ដោយៈ និស្ស័យ

    ប៉ារីសៈ លោកប្រធានាធិបតីបារាំង លោក Emmanuel MACRON បានអះអាងថា បារាំងអាចជួយសម្របសម្រួលផ្តល់ឯកសារដល់ភាគីកម្ពុជា-ថៃ ដើម្បីដោះស្រាយជម្លោះព្រំដែន ក្នុងករណីចាំបាច់។

ការបញ្ជាក់បែបនេះ បានធ្វើឡើង ក្នុងជំនួបទ្វេភាគីជាមួយសម្តេចមហាបវរធិបតី ហ៊ុន ម៉ាណែត នៅទីក្រុងនីស ប្រទេសបារាំង។ នេះបើតាម លោក ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកកិច្ចការការបរទេស និងសហប្រតិបត្តិការអន្តរជាតិ ថ្លែងក្នុងសន្និសីទសារព័ត៌មាននៅព្រឹកនេះ។

ថ្លែងក្នុងសន្និសីទសារព័ត៌មាន នៅឯព្រលានយន្តហោះអន្តរជាតិភ្នំពេញ នាព្រឹកថ្ងៃទី១២ ខែមិថុនា លោក ហ្សង់ ហ្វ្រង់ស័រ តាន់ បានសង្ខេបអំពីលទ្ធផល នៃរបស់សម្តេចបវរធិបតី ទៅកាន់ទីក្រុងនីសប្រទេសបារាំង ដោយលោកអះអាងថា សម្តេចបានជួបជាមួយមេដឹកនាំមួយចំនួន ជាពិសេសប្រធានាធិបតីបារាំង។

លោកបញ្ជាក់ថា ក្នុងជំនួបជាមួយមេដឹកនាំបណ្តាប្រទេសជាមិត្ត និងដៃគូរបស់កម្ពុជា ជាពិសេសប្រធានាធិបតីបារាំង សម្តេចបវរធិបតី ហ៊ុន ម៉ាណែត បានបញ្ជាក់អំពីជំហរកម្ពុជា ក្នុងការដោះស្រាយបញ្ហាព្រំដែនជាមួយប្រទេសថៃ ដែលជំហរនេះ សម្តេចក៏បានបញ្ជាក់ប្រាប់នាយករដ្ឋមន្រ្តីម៉ាឡេស៊ី កាលពីពេលថ្មីៗនេះផងដែរ។

លោកហ្សង់ ហ្វ្រង់ស័រ តាន់ បានបញ្ជាក់បន្ថែមថា យ៉ាងហោចណាស់ ជាមួយប្រធានាធិបតីបារាំង ជាការពិតសម្តេចបានលើកឡើងពីរឿងរ៉ាវបច្ចុប្បន្នរវាងកម្ពុជា និងថៃ ប៉ុន្តែខ្ញុំសូមឡើងយ៉ាងទទូចថា សម្តេចបវរធិបតី លើកឡើងពីបញ្ហាកម្ពុជាថៃ នៅចំពោះមុខ​ប្រធានាធិបតីបារាំងម៉ាក្រុង ដើម្បីបញ្ជាក់ពីគោលជំហររបស់ ប្រទេសកម្ពុជាតែប៉ុណ្ណោះ គ្មានឡើយគោលដៅផ្សេងៗ។

គោលជំហរ៤ចំណុចរបស់កម្ពុជា ក្នុងការដោះស្រាយជម្លោះព្រំដែនជាមួយថៃ ត្រូវបានសម្តេចនាយករដ្ឋមន្រ្តី បញ្ជាក់កន្លងមកក្នុងនោះរួមមានដូចជា ទី១ កម្ពុជាប្រកាន់ខ្ជាប់នូវគោលជំហររក្សាសន្តិភាព មិត្តភាព និងកិច្ចសហប្រតិបត្តិការល្អជាមួយថៃ។ ទី២ ការសម្រេចចិត្តរបស់កម្ពុជា ដើម្បីយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ) គឺដើម្បីស្វែងរកដំណោះស្រាយបញ្ហាព្រំដែន នៅតំបន់ទាំងនោះដោយសន្តិវិធីអោយបានឆាប់ចប់ជាស្ថាពរ ជាជាងបន្សល់ទុកបញ្ហាអោយនៅបន្តស្រពិចស្រពិលរយៈពេលវែង ដែលអាចបង្កអោយកើតមានជាជម្លោះប្រដាប់អាវុធសារជាថ្មី។

