ដោយៈ ម៉ាណា

    ភ្នំពេញៈ លោកលឹម វិសាល អគ្គលេខាធិការរងគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា និងសហការី បានទទួលជួបពិភាក្សាការងារ ជាមួយគណៈប្រតិភូវិនិយោគិនចិន មកពីទីក្រុងប៉េកាំង និងខេត្តអានហួយ នៃសាធារណរដ្ឋប្រជាមានិតចិន។

ក្នុងឱកាសនោះ លោកអគ្គលេខាធិការរងបានសម្តែងនូវការស្វាគមន៍យ៉ាងកក់ក្តៅជូនចំពោះគណៈប្រតិភូ និងបានលើកឡើងពីទំនាក់ទំនងដ៏ជិតស្និទ្ធរវាងកម្ពុជានិងចិន ក៏ដូចជាកិច្ចសហប្រតិបត្តិការអភិវឌ្ឍន៍ក្នុងការកសាងហេដ្ឋារចនាសម្ព័ន្ធ ក្រោមការឧបត្ថម្ភគាំទ្រពីរដ្ឋាភិបាលនិងប្រជាជនចិន។

លោកបានជម្រាបជូនអំពីស្ថានភាពទូទៅ នៃការវិនិយោគនៅកម្ពុជា ច្បាប់ និងបទប្បញ្ញត្តិពាក់ព័ន្ធនឹងការវិនិយោគ ព្រមទាំងបានធ្វើការអត្ថាធិប្បាយលម្អិត អំពីរបបលើកទឹកចិត្តវិនិយោគ។ ទន្ទឹមនេះលោក អគ្គលេខាធិការរងក៏បានគូសបញ្ជាក់ អំពីយន្តការកិច្ចសន្ទនារវាងរដ្ឋនិងវិស័យឯកជន នៃបណ្តាប្រទេសមួយចំនួន ក្រោមការរៀបចំរបស់ក្រុមប្រឹក្សាអភិវឌ្ឍន៍កម្ពុជា ដែលបានដើរតួនាទីយ៉ាងសំខាន់ក្នុងការថែទាំវិនិយោគ និងទាក់ទាញវិនិយោគ។

តំណាងគណៈប្រតិភូបានថ្លែងថា គោលបំណងរបស់គណៈប្រតិភូដែលមកទស្សនកិច្ចនៅកម្ពុជា គឺដើម្បីស្វែងយល់បន្ថែមពីបរិ​យាកាសវិនិយោគ ពិសេស ការវិនិយោគក្នុងវិស័យឧស្សាហកម្មឈើដាំ និងការវិនិយោគ ក្នុងវិស័យកម្មន្តសាលវាយនភណ្ឌពីដើមទីដល់ចុងទី។

ជាការឆ្លើយតប លោកអគ្គលេខាធិការរងបានសម្តែងនូវការស្វាគមន៍ និងគាំទ្រគម្រោងវិនិយោគ ដែលគណៈប្រតិភូមានបំណងបណ្តាក់ទុននៅកម្ពុជា ព្រោះគម្រោងទាំងពីរនេះ ជាប្រភេទគម្រោងដែលទទួលបានការលើកទឹកចិត្ត ដូចមានចែងក្នុងច្បាប់និងបទប្បញ្ញត្តិជាធរមាន។

លោកបញ្ជាក់ថា “ការវិនិយោគក្នុងកម្មន្តសាលវាយនភណ្ឌ ពីដើមទីដល់ចុងទី (ការផលិតក្រណាត់ ឡេវ រហូតដល់ចេញជាសម្លៀកបំពាក់) ស្របនឹងគោលនយោបាយរបស់រាជរដ្ឋាភិបាល ក្នុងការជំរុញលើកទឹកចិត្ត ឱ្យមានការផលិតវត្ថុធាតុដើមក្នុងស្រុក ឱ្យបានច្រើនជាអតិបរិមា ដើម្បីបង្កើនតម្លៃបន្ថែម និងបំពេញតម្រូវការទីផ្សារនាំចេញ ជាពិសេស នៅពេលដែលកម្ពុជាចាកចេញ ពីក្រុមប្រទេសអភិវឌ្ឍន៍តិចតួច (LDC) នៅចុងឆ្នាំ២០២៩ខាងមុខនេះ ដែលវិធានប្រភពដើមទំនិញ សម្រាប់ការនាំចេញទៅកាន់ទីផ្សារសហគមន៍អឺរ៉ុប នឹងទាមទារឱ្យមានការបម្លែងពីរដំណាក់កាល (double transformation)៕

