត្រឡើងដូចគ្នា និងតិចជាងនៅក្នុងទីក្នុងទីក្រុង Kuala Lumpur និង ទីក្រុង Manila ប៉ុន្តែច្រើនជាងទីក្រុង Singapore និងនៅក្នុងទីក្រុងមួយចំនួនទៀតនៅជុំវិញពិភពលោក។

នៅពេលនិយាយពីអគារខ្ពស់ គេសំដៅទៅលើរអគារខ្ពស់កប់ពពកចាប់ពីកម្ពស់ ៣០០ម៉ែត្រឡើង។ ទីក្រុងបាងកក មានអគារខ្ពស់កប់ពពកដ៏អស្ចារ្យចំនួន២ ក្នុងឆ្នាំ ២០១៧ រួមជាមួយអគារខ្ពស់កប់ពពកចំនួន៣ កំពុងស្ថិតនៅក្នុងការសាងសង់ និងចំនួនអគារ៥ទៀត ស្ថិតនៅក្នុងការស្នើរសុំសាងសង់សង់។ អគារខ្ពស់បំផុតដែលមានគម្រោងសាងសង់ក្នុងទីក្រុងបាងកក មានឈ្មោះថា Rama IX Super Tower ដែលនឹងមានកម្ពស់ប្រមាណ៦១៥ម៉ែត្រ។ អគារនេះ នេះស្ថិតក្នុងកំពុងសាងសង់ ហើយនៅពេលសាងសង់បញ្ចប់ វានឹងក្លាយជាអគារខ្ពស់លំដាប់ទី១០នៅទូទាំងពិភពលោក។

យ៉ាងណាក៏ដោយ ប្រសិនបើអគារនេះទាំងអស់នេះ ត្រូវបានសាងសង់បញ្ចប់មែននោះ ទីក្រុងបាងកកវ៉ាដាច់ទីក្រុងនានាក្នុងតំបន់អាស៊ី ដែលមានអគារខ្ពស់កប់ពពកដ៏ល្បីល្បាញបន្ទាប់ពីទីក្រុង Shanghai ។

អគារខ្ពស់កប់ពពកដែលសាងសង់រួច រួមមាន អគារ MahaNakhon មានកម្ពស់  ៣១៤,២ម៉ែត្រ និង៧៧ជាន់ ជាប្រភេទអគារស្នាក់នៅ និងសណ្ឋាគារ ដែលគ្រប់គ្រងដោយក្រុមហ៊ុន PACE Development Corporation។ អគារនេះ គឺជាអគារខ្ពស់បំផុតនៅក្នុងប្រទេសថៃចាប់ពីដើមឆ្នាំ២០១៥ និងខ្ពស់ជាងអគារ Baiyok Tower ដែលធ្លាប់ទទួលជាអគារខ្ពស់បំផុតក្នុងប្រទេសថៃ។

អគារ MahaNakhon  គឺជាអគារតែមួយគត់ក្នុងចំណោមអគារ ដែលគេទទួលស្គាល់ថា អស្ចារ្យដែលអាចមើលទេសភាពទីក្រុងបាងកកទាំងមូលបាន។

អគារ Baiyok Tower II មានកំពស់៣០៤ម៉ែត្រ និង៨៥ជាន់ ជាប្រភេទអគារសណ្ឋា​គារ ដែលបានបញ្ចប់ការសាងសង់នៅក្នុងឆ្នាំ១៩៩៧ និងគ្រប់គ្រង់ដោយក្រុមហ៊ុន Land Development Corporation។ អគារនេះ ធ្លាប់ជាអគារខ្ពស់បំផុតទី១ ក្នុងប្រទេសថៃ និងជាអគារខ្ពស់បំផុតក្នុងប្រទេសថៃអស់រយៈ១៩ឆ្នាំ បន្ទាប់ពីមានវត្តមានអគារ MahaNakhon ក្នុងឆ្នាំ២០១៦ ។ អគារនេះ គឺជាអគារសណ្ឋាគារខ្ពស់បំផុតក្នុងពិភពលោក។

អគារ The Grand Rama 9 Tower មានកម្ពស់៦១៥ ម៉ែត្រ និង១២៥ជាន់ ជាប្រភេទស្នាក់នៅ (Apartment) និងសណ្ឋាគារ ដែលអាចសាងសង់បញ្ចប់នៅក្នុងឆ្នាំ ២០២០ និងគ្រប់គ្រងដោយក្រុមហ៊ុន Grand Canal Land ។

អគារនេះ កាលពីមុនគេដាក់ឈ្មោះអោយថា Rama IX Super Tower ដែលជាអគារខ្ពស់បំផុត ស្ថិតនៅក្នុងគម្រោងសាងសង់នានាក្នុងទីក្រុងបាងកក៕