ទី៣ បន្តសហការជាមួយភាគីថៃ ដើម្បីជំរុញការវាស់វែង ខ័ណ្ឌ​សីមា និងបោះបង្គោលព្រំដែនរវាងប្រទេសទាំងពីរ ដែលនៅសេសសល់ (ក្រៅពីតំបន់ទាំង៤ខាងលើ) ដោយប្រើប្រាស់យន្តការគណៈកម្មការព្រំដែនចម្រុះ(JBC) កម្ពុជា-ថៃ និងទី៤៖ បន្តរក្សាទំនាក់ទំនងរវាងប្រទេសទាំងពីរ តាមរយៈគ្រប់យន្តការដែលមានស្រាប់ ដើម្បីជាឧត្តមប្រយោជន៍ សម្រាប់ប្រជាពលរដ្ឋនៃប្រទេសទាំងពីរកម្ពុជា-ថៃ។

លោកហ្សង់ បានបញ្ជាក់ទៀតថា សម្តេចបវរធិបតី លើកឡើងពីបញ្ហាទាំងនេះ ចំពោះមុខប្រធានាធិបតីម៉ាក្រុង គឺដើម្បីតែគោលដៅមួយគត់ នោះគឺបញ្ជាក់ពីគោលជំហររបស់ប្រទេសកម្ពុជា នៅក្នុងរឿងរ៉ាវហ្នឹង មិនមែនសម្រាប់គោលដៅអីផ្សេងទេ ម្ល៉ោះហើយយើងក៏មិនបានទន្ទឹងរង់ចាំចម្លើយបញ្ជាក់ច្បាស់ ពីប្រធានាធិបតីម៉ាក្រុងដែរ យ៉ាងណាក៏ដោយ ខ្ញុំសូមអះអាងថា ប្រធានាធិបតីបារាំងម៉ាក្រុង បានថ្លែងបញ្ជាក់ថា​ “បារាំងអាចជួយសម្រួល ជាអាទិ៍តាមរយៈការផ្តល់ឯកសារ ឯកសារនេះឬឯកសារនោះ ដល់ភាគីទាំងពីរ​ ដល់ថៃផងដល់កម្ពុជាផង បើសិនជាមានការចាំបាច់”។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចូលរួម ក្នុងសន្និសីទអង្គការសហប្រជាជាតិ ស្តីពីមហាសមុទ្រលើកទី៣ ដែលធ្វើឡើង នៅទីក្រុងនីស ប្រទេសបារាំង ចាប់ពីថ្ងៃទី៩-១១ ខែមិថុនា ឆ្នាំ២០២៥៕

ក្រុងព្រះសីហនុ – ខែមិថុនា ឆ្នាំ 2025 — JHL Collection មានមោទកភាពជាខ្លាំងនូវសមិទ្ធផលនៃការពង្រីក និងពាំនាំយីហោរបស់ខ្លួនមកកាន់ឆាកអន្តរជាតិជាមួយនឹងការបង្ហាញខ្លួនជាលើកដំបូងរបស់ Arjuna រីសត និងស៉្បា​ ដែលបានបើកដំណើរការកាលពីថ្ងៃទី 28 ខែឧសភា ឆ្នាំ 2025។ ការសាងសង់និងរៀបចំរបស់ Arjuna រីសត និងស៉្បា​ ទទួលបានការបំផុសគំនិតដោយរឿងព្រេងនិទាន Arjuna និងដំណើររាជវង្សសាវតាខ្មែរ។ Arjuna រីសត និងស៉្បា​ ជាសណ្ឋាគារផ្កាយប្រាំក្នុងយុគសម័យថ្មីដែលមានភាពប្រណីត​ ស្រស់បំព្រង និងរំលេចដោយវប្បធម៌ចម្រុះរះនៅលើឆ្នេរសមុទ្រកម្ពុជា។ ទីតាំងនៅក្នុងរីសត Kampong Dewa ជាគោលដៅប្រណីតរួមបញ្ចូលគ្នាដំបូងគេក្នុងខេត្តព្រះសីហនុដែលលើសពីសណ្ឋាគារធម្មតា Arjuna រីសត និងស៉្បាគឺជាគោលដៅពិសេសមួយសម្រាប់អតិថិជនគ្រប់ៗរូប។