ថ្ងៃទី១៣ ខែសីហា ឆ្នាំ២០២៥៖ ដើម្បីឆ្លើយតបជាមួយនឹងការអំពាវនាវរបស់ប្រមុខរាជរដ្ឋាភិបាលកម្ពុជា និងធនាគារ​ជាតិនៃកម្ពុជា ព្រមទាំងប្រជាពលរដ្ឋកម្ពុជាទូទៅ ធនាគារ​ ហត្ថា ជាធនាគារពាណិជ្ជដែលមានវត្តមានជាង ៣០ឆ្នាំក្នុងប្រទេសកម្ពុជា និងជាសមាជិករបស់សម្ព័ន្ធហិរញ្ញវត្ថុរបស់ MUFG មានមូលដ្ឋានក្នុងប្រទេសជប៉ុន បានចូលរួមរំលែកទុក្ខ និងលុបបំណុលចោលទាំងស្រុង ជូនដល់ក្រុមគ្រួសាររបស់យោធិនពលីចំនួន ០២រូប ដែលមានទីលំនៅក្នុងភូមិពោធិចាស់ ឃុំបេង ស្រុកបន្ទាយអំពិល ខេត្តឧត្តមានជ័យ។​

លោក មិន សុផា ប្រធាននាយកប្រតិបត្តិនៃធនាគារ ហត្ថា បានមានប្រសាសន៍ថា៖ “តាងនាមអោយថ្នាក់ដឹកនាំ និងបុគ្គលិកទាំងអស់របស់ធនាគារ ហត្ថា សូមចូលរួមរំលែកទុក្ខដ៏ក្រៀមក្រំបំផុតនេះជាមួយក្រុមគ្រួសាររបស់អតិថិជនទាំងពីរចំពោះការបាត់បង់ដ៏ធំធេងនេះ ហើយខ្ញុំសង្ឃឹមថា ការលុបចោលបំណុលទាំងស្រុងក្នុងថ្ងៃនេះ អាចជួយសម្រាលបន្ទុកផ្នែកហិរញ្ញវត្ថុជូនក្រុមគ្រួសារ សាច់ញាតិយោធិនពលីទាំង ០២រូប បានមួយចំនួនផងដែរ។ ”

អំពីធនាគារ ហត្ថា

ធនាគារ ហត្ថា ជាធនាគារពាណិជ្ជ ដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាលជាង ៣០ឆ្នាំមកហើយ ដែលបានផ្តល់ជូនសេវាហិរញ្ញវត្ថុយ៉ាងទូលំទូលាយ ដល់អតិថិជនរបស់ខ្លួន ដែលរួមានអតិថិជនជាលក្ខណៈបុគ្គល សហគ្រាសខ្នាតតូច និងមធ្យម (SME) ព្រមទាំងស្ថាប័នសាអាជីវកម្មធំៗជាច្រើនទៀត។ ធនាគារ ហត្ថា គឺជាសមាជិករបស់ MUFG ដែលជាសម្ព័ន្ធហិរញ្ញវត្ថុធំមួយ របស់ប្រទេសជប៉ុន ដែលមានសាខាប្រហែល ​២000 ទីតាំង ស្ថិតនៅក្នុងទីផ្សារជាង ៤០ ក្នុងពិភពលោក។ សម្ព័ន្ធក្រុមហ៊ុនផ្តល់សេវាកម្មហិរញ្ញវត្ថុ MUFG បានការចុះបញ្ជីនៅលើផ្សារហ៊ុន (Tokyo Stock Exchange), ណាហ្គូយ៉ា (Nagoya Stock Exchange) និងញូយ៉ក (New York Stock Exchange) ដោយមានតម្លៃទីផ្សាររហូតដល់ ២៤.២៧ កោដិយាន់ និងប្រាក់ចំណេញសុទ្ធចំនួន ១.៥៩១,១ ពាន់លានយាន់ នៅត្រឹមចុងខែមីនា ឆ្នាំ ២០២៥។

