ដោយៈ ម៉ាណា
ភ្នំពេញៈ ក្រុមមន្រ្តីជាន់ខ្ពស់អន្តរក្រសួង ដឹកនាំដោយលោកបណ្ឌិតអូន ព័ន្ឋមុនីរ័ត្នរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានបើកកិច្ចប្រជុំជាមួយក្រុមមន្រ្តីក្រសួងពាក់ព័ន្ឋ ទាក់ទងការស្តារបាតទន្លេមេគង្គលើ។
កិច្ចប្រជុំកាលពីថ្ងៃទី៤ មិថុនាកន្លងមកនេះ ក៏មានការចូលរួមពីប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងក្រុមមន្រ្តីក្រសួងពាក់ព័ន្ឋជាច្រើនរូបផងដែរ។
មកិច្ចប្រជុំអន្តរក្រសួងនេះធ្វើឡើងដើម្បីពិនិត្យ និងពិភាក្សាអំពីគោលនយោបាយលើកទឹកចិត្ត ក្នុងគោលដៅជំរុញការបូម ស្តារបាតទន្លេមេគង្គលើ ចាប់ពីព្រំប្រទល់រវាងខេត្តកណ្តាល និងខេត្តកំពង់ចាម
កិច្ចប្រជុំនេះ មានគោលបំណងពិនិត្យពិភាក្សា អំពីគោលនយោបាយលើកទឹកចិត្ត ក្នុងគោលដៅជំរុញការបូម ស្តារបាតទន្លេមេគង្គលើ ចាប់ពីព្រំប្រទល់រវាងខេត្តកណ្តាល និងខេត្តកំពង់ចាមឡើងទៅលើ ក្នុងកម្រិតអន្តរក្រសួងពាក់ព័ន្ធ រួមមាន ក្រសួងសេដ្ឋកិច្ច និងហិរញ្ញវត្ថុ ក្រសួងសាធារណការ និងដឹកជញ្ជូន ក្រសួងធនធានទឹក និងឧតុនិយម និងក្រសួងរ៉ែ និងថាមពល៕