អ្នកនាង Rina Mariani អ្នកគ្រប់គ្រងទូទៅនៃ Arjuna រីសត និងស៉្បា បានមានប្រសាសន៍ថា “ការ​រចនា Arjuna រីសត និងស៉្បា គឺជាការរួមបញ្ចូលគ្នានូវភាពអស្ចារ្យ និងភាពដែលគួរឱ្យស្ញប់ស្ញែងនៃសាវតាររាជវង្សខ្មែរជាមួយនឹងការរចនាដ៏ប្រណីតបែបសហសម័យ។ គ្រប់ចំនុចលម្អិតទាំងអស់ រាប់ចាប់ពីសិល្បៈនៃក្បាច់រចនា និងស្ថាបត្យកម្មនៃរីសតទាំងមូល រួមបញ្ចូលជាមួយនឹងបទពិសោធន៍ភ្ញៀវ​គ្រប់រូបត្រូវបានធ្វើឡើងដើម្បីនាំអ្នកទស្សនាចូលទៅក្នុងពិភពមួយដ៏អស្ចារ្យ។ ការស្នាក់នៅនីមួយៗត្រូវបានរៀបចំដោយបដិសណ្ឋារកិច្ចលំដាប់ប្រទេសដែលធានាបាននូវបទពិសោធន៍ដ៏វិសេសវិសាលជូនទៅកាន់អតិថិជន”។

ដំណើរ​នៃការទទួលទានអាហារដ៏ឈ្ងុយឆ្ងាញ់ក៏កំពុង​រង់​ចាំ​លោកអ្នកនៅ​ភោជនីយដ្ឋាន និង​បារ Angkasa នៅជាន់ទី 23។​ ភោជនីយដ្ឋាន និង​បារ Angkasa នឹងផ្តល់នូវបទពិសោធន៍នៃការទទួលទានអាហារដ៏ពិសេសជាមួយនឹងទិដ្ឋភាពផ្ទៃសមុទ្រដ៏ធំ រួមជាមួយទេសភាពទីក្រុងដ៏ស្រស់ស្អាត ដែលផ្តល់នូវអារម្មណ៏​ និងរសជាតិសម័យ និងបុរាណលាយបញ្ចួលគ្នា។ ភ្ញៀវ​ទាំងអស់ក៏អាចទទួលបាននូវបទពិសោធន៍នៃ​កម្មវិធី​ភ្លក់​រសជាតិ​ស្រា​ស ដែលជា​កម្មវិធី​ដែលមានជា​ការ​និទាន​រឿង​វប្បធម៌បុរាណដែលធ្វើឱ្យ​ការ​ជួប​គ្នារបស់ភ្ញៀវទទួលបាននូវបទពិសោធន៍ដែលគួរឱ្យចងចាំ។