ដោយ៖ រិន ច័ន្ទរិទ្ធិ

(ភ្នំពេញ)មេភូមិភាគ២ ប៊ុនសុីង ផាតក្លាង បានធ្វើឱ្យនាយរដ្ឋមន្ត្រីស្តីទីនិងរដ្ឋាភិបាលថៃទាំងមូលមិនសប្បាយចិត្តនិងអាម៉ាស់មុខយ៉ាងខ្លាំង ដោយសារគាត់បានប្រើឈ្មោះយោធាភូមិភាគ២ រៃអង្គាសលុយជាសាធារណៈ យកទៅទិញរបងបន្លាលួសដើម្បីយកមកដាក់ តាមខ្សែបន្ទាត់ព្រំដែនកម្ពុជា-ថៃ ដោយមានកន្លែងខ្លះ(ដូចនៅច្រក ណង ចាន់ ជាដើម) យោធាថៃបានរាយបន្លាលួសជាឯកតោភាគី ដោយទាំងលំនៅដ្ឋានរបស់ប្រជាពលរដ្ឋខ្មែរទៀត។

នៅថ្ងៃនេះ(តាមKHAOSOD) នាយរដ្ឋមន្ត្រីស្តីទីថៃ លោក ភូមថាំ វេចាយ៉ាឆៃ(Phumtham Vechayachai) បានប្រកាសថា រដ្ឋាភិបាលមានកញ្ចប់ថវិកាសម្រាប់យោធា ដូច្នេះ លោកបានប្រាប់មេភូមិភាគ២ថា បើកងទ័ពត្រូវការអី កងទ័ពអាចប្រាប់មករដ្ឋាភិបាល។ លោកភូមថាំ មិនចង់ឱ្យមេភូមិភាគ២ប្រកាសរៃអង្គាសថវិកាជាសាធារណៈទេ ដោយសារវាប៉ះពាល់ដល់កិត្យានុភាពរបស់រដ្ឋាភិបាលនិងយោធាថៃ ហើរដ្ឋាភិបាលក៏មានថវិកាបំរុងសម្រាប់យោធាដែរ។

ការដែលលោក ផាតក្លាងមេភូមិភាគ២ ធ្វើឱ្យមន្ត្រីជាន់ខ្ពស់នៃរដ្ឋាភិបាលថៃរង្គាសចិត្តនិងខឹងសម្បារនេះ មិនមែនជាលើកទីមួយទេ។ មានករណីមួយទៀតដែល មេទ័ពភូមិភាគ២ថៃ ផាតក្លាង បានប្រកាសនៅសៀលថ្ងៃអាទិត្យទី១០ខែសីហា២០២៥ ថានឹង​វាយយកប្រាសាទតាក្របីឲ្យបាន និងបិទប្រាសាទតាមាន់ធំបណ្តោះអាសន្ន ឬអចិន្ត្រៃយ៍​ ក្នុងពេលនៅសេសសល់៥១ថ្ងៃក្នុងតួនាទីរបស់គាត់។ សេចក្តីថ្លែងការណ៍របស់លលោកផាតក្លាងនេះ ដែលដកស្រង់សំដីដោយKHAOSOD បានធ្វើឱ្យរដ្ឋភិបាលថៃបាក់មុខយ៉ាងខ្លាំង ប្រឈមនឹងសហគមន័អន្តរជាតិ អាស៊ាន(ម៉ាឡេសុី) ចិន និងអាមេរិក។ មួយថ្ងៃបន្ទាប់ មិនទាន់បាត់ឈ្ងៀមផង ក្រសួងការពារជាតិថៃតាមរយៈលោក វីនថៃ ស៊ូវ៉ារី បានចេញមកស្តីបន្ទោសសាព័ត៌មានថៃមួយចំនួនថាបានដកស្រង់សំដីខុស លោកផ្កាយ២ផាតខ្លាង។ លោកវីនថៃ បានកែរសម្រួលសេចក្តីថា តាមពិតទៅមេភូមិភាគ២ចង់និយាយថានឹងយកប្រាសាទតាក្របីមកកាន់កាប់វិញ ដោយយន្តការណ៍សមស្របណាមួយ ដោយអះអាងថាប្រាសាទតាក្របីគួរតែស្ថិតនៅក្រោមដែនអធិបតេយ្យភាពរបស់ថៃ។ លោកបានបន្តទៀតថា ថៃនឹងលើកអំពីករណីប្រាសាទតាក្របីនៅក្នុងកិច្ចប្រជុំគណៈកម្មការព្រំដែនថ្នាក់តំបន់(RBC)នាពេលខាងមុខនេះដែរ។