 សម្រាប់បទពិសោធន៍នៃការទទួលទានអាហារបែបឯកជនដ៏ពិសេសវិញ ភោជនីយដ្ឋាន Wang Long Chinese Royal Restaurant (望珑中国皇家餐厅) ដែលជាភោជនីយដ្ឋានបែបប្រពៃណីចិនដែល​រួមបញ្ចូលជាមួយ នឹងភាពស៊ីវិល័យ។ រីករាយជាមួយម្ហូបចិនលំដាប់កំពូលនៅក្នុងបន្ទប់ទទួលទានឯកជនដ៏ធំទូលាយ តុបតែងដោយផ្ទៃខាងក្នុងដ៏ប្រណីត និងរសជាតិដ៏ឈ្ងុយឆ្ងាញ់ ដែលគ្រប់គ្រងដោយលោក Du Yinluo ដែលជាអ្នកជំនាញផ្នែកសិល្បៈអាហារចិន និងការគ្រប់គ្រងបដិសណ្ឋារកិច្ចដែលបានទទួលការសរសើរពីអន្តរជាតិជាច្រើន រួមទាំងពានរង្វាន់ Red Dot Design Award ដ៏ល្បីល្បាញពីប្រទេសអាល្លឺម៉ង់ផងដែរ។

ភ្ញៀវក៏អាចសម្រាកនៅ Sky Lounge ដែលជាកន្លែងលំហែដ៏ទំនើប និងមានផាសុខភាព ទីធ្លាទូលំទូលាយ ក្នុងនោះផងដែរ ទម្រង់សិល្បៈដ៏ស្រស់ស្អាតក៏ត្រូវបានដាក់បង្ហាញ រៀបចំ និងតុបតែងយ៉ាងប្រណីត។ Sky Lounge លាក់ខ្លួនមួយនេះឆ្លុះមើលឃើញទិដ្ឋភាព​ពីជាន់ក្រោមដល់ពិដានប្រដាប់ដោយគ្រឿងសង្ហារិមដ៏ប្រណីតពន្លឺព័ទ្ធជុំវិញ​​​រួមជាមួយ​នឹងស្រាក្រឡុកធ្វើដោយដៃដែលផ្តល់នូវបទពិសោធន៍បែប “បន្ទប់ទទួលភ្ញៀវនៅលើមេឃ” ដ៏ប្រណីត និងល្អបំផុតសម្រាប់ការទទួលទានស្រាក្រឡុកពេលថ្ងៃលិច ឬការជួបជុំគ្នានាពេលយប់។

Sky Pool & Bar ដែលស្ថិតនៅជាន់លើបង្អស់នៃសណ្ឋាគារជាកន្លែងពិសេសដែលអាចបង្ហាញនូវទេសភាពដែលមិនអាចប្រៀបផ្ទឹមបាននៅក្រុងព្រះសីហនុ។ នៅពេលថ្ងៃ​ Sky Pool & Bar ក៏មាននូវអាងទឹកដែលមើលឃើញនូវជើងមេឃ​ និងទេសភាពផ្ទៃសមុទ្រដ៏ធំ ​​គ្មានការរំខាន និងទេសភាពទីក្រុងដ៏មមាញឹកនៅពេលយប់។ នៅពេលព្រះអាទិត្យរៀបអស្តង្គត ទីកន្លែងនេះនឹងផ្លាស់ប្តូរអារម្មណ៏ភ្ញៀវជាមួយនឹងការបំភ្លឺពន្លឺជុំវិញ ការរចនាដ៏ស្រស់បំព្រង និងសេវាកម្មចម្រាញ់បញ្ចូលគ្នាសម្រាប់បទពិសោធន៍ដែលមិនអាចបំភ្លេចបាន។ មិនថាសម្រាប់ការស្វែងរកភាពស្ងប់ស្ងាត់បែបផាសុខភាពនាពេលថ្ងៃ ឬការជួបជុំគ្នានៅពេលល្ងាចក្តី Sky Pool & Bar គឺជាគោលដៅដែលភ្ញៀវត្រូវទៅទស្សនាដោយខានពុំបាន។

កាស៊ីណូលំដាប់ពិភពលោក Kampong Dewa  ត្រូវបានរៀបចំឡើងដើម្បីទាក់ទាញដល់ភ្ញៀវអន្តរជាតិ ដោយមានបំពាក់នូវម៉ាស៊ីនអេឡិចត្រូនិចទំនើបទាន់សម័យនៅក្នុងបរិយាកាសលេងកម្សាន្តល្អផ្តាច់មុខគេ។ ក្នុងនាមជាផ្នែកមួយនៃគម្រោងស្នូលរបស់ Kampong Dewa Resorts ដ៏ធំទូលាយ អតិថិជនក៏អាចទន្ទឹងរង់ចាំការសាងសង់ថ្មីៗដ៏គួរឱ្យចាប់អារម្មណ៍ជាច្រើនពី Khayangan Beach Club សណ្ឋាគារលំដាប់ Herloom និង Residence រួមទាំង Theme Park ដ៏ទំនើប រួមជាមួយមជ្ឈមណ្ឌលសន្និបាត Bima Hotel & Convention Center និងវិចិត្រសាលផ្សារទំនើបដ៏រស់រវើក ដែលទាំងអស់នេះត្រូវបានរចនាឡើងដើម្បីដាក់ទីតាំង Kampong Dewa Resorts ជាគោលដៅកម្សាន្តឈានមុខគេរបស់ប្រទេសកម្ពុជា។

Arjuna រីសត និងស៉្បា ក៏ផ្តល់ជូននូវគ្រឿងបរិក្ខារយ៉ាងទូលំទូលាយ រួមទាំងមជ្ឈមណ្ឌលសុខភាព ​(Arjuna Spa by Sandjong) កន្លែងហាត់ប្រាណ (The Workout) កន្លែងប្រជុំ និងសេវាកម្មផ្សេងៗ ដែលត្រូវបានកែសម្រួលឡើងដើម្បីលើកកម្ពស់ទៅដល់គ្រប់ទិដ្ឋភាពនៃបទពិសោធន៍ និងតម្រូវការរបស់ភ្ញៀវ។ ស្វែងយល់បន្ថែមពី Arjuna រីសត និងស៉្បា នៅទីនេះ។

ការសម្ពោធជាលក្ខណៈអន្តរជាតិនេះ បានសបញ្ជាក់ពីការប្តេជ្ញាចិត្តឥតងាករេរបស់ JHL Collection ចំពោះការច្នៃប្រឌិត ការរចនាដែលជំរុញដោយវប្បធម៌ និងឧត្តមភាពក្នុងបដិសណ្ឋារកិច្ច។ ចំពោះការបន្ថែមចុងក្រោយបំផុតទៅលើកម្នើនផលប័ត្ររបស់ក្រុម គំរូក្រមហត្ថលេខារបស់យីហោ Arjuna គឺ៖ ពន្លឺក្នុងបដិសណ្ឋារកិច្ច។

អំពី Arjuna Resort & Spa

Arjuna Resort & Spa គឺជាសណ្ឋារគារលំដាប់ផ្កាយប្រាំដែលត្រូវបានសាងសង់ឡើងដោយការបំផុសគំនិតមកពីរឿងព្រេងនៃ Arjuna និងមរតករាជវង្សខ្មែរដែលផ្តល់ជូននូវភាពប្រណីត និងបទពិសោធន៍បដិសណ្ឋារកិច្ចដ៏អស្ចារ្យ។ ដោយមានចំងាយត្រឹម 30 នាទី ពីអាកាសយានដ្ឋានអន្តរជាតិក្រុងព្រះសីហនុ និង 10នាទី ពីឆ្នេរអូត្រេះ Arjuna មានបន្ទប់ធំទូលាយ និងបន្ទប់ស្វីតសរុបចំនួន 236 រួមទាំងបន្ទប់ Penthouse កាស៊ីណូលំដាប់ពិភពលោក កន្លែងស្ប៉ា និងកន្លែងទទួលទានអាហារលំដាប់កំពូលដែលទាំងអស់នេះត្រូវបានរៀបចំឡើងសម្រាប់អ្នកដំណើរ ភ្ញៀវអាជីវកម្ម ភ្ញៀវទេសចរណ៍ និងអ្នកស្វែងរកលំហែកាយនានា។