ដូច្នេះ យោងតាមសកម្មភាពគឃ្លើនរបស់លោក ផាតក្លាង ទោះបីមានសំណើរពីប្រជាជនជ្រុលនិយមថៃឱ្យគាត់បន្តធ្វើជាមេបញ្ជាការនៃភូមិភាគ២បន្តទៀតបន្ទាប់ពីចូលនិវត្តន៍ គឺមិនអាចទៅរួចទេ ព្រោះតាម(KHOASOD) រដ្ឋាភិបាលថៃតាមរយៈក្រសួងការពារជាតិបានបដិសេធរួចហើយ ដោយលើកឡើងថាវាអាចប៉ៈពាល់ដល់ស្តង់ដារនៃការបន្តការងារឬការតម្លើងឋានៈមន្ត្រីយោធាយោងតាមគុណសម្បត្តិ។

ខ្ញុំជឿរជាក់ថា បន្ទាប់ពីការចូលនិវត្តន៍របស់លោក ប៊ុនសុីង ផាតក្លាង រដ្ឋាភិបាលថៃនឹងតែងតាំងមេទ័ពថ្មីនៃភូមិភាគ២ ដែលយល់សាច់ការនិងស្តាប់បង្គាត់រដ្ឋាភិបាលជាងមុន។ ត្រូវចាំថា លោក ផាតក្លាង នេះហើយ ដែលជាមេបង្ករហេតុនៃការបិទព្រំដែនកម្ពុជា-ថៃ និងសង្គ្រាម៥ថ្ងៃ ដែលនាំឱ្យសេដ្ឋកិច្ចថៃក្នុងនាមជាប្រទេសដែលមានអំណាចនាំចេញខាតបង់មិនតិចទេ នេះមិនទាន់រាប់ការខាតបង់ អ្នករងរបួសនិងស្លាប់រាប់រយនាក់ទៀត ដោយសារការប្រយុទ្ធគ្នាដោយយោធាកម្ពុជា-ថៃ រយៈពេល៥ថ្ងៃ៦យប់។

ដោយៈ គង់ សូរិយា

    ភ្នំពេញៈ ក្រុមមន្រ្តីជាន់ខ្ពស់រាជរដ្ឋាភិបាល ដឹកនាំដោយលោកឧបនាយករដ្ឋម​ន្រ្តីស៊ុន ចាន់ថុលអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជាប្រជុំពិភាក្សា លើគម្រោងមជ្ឈមណ្ឌលភស្តុភារកម្មភ្នំពេញ។

លោកប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួង ចូលរួមកិច្ចប្រជុំពិភាក្សាការងារលើគម្រោង មជ្ឈមណ្ឌលភស្តុភារកម្មភ្នំពេញ PPLC (Phnom Penh Logistics Complex) ផងដែរ។

គោលបំណងនៃកិច្ចប្រជុំនេះគឺដើម្បីពិនិត្យ និងពិភាក្សាលើវឌ្ឍនភាព និងទិសដៅនៃគម្រោងអភិវឌ្ឍន៍ មជ្ឈមណ្ឌលភស្តុភារកម្មភ្នំពេញ PPLC ក្នុងគោលបំណងពន្លឿន ការអភិវឌ្ឍគម្រោងឱ្យលេចចេញជារូបរាងនាពេលឆាប់ៗខាងមុខ។

គម្រោងនេះក៏នឹងចូលរួមលើកកម្ពស់ ភាពប្រកួតប្រជែងវិស័យភស្តុភារកម្មក្នុងតំបន់ និងការទាក់ទាញវិនិយោគបរទេស ឱ្យចូលរួមអភិ​វឌ្ឍន៍វិស័យឡូជីស្ទីក និងឧស្សាហកម្មនៅកម្ពុជាជាបន្តបន្ទាប់ សំដៅលើកកម្ពស់ការអភិវឌ្ឍសេដ្ឋកិច្ចជាតិ និងការបង្កើតការងារជូនប្រជាពលរដ្ឋបន្ថែមទៀត ព្រមទាំងការកាត់បន្ថយថ្លៃចំណាយដឹកជញ្ជូន និងឡូជីស្ទីក៕