អំពី​ JHL Collection

បង្កើតឡើងក្នុងឆ្នាំ 2020 JHL Collection គឺជាក្រុមហ៊ុនគ្រប់គ្រងផ្នែកបដិសណ្ឋារកិច្ចឈានមុខគេដែលប្តេជ្ញាក្នុងការ​បង្កើតបទពិសោធន៍ប្លែកអារម្មណ៍សម្រាប់ភ្ញៀវតាមរយៈសណ្ឋាគារប្រណីតនានាក្នុងប្រទេសឥណ្ឌូនេស៊ី និងប្រទេសផ្សេងៗទៀត។ ក្រុមហ៊ុនបាននឹងកំពុងបើកដំណើរការសណ្ឋាគារនានាក្នុងទីក្រុងតង់ហ្គឺរ៉ាង ​(Tangerang)​​ ទីក្រុង​បូហ្គោ​ (Bogor)​ ទីក្រុងបាលី (Bali) និងប្រទេសកម្ពុជា ក្រោមម៉ាកយីហោទាំងប្រាំរបស់ខ្លួនរួមមាន៖ JHL Solitaire, Episode, Herloom, JSI Resort និង Noema Resort។ ម៉ាកយីហោនីមួយៗមានលក្ខណៈពិសេសរៀងៗខ្លួន ប៉ុន្តែត្រូវបានឈរក្រោមគោលដៅរួមមួយ គឺការស្វែងរកឧត្តមភាពផ្នែកបដិសណ្ឋារកិច្ច។ សម្រាប់ព័ត៌មានបន្ថែម សូមចូលទៅកាន់គេហទំព័រ www.jhlcollection.co.id។

សម្រាប់ការសាកសួរព័ត៌មាន សូមទាក់ទង៖

Arjuna រីសត & ស្ប៉ា

Fadhlan Karim – នាយកផ្នែកលក់ និងទីផ្សារ

ទូរស័ព្ទ៖ +855 34 933999

WhatsApp៖ +62 8121031745

តេលេក្រាម: Fadhlan Karim

អីម៉ែល: [email protected]

ដោយៈ ម៉ាណា

    ភ្នំពេញៈ ក្រុមមន្រ្តីនៃក្រុមប្រឹក្សាអភិវឌ្ឍន៍កម្ពុជា បានជួបពិភាក្សាជាមួយមន្រ្តីអឺរ៉ុប ដើម្បីពិភាក្សាលើកិច្ចសហប្រតិបត្តិការរវាងអឺរ៉ុប និងកម្ពុជា។

កិច្ចពិភាក្សាកាលពីសប្តាហ៍មុននេះ បានដឹកនាំដោយលោករ៉ិត វុទ្ធី អគ្គលេខាធិការគណៈកម្មាធិការ សហប្រតិបត្តិការអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា (គ.ស.អ.ក/ក.អ.ក) និហលោកស្រីបណ្ឌិត Laima Liucija Andrikienė សមាជិកានៃ European Court of Auditors និងមានការចូលរួមពីលោកIgor Driesmans ឯកអគ្គរដ្ឋទូតសហភាពអឺរ៉ុបប្រចាំកម្ពុជា និងមន្ត្រីជាន់ខ្ពស់ នៃប្រតិភូសហភាពអឺរ៉ុបប្រចាំព្រះរាជាណាចក្រកម្ពុជា។

គោលបំណងចម្បងនៃជំនួបនេះ គឺដើម្បីពិភាក្សា អំពីវឌ្ឍនភាពនៃកិច្ចសហប្រតិបត្តិការ អភិវឌ្ឍន៍រវាងកម្ពុជា និងសហភាពអឺរ៉ុប ក៏ដូចជាផ្លាស់យោបល់ និងបទពិសោធន៍ ដើម្បីបន្តពង្រឹងកិច្ចសហប្រតិបត្តិការអភិវឌ្ឍន៍ ជាពិសេសទាក់ទងនឹងការប្រើប្រាស់ហិរញ្ញប្បទានសហប្រតិបត្តិការប្រកបដោយស័ក្តិសិទ្ធិភាព៕

ដោយៈ គង់ សូរិយា

    ភ្នំពេញៈ រាជរដ្ឋាភិបាល តាមរយៈក្រសួងរៀបចំដែនដី នគរូបនីយកម្ម និងសំំណង់គ្រោងវិនិយោគលំហរសាធារណៈ(សួនច្បារ) ដើ​ម្បីលើកកំពស់សុខមាលភាពរបស់ប្រជាពលរដ្ឋ។

លោកឧបនាយករដ្ឋមន្រ្តីសាយ សំអាល់បានមាមប្រសាសន៍ឲ្យដឹងកាលពីចុងសប្តាហ៍មុនថា បច្ចុប្ប​ន្នជំងឺមិនឆ្លងបានកើតមានច្រើនលើប្រជាពលរដ្ឋខ្មែរ ដោយជំងឺលើសសម្ពាធឈាមបានកើនដល់១លាននាក់ ហេតុនេះបើសិនជាពួកគាត់ព្យាបាលសុខភាព ចំណាយម្នាក់ត្រឹម៥០ដុល្លារ ពួកគាត់ចឹងចំណាយរហូតដល់៥០លានដុល្លារអាមេរិក ចំនួននេះមិនទាន់គិតពីអ្នកមានជំងឺទឹកនោមផ្អែម និងជំងឺមិនឆ្លងដទៃទៀតនៅឡើយ។

លោកបន្តថា ហេតុនេះ រាជរដ្ឋាភិបាលបាននិងកំពុងយកចិត្តទុកដាក់លើការលើកកំពស់សុខមាលភាពសាធារណៈ ដោយវិនិយោគលំហរសាធារណៈ  ដែលអាចប្រជាពលរដ្ឋដើរកំសាន្ត និងហាត់ប្រា​ណ”។ លោកបន្តថា “រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី បាននិងកំពុងគីតលើការងារធំៗជាច្រើន ដែលពេលខ្លះ លោកពិបាកចិត្តផងដែរ ខ្លាចធ្វើមិនបាន ព្រោះផែនការរបស់សម្តេចធំណាស់”។

លោកសាយ សំអាល់បានបន្តទៀតថា លើសពីនេះ រដ្ឋាភិបាលក៏បាននិងកំពុងគិតគូរដល់និរន្តរភាពទន្លេសាយ ដែលទន្លេរនេះបានផ្តល់ចំណូលដល់សេដ្ឋកិច្ច២០០០លានដុល្លារក្នុងមួយឆ្នាំ។ ហេតុនេះបើយើងភ្លេចគិតពីបញ្ហានេះ វានឹងជាកំហុសធំមួយក្នុងប្រវត្តិសាស្រ្ត៕

ដោយៈ គង់ សូរិយា

    ព្រះសីហនុៈ លោកបណ្ឌិតសភាចារ្យ ហ៊ាន សាហ៊ីប បានបញ្ជាក់ថា ចាប់ពីដើមឆ្នាំ២០២៤ ដល់ខែឧសភា ឆ្នាំ២០២៥ ក្រុមការងារជំរុញការវិនិយោគខេត្តព្រះសីហនុ បានអនុម័តគម្រោងចំនួន២៩៦ ​ដែលមានទុនវិនិយោគ ប្រមាណ៧ប៊ីលានដុល្លារអាមេរិក និងអាចបង្កើតការងារថ្មីចំនួន៥៣,២០៥កន្លែង។

ព័ត៌មាននេះ ត្រូវបានលើកឡើងក្នុងអង្គសិក្ខាសាលាមួយ ដែលមានការចូលរួមពីអភិបាល នៃគណៈអភិបាលខេត្តព្រះសីហនុ លោកម៉ាង ស៊ីណេត និងមន្រ្តីពាក់ព័ន្ឋរួមទាំងអ្នកវិនិយោគផងដែរ។

ក្នុងចំណោមគំរោងទាំងនោះ គម្រោងដែលទទួលបានគោលការណ៍លើកទឹកចិត្តច្រើនជាងគេ គឺគម្រោងអគារជាប់គាំងចំនួន១៣១ ស្មើនឹង៤៤ភាគរយ។ គម្រោងវិនិយោគថ្មីចំនួន១៣០ ស្មើនឹង៤៤ភាគ រយ គម្រោងពង្រីកចំនួន២៤ ស្មើនឹង៨ភាគរយ និងគម្រោងមានស្រាប់ចំនួន១១ ស្មើនឹង៤ភាគរយ។ លើទិដ្ឋភាពវិស័យគម្រោងប្រមា​ណ៩៤ភាគរយ ប្រមូលផ្តុំក្នុងវិស័យចំនួន៣ គឺវិស័យអចនទ្រព្យចំនួន ១១៨គម្រោង វិស័យទេសចរណ៍មចំនួន៩៨គម្រោង និងវិស័យឧស្សា​ហកម្មចំនួន៦១គម្រោង។ គម្រោងប្រមាណ៦,៤ភាគរយផ្សេងទៀត ឬ ១៩គម្រោង មាននៅក្នុងវិស័យសេវាកម្ម វិស័យកសិកម្ម វិស័យអប់រំ និងវិស័យសុខាភិបាល។

លោកបន្តថា ទន្ទឹមនេះក្នុងវិស័យឧស្សាហកម្ម ក្រុមការងារបានផ្តល់គោលការណ៍លើកទឹកចិត្ត ដល់គម្រោងសួនឧស្សាហកម្ម និងតំបន់សេដ្ឋកិច្ចពិសេសថ្មីចំនួន៤ មានទុនវិនិយោគសរុបចំនួនប្រមាណ ១១០លានដុល្លារអាម៉េរិក ហើយរំពឹងថា នឹងបង្កើតការងារថ្មីចំនួន ១៥,២២០កន្លែង។

លោកហ៊ាន សាហ៊ីបបានបន្តថា កន្លងមកលេខាធិការនៃក្រុមការងារ បានធ្វើការសិក្សាលើទិដ្ឋភាព នៃការអនុវត្តគម្រោងបានរកឃើញថា រហូតមកដល់បច្ចុប្បន្នទុនវិនិយោ​គជាក់ស្តែង ដែលបានអនុវត្តរួចមានប្រមាណ២,៤៤ប៊ីលានដុល្លារអាមេរិក ស្មើនឹងប្រមាណ ៣៥ភាគរយ នៃទុនវិនិយោគសរុបដែលទទួលបានការអនុម័ត។

លោកបន្តថា “ខ្ញុំសូមលើកទឹកចិត្តលោក លោកស្រីលើកឡើងនូវបញ្ហាប្រឈម ក្នុងការអនុវត្តគោលការណ៍លើកទឹកចិត្ត ក្រោមវិសាលភាពកម្មវិធីពិសេស ជំរុញការវិនិយោគក្នុងខេត្តព្រះសីហនុ និងស្វែងយល់ឱ្យកាន់តែច្បាស់ នូវគោលការណ៍លើកទឹកចិត្តផ្នែកពន្ធដារ និងនីតិវិធីនៃការលើកលែងពន្ធអចលនទ្រព្យ ព្រមទាំងចូលរួមផ្សព្វផ្សាយដល់វិនិយោគិនផ្សេងទៀត ដើម្បីទទួលការលើកទឹកចិត្តវិនិយោគដោយឥតគិតថ្លៃ ឬសាកសួរព័ត៌មានបន្ថែមនៅការិយាល័យ ក្រុមការងារជំរុញការវិនិយោគខេត្តព្រះសីហនុ និងនៅរាជធានីភ្នំពេញ”